Mango Tree

營業中

休息中

家人鍾意食泰菜，想搵間坐得舒服又有少少景睇嘅泰菜，非芒果樹莫屬。早個幾星期訂位，成功留左窗口位。一行四人，點左好多野，同四杯野飲。大蝦柚子沙律，滿口清新，蝦好新鮮，開開胃先。冬蔭功好濃蝦味，蝦有好多膏，湯底較清，唔太辣，不錯。再黎豬頸肉同沙嗲，略嫌豬頸肉燒得唔夠燶唔夠香口。沙嗲中規中矩，家人鍾意啖啖肉。炒椰菜苗好食，好嫩冇渣。粉絲蝦煲有最少四邊大蝦，好彈牙，粉絲索晒鮮味，正！而芒果蟹肉炒飯就light少少，冇咁燶味，平衡番。最後叫左三個甜品，一個椰汁馬蹄冰、一個芒果糯米飯同埋芒果芝士蛋糕。由於同家人慶祝生日，餐廳都幫手點上生日蠟燭。最後埋單$1700，為番一人四百幾，作為泰菜fine dining，加少少景觀，算係唔錯。

餐廳位置係ELEMENTS, 環境唔錯, 唔嘈又闊落既.但野食就真係好麻麻, 兩個人食左一千蚊, 而食既野味道實在太一般, 如果想好食又好坐既, 真係唔洗揀呢間, 好處係你揸車黎消費, 有成5個鐘既FREE PARKING同埋行一個靜靜地唔洗同人迫既商場.講返D食物先, 個柚子沙律, 理論上無得輸, 因為唔洗煮, 但個敗筆就係唯一要煮既O個2隻蝦,梅既, 好唔新鮮, 又無味.豬頸肉係呢餐飯最好味道, 不過都唔係話特別出色.個咖哩牛根腩, 味道好單一, 唔係好識形容, 比起即食咖哩再差D.仲有一個係沙金邊粉, 無影到, 食唔晒既, 因為係無咩味道, 最好味, 係杯野飲,MOJITO 真係好好飲, 飲左兩杯, 不過可以提升小小酒精濃度.最後, 值得一讚既係服務態度, 員工有禮, 亦勤快

友人請食生日飯，帶我去貴價商場Elements威!! 第一次食mango tree, 因為唔多中意佢個tea set, 所以散叫左幾樣餸share食。本以為泰國菜都係食個d野，點知有驚喜，食物比想像中好食好好好多!!!!應該係醬汁比其他餐廳唔同，食落好開胃，吸引住我一啖接一啖咁食落去!!!平時個啲可能得一塊薄薄嘅肉片，呢度嘅牛肉串燒係牛肉粒，好厚肉，沾上沙爹醬，好惹味。豬肉同雞肉都好味，不過最出色嘅都係牛肉好難想像點解呢碗咖喱會好味到友人當係湯咁飲黃咖喱唔太辣，仲帶有少少甜味，望落唔係太多油，配上白飯黎食，說不出嘅『正』！！(重點係啲咖喱汁，啲肉反而唔太重要)甜品黎啦，糯米飯應該都加左唔少糖，因為一入口已經感動到甜同超好味!!!! 友人加埋啲椰汁上面，連椰汁都充滿驚喜!! 整體來說真係好有驚喜，非一般嘅泰國菜!

自從Mango Tree在香港設分店後，大家每隔一段時間便會光顧。可幸數年下來，其食物水準仍能保持。銅鑼灣和尖沙咀店都做得到。這次在尖沙咀店被安排了靠窗位置，而大家又選了較早的晚餐時段，所以看到日落美景呢!柚子沙律是每次必點的前菜之一，貪其清甜美味。另外還點了青木瓜沙律和冬蔭公湯作前菜。這兩道菜的辛辣情屬大眾能接受的。主菜個人喜愛泰式豬肉蛋奄烈、青咖哩雞和首次試點的泰式雞肉粉絲。奄烈的蛋香叫人垂涎慾沾滴，配上炒香了的豬肉，美味可口。青咖哩帶微微的香辣，配上滑嫩的雞肉，齒頰留香。而配咖哩的薄餅也非常可口鬆脆。泰式雞肉粉絲則帶來了點點驚喜，最出色的是香而不膩，粉絲略濕但沒有炒成糊狀或餅狀。其他主菜如菠蘿炒飯、炒通菜、泰式炒河粉等的味道也是中上之選。當中只有紅咖哩鴨略為失色。最後甜品當然少不了芒果糯米飯和斑蘭千層糕。個人偏愛紫色的斑蘭千層糕，那植物香味和軟糯口感，叫人一吃再吃。