FAB Kitchen (已結業)

呢間幾精緻嘅西餐廳走簡約輕鬆風格🥰💗新西蘭牛油南瓜忌廉湯餐湯飲落順滑冇渣，滑溜綿實。南瓜味道特別濃稠香甜🎃而忌廉嘅奶香亦非常突出🧈💗德國薯仔沙律 薯仔切成粗粒較有口感，食落香軟綿密🥔以蜜糖芥末沙律醬調味，配埋醃製酸青瓜條🥒整體感清新開胃💗日本蒲燒鰻魚潛艇三文治($168)麥法包烤至外層脆卜卜，裡面質感依然軟熟🥖放上超過8吋長嘅原條鰻魚，肉質軟嫩厚身，食落冇腥味，而且好少骨🐟唯獨欠缺炭燒香，香甜嘅蒲燒汁亦可以多d。另外加咗少少沙律醬同新鮮嘅火箭菜🥗粗薯條用氣炸方式去整，完全無油膩較健康，食落都依然外脆內軟🍟💗扒雞胸配忌廉松露扁意粉($128)意粉軟硬適中，食落順滑彈牙 🍝每條扁麵到掛住濃郁唔膩嘅忌廉汁，帶微微黑松露香，非常入味。雞胸條口感較嚡，如果轉番雞柳會更加嫩滑🐓仲有少量洋蔥同紅黃椒做配菜🧅💗柚子奶凍奶凍軟硬適中，口感嫩滑得嚟帶少少彈性🍮放入口先品嚐到酸甜嘅熱情果醬，然後慢慢散發出奶香，面頭嘅新鮮柚子粒非常清甜🍊

疫情之下減少咗出外用餐，因為新嘅抗疫措施，本來約咗同朋友嚟呢間小有名氣嘅西餐私房菜慶祝生日，亦唯有改成午餐，但一切安全至上，而且心意亦係最重要。餐廳位於工廈入面，唔係朋友介紹都唔為意呢棟樸實無華嘅工廈入面居然有一間頗為精緻嘅西餐廳。餐廳嘅風格非常簡約，黑白色嘅牆壁上面佈滿色彩鮮艷嘅手繪壁畫，配上米白色嘅枱布同椅套，播住令人感覺輕鬆嘅音樂，整體感覺非常舒服。一踏入餐廳侍應就為我哋探熱，而且亦安排我哋同其他食客隔開坐，令人感覺安心。朋友介紹呢度嘅fine dinner唔錯，令人印象深刻，午餐嘅食物雖然冇晚餐咁多，但價錢相宜，而且選擇亦算多元化。同朋友各自叫咗一份set lunch，包括前菜、主菜、甜品同飲品。先送上嘅係椰菜花西蘭花藜麥沙律，椰菜花同西蘭花非常新鮮，入口爽脆，加埋藜麥令口感更豐富，配上清新嘅香草醬令人胃口大開。燒黃桃配巴瑪火腿令人印象深刻，如果話Parma Ham係蜜瓜嘅最佳拍檔，初嘗呢道菜嘅我會形容佢同黃桃先係真正嘅靈魂伴侶！輕輕燒過嘅黃桃甜味突出，配上鹹香嘅Parma Ham同帶少少苦澀嘅火箭菜，完全係一拍即合！餐包上枱嘅時候熱辣辣，外表似豬仔包，入口煙韌有咬口，雖然簡單

工廈隱世餐廳越嚟越多，除咗觀塘區，荔枝角都係另一個熱點。今日就去咗為於荔枝角嘅FAB Kitchen食晏，食完晏仲可以去D2/長沙灣MCL睇返場戲。都真係好方便嫁。FAB Kitchen嘅Lunch Set包括咗一款前菜、主菜、餐飲同甜品。蘑菇忌廉湯：好香濃嘅蘑菇味，而且每一口都食到打碎嘅蘑菇粒。燒黃桃配巴馬火腿：擺盤非常好咁靚。巴馬火腿肉質柔軟、甘甜芳香、味道細緻，配上燒過嘅黃桃，佢為starter非常之一流。水牛芝士菠菜意大利雲吞：FAB嘅意大利雲吞係正方形嘅Ravioli。我本身好中意食Ravioli，但好多餐廳都用咗近年比較熱門嘅黑松露/松露油，而我個人就對黑松露/松露油一般，所以都好無奈。好難得見到FAB嘅Ravioli係水牛芝士，所以就點咗依個喇，而且只係$98好抵食。汁料嘅水牛芝士非常好香，一定要連埋汁食先得。BBQ醬燒豬仔骨配薯條：另一個主菜就揀咗BBQ醬燒豬仔骨。豬仔骨燒得剛剛好，肉非常之嫩滑，而且輕輕用刀一切，肉就好輕鬆咁離開哂條豬仔骨，完全唔會好似其他店食豬仔骨咁，啲肉黏哂骨食唔到。是日甜品係柚子奶凍。雖然係奶凍表面上加上柚子肉同柚子醬，但奶凍有重新調味，唔係無落

憶利工業大廈有唔少既餐廳選擇，已經試過好幾間都令我滿意，今次就揀呢間最近好hit既FAB kitchen，餐廳環境都幾闊落，價錢豐儉由人，lunch set最平$88已經有交易! 下次要醒d book定台仲有9折，係幾抵食既!未order食物已經送上餐前包，重點是保持溫度~同老公各自order 一個set lunch，包左 1個餐湯/沙律+main course+甜品+飲品，我見menu同網上睇有d唔同，似係會定時轉款式!餐湯(粟米忌廉湯)~用上新鮮粟米，味道清甜，忌廉打得好滑身，一般既罐頭湯絕對比不上!沙律(燒黃桃配巴馬火腿)~黃桃同Parma Ham各3件，黃桃既甜配上火腿既咸香，原來可以咁夾既!香煎盲鰽魚配薯蓉·香草牛油汁 （$138）~盲鰽煎得香口滑身，不失魚香味~至於薯蓉配上香草汁，再加上嫩筍，增加不少口感!蜜糖芥末醬豬仔骨配薯條（$168）~肉食愛好者必點，燒汁既豬仔骨就食過好多次, FAB 用上蜜糖芥末醬，第一次試幾特別，RIB做到豬肉分離，每口都沾滿醬，份量亦都好多!大大力推薦!甜品(柚子奶凍)~柚子既清新加上奶凍，既有奶香亦都覺得清爽，係一個唔錯配搭!

午市預早訂位，有九拆。Keep著張單，下次幫襯可當拆扣使用，黃店當然要多多支持。單張印有香港人加油Lunch Set 包左3個course，價錢$88-208都有。#蕃茄湯夏天熱辣辣，頭盤最岩食啲開胃既菜式。蕃茄湯飲落比較light，酸味重，好開胃。#意大利海鮮油醋沙律八爪魚彈牙，沙律菜新鮮爽脆，加啲黑青橄欖配酸甜黑醋作點綴，又係好開胃。#雞胸串，薯仔烤蒜肉汁 $138作為主食，個人覺得份量較少，男仔食未必夠。雞胸串燒燒得乾身，蒜汁味道比想像中清淡，吸收左薯仔既粉甜，令雞肉冇咁dry。#德國咸豬手配酸椰菜 $158必點推薦，幾乎每枱都有點。份量多，豬手烤到卜卜脆，入面肥瘦分明，帶有筋位。食得多係有啲濟，好彩配有酸椰菜，但酸到口水都出晒黎，超級消濟。#柚子奶凍作為Ending，都好滿足。#熱朱古力 (跟餐加$5)超可愛拉花!!歡迎follow IG: fatsnow02，睇更多好食好玩分享。