陳儀興玫瑰餐廳

營業中

休息中

天寒地凍打邊爐最好不過，想暖身當然要食下羊腩煲啦！此店朋友極為推薦，有著陳儀興品牌，質素有保證。無論食材定味道都無得彈，而價錢都好老實，無加一茶價。場內一到７點近乎滿座，人氣十足。枝竹羊腩煲 $398羊腩煲足料，羊腩肉軟腍入味，配料仲有枝竹、冬菇、馬蹄、冬筍等。南乳湯底呈深啡色味道香濃，但就唔會好咸，味道剛剛好。配埋唐生菜索下汁食十分美味。招牌手切肥牛(細) $218肥牛手切厚薄適中，油脂分佈均勻，色澤鮮艷，肉質鮮嫩柔軟，牛味濃郁。美國桶蠔 $178蠔身飽滿肥美，烚完冇縮水，一啖咬落去相當滿足。蠔肉鮮嫩，無腥味好正，火煱必食。粒粒章魚丸 $57食落有濃郁的章魚鮮香，混有章魚粒增添口感味道層次。響鈴卷 $57即炸響鈴趁熱食有脆薄口感，浸湯索汁食更美味。魚皮餃 $53口感煙韌彈牙，魚肉鮮美，正。自家手包韭菜餃子 $53餃子超大粒，菜肉餡料十足，爽口帶甜，有八粒相當抵食。竹蔗茅根水 $20羅漢果茶 $20

冬天真係要食返個暖笠笠嘅鍋物，呢晚搵咗間港式火鍋店，發現呢間餐廳都幾大件夾抵食㗎喎😎枝竹羊腩煲呢個鍋底真係勁足料，羊腩有齊肥同瘦兩款供應，勁啱我同朋友🐑 羊肉唔算太羶，點埋腐乳都幾夾。其他配料有爽口嘅馬蹄、夠晒入味嘅冬菇同枝竹。仲另外有一份生菜🥬招牌手切肥牛有分兩款size，我同朋友兩人想食多啲其他野，所以只係嗌咗份細嘅。份量都夠晒我地呢啲牛魔王🤪 雪花勁靚，牛味香濃，輕灼幾秒就食得🥰 五花腩肉肥瘦嘅層次分明，唔會過份肥膩🐷 豬皮嘅部份仲帶點爽彈，幾鍾意佢仲有少量豬軟骨。自家手包韭菜餃呢個係必嗌之選，每粒韭菜餃都好大隻，外皮唔會好厚，入面嘅韭菜同豬肉嘅比例剛好，每隻都漲卜卜🥟彈牙魚皮餃魚皮餃幾有口感，一份有八隻，都係餐廳推介嘅菜式🐟潮州手打牛丸牛丸咬開仲有勁多肉汁，牛香十足，我同朋友都好鍾意呢碟🐮 粒粒章魚丸併香菇貢丸丸類可以雙併，粒粒章魚丸食落口彈牙，仲食到入面有少量章魚粒🐙 香菇貢丸口感實淨，另外有啲冬菇粒喺面，增加咗唔少菇嘅香味。水魷魚水魷份量都幾多，食落口好爽口🦑日本烏冬打邊爐嘅結尾加咗份彈牙嘅烏冬，令呢餐更加溫飽🍜呢餐真係食得好飽，特別鍾意佢嘅羊腩煲十分真材實料。餐廳午市都有

天文台話下個星期冷風到温度急降❄️，凍凍哋當然去食羊腩煲啦！食羊腩煲一定去陳儀興，佢嘅羊腩煲係no.1👍🏻🥘枝竹羊腩煲$398份量都幾多，足夠2-3人份量，羊腩肉質嫩滑，肉味鮮甜。最吸引係個羊腩汁，加入了當歸（應該係🤔），有少許藥材味，令整體味道層次提升。濃稠度剛好做到掛汁，再配合羊腩和其他配料如馬蹄、冬菇、枝竹、筍，還有生菜，食過返尋味😋食完羊腩還可以加湯繼續打邊爐，火鍋配料都不少，價錢合理，品質都可以。就算平日晚上都幾乎滿座，可見受歡迎程度。大多三五成群，適合一眾朋友同事或家庭眾會。

趁住天氣涼涼地，去食羊腩煲打邊爐🥳 平日夜晚接近坐滿😲 大部分都係三五成群打邊爐，大枱都坐滿哂，非常熱鬧🍻🐏枝竹羊腩煲好足料🤤 有新鮮枝竹、馬蹄、冬菇等配料，非常入味😋 羊腩夠羊味，炆得軟腍又入味😋 係得一嚿羊腩切得比較大，有少少難咬開🤏🏾 羊腩煲附有生菜，另外再加咗幾碟配料打邊爐餃子同丸類都可以雙拼，彈牙魚皮餃同粒粒章魚丸都好好味😋 見到牆上推廣貼紙，即場留評價有小食送，店員表示係送胡麻鮮准山，不過食飽咗就冇留到評價換小食🤰🏽🤣飲品點咗圓肉紅棗薏米水，有袪濕、補血同益氣之效，啱哂港女養生👸🏽✨

上星期凍左幾日，同朋友去左新蒲崗玫瑰食羊腩煲，環境有點古舊但夠光猛衛生，職員都好友善，而我見到隔離枱十個人個雞煲好似成座山咁真係好吸引，下次要約一大班人去！枝竹羊腩煲 $398好足料既羊腩煲，羊腩夠腍夠嫰，羊味唔會太羶，其他配料有枝竹，馬蹄，筍，冬菇等等，好香濃。因為兩個人食得慢，食食下有啲痴底，店員主動過黎幫我換煲，真係非常好。食完之後加清湯打邊爐，叫左一份雙拼餃（彈牙魚皮餃，獨門芥末西芹餃)$58，雙拼丸（粒粒章魚丸，香菇貢丸） $62 以及一份手打薯粉 $18。餃夠大隻，連我平時唔食西芹都覺得個餃好食，不過就食唔到芥末味。兩隻丸都彈牙，特別鍾意個章魚丸，好有口感。最正係薯粉，好掛汁，好濃羊腩汁味，好好食！除左汽水啤酒，茶餐廳飲品，餐牌仲有健康飲品，叫左金銀花茶同羅漢果茶 $20，見到係陳儀興出品，我枝金銀花茶都幾好飲，少少甘。

📌 陳儀興玫瑰餐廳 - 新蒲崗爵祿街33A-37A號百勝工廠大廈地舖🗓(22/11) 星期三 ⏰ 晚上6:15左右 💈特式：最近各大群組都係度討論邊間羊腩煲好食，所以我都出動去搵下有咩好食/抵食嘅羊腩煲推介比大家，今日收工同朋友就嚟幫大家試下呢間陳儀興玫瑰餐廳。🥩🍔🌭🌮🥗🥯🥘🍲🍝🍣🥟🍤🍱食物：餐廳除左羊腩煲，平時主力就係做火鍋同小菜，而且價錢都相當抵食，而家等我同大家講下🐐🍲味道先。🐐🍲羊腩煲 $3️⃣9️⃣8️⃣ - 個羊腩煲味道唔錯，個汁濃稠得嚟又唔咸，連個湯汁我都想飲埋，羊肉炆得夠入味同軟淋，就連比較大舊嘅肉都炆得好淋，皮有咬口及有彈性，食得出應該係用新鮮羊，唔係雪藏貨，仲會有少許羊羶味，配料就有冬筍/冬菇/馬蹄/炸支竹等等。另外，每個羊腩煲會包埋一碟生菜，生菜份量都ok。就係因為佢個羊腩煲湯汁咁正，所以就再加左火鍋配料用埋個湯汁嚟打邊爐，唔好浪費左個咁正嘅湯底精華。🦑爽口墨魚卷 $5️⃣7️⃣ - 我好鐘意佢地嘅不規則形狀，好得意。一碟有8件，質地爽口彈牙，偏挺身，入面仲有d細細粒嘅墨魚粒，墨魚味亦好重。🦐彈牙蝦肉卷 $5️⃣7️⃣ - 呢個都係8件，質地就比墨魚卷淋d，但咬落好多蝦肉，好輕鬆鮮甜味

今日難得同朋友在新蒲崗做完嘢，就找個地方食飯吹吓水先，見到呢間有小菜、火鍋，還有冬天至噤食嘅羊腩煲，一於入去叫個羊腩煲和小菜填飽個肚。枝竹羊腩煲：羊腩和配料份量十足有羊肉、枝竹、馬蹄、冬菇和竹筍。羊肉炆得好淋，冇乜骨啖啖肉， 馬蹄好爽，枝竹同冬菇好入味索晒肉汁，竹筍入口嫩而無渣椒鹽脆肉鯇：脆肉鯇新鮮炸起熱辣辣，香氣樸鼻，脆鯇入囗外脆肉嫩彈牙爽囗，炸蒜微辣非常惹味芫茜蠔仔炒蛋：蠔仔都幾大隻幾甜，蠔仔數量算多，內裏好多洋蔥和芽菜，幾爽口不過唔喜歡食洋蔥和芽菜就唔好叫，蛋內全部都係洋蒽和芽菜今晚呢餐食到好飽和好暖，食飯期間大約7：30左右都座滿食客，平日都噤多人，睇來呢間應該幾好食，而且見好多人都叫火鍋，下次可以約多d朋友一齊試吓

微涼的秋風，是不是心郁郁想吃火鍋、羊腩煲呢？陳儀興玫瑰餐廳主打火鍋雞煲還有惹味小炒，而且評價幾高。剛發現這間餐廳亦有羊腩煲，所以就安排了時間去吃我入秋的第一煲 (笑)位於新蒲崗百勝工廠大廈的地舖，大大的玫瑰 Logo 很易找。這裡不論是一大班親朋戚友聚餐或少人聚會也沒問題，卡座坐起來都頗舒適。點了鍋煲後就可以選配料，不想羊腩煲的話其實都有幾多選擇。各式各樣的雞煲、海鮮鍋等也很吸引，不過要注意有些是需要提前預約的。飲品就地道茶餐廳飲品、汽水外，都會有健康飲品。圓肉紅棗薏米水 (HKD 20) 雖然是加了圓肉，但喝起來並不會很甜。枝竹羊腩煲 (HKD 398) 好大一鍋還超足料。每件羊肉都很大件，不會只是骨頭沒有肉那樣子，且非常入味。肉很軟嫩，皮的話則很有彈性，吃落有微微羊羶味。枝竹、冬筍、冬菇等的配料也是滿滿的，所以整個超豐富，同樣好入味。當然也不能少了翠綠的唐生菜，這是點羊腩煲便會送一碟。愈煮愈濃厚的汁，在吃完羊肉後加清湯就可以開始吃火鍋囉。響鈴配彈牙蝦肉卷 (HKD 62) 響鈴夠脆，喜歡吃腍身的可等吸飽湯汁才吃。蝦肉卷確實幾彈牙，就平時吃的蝦餅變成卷狀那樣子。脆鯇魚片 (HKD 5