Outdark (飛達商業中心)

營業中

休息中

食咗幾次呢間餐廳 旺角同埋尖沙咀分店都食過 每次都見出面大排長龍 有次即興嚟食 都派咗半粒鐘以上🙈 所以最好真係book定枱🤣 真心好食推介嘅韓國餐廳💛🇰🇷 餐廳環境坐得舒服 燈光偏黃偏暗 俾人一種舒服柔和嘅感覺 最啱收工過嚟食炸雞飲啤酒🍻雙份炸雞 $192 想食多啲味道 揀咗甜辣炸雞同埋香蒜蜜糖炸雞🍗 每次嚟係必點炸雞！ 炸雞雞肉嫰滑 而且冇雞骨 啖啖肉好juicy 出面又熱辣辣 雞皮香脆 份量都幾多 兩款雞都好好味 基本上冇另外點汁 因為本身甜辣同埋香蒜蜜糖已經好好味 🤣 因為仲有薯格同埋薯條 所以兩個人食有啲多 下次可以叫半份😋 辣炒豬肉 $268 好大份！ 兩個人share 有d 多 最好3-4 人share🙈用鐵盤配上Gas爐 唔驚變凍 可以keep warm 😍 配菜都有芝士、菠蘿、泡菜同埋紫菜飯～ 辣炒豬肉炒得非常入味 入邊仲有芽菜 撈埋芝士、紫菜飯好夾 紫菜飯冇咩味 但辣炒豬肉比較濃味 所以好夾😋 最後可以食返非常鮮甜嘅菠蘿解肥膩感🤪 柚子米酒 $125 上次飲過 覺得好正 柚子味香濃 入面有啲碎冰 食炸雞重口味嘅韓國嘢 再飲一啖米酒 非常清新清爽 😍🍻

上到中心2樓，見到電梯口同走廊位企滿人，原來大家都喺度等待入座。於Openrice book 左7:30pm，眼見門口店員不停翻揭訂座名單，再逐個打電話，鄧佢感到忙亂。終於見到店員準備打俾我，8:05pm左右獲安排入座。柚子米酒看似白粥咁，上面有啲小冰塊保持溫度，用木杓分落小碗飲。柚子味好香，而且混入大量柚子皮，感覺好清新。成餐飯最喜歡呢個，其實冇咩飲酒感覺，而且夠清新，食完辣同炸野飲好合適。然後期待已久ge芝士炒雞到了，好多芝士，好邪惡。中間係雞、年糕同芝士，另外再有飯、菠蘿、泡菜、爐邊蛋。眼見芝士慢慢溶化，爐邊蛋都浮起，急不及待開始食。到店員黎到幫我地炒ge時候，芝士都變焦了。店員再為我地加添芝士，再等芝士溶，店員都好忙，為免芝士再燒焦，我地自己炒。個人覺得唔算好辣，雞粒唔係炸雞，唔洗怕熱氣。三個人食份量剛好。眼見附近食客都有好大份炸雞+脆薯，令我地都好想食，於是叫左脆薯三重奏，份量唔算，食落好似有蜜糖同牛油味咁，都幾好味。海鮮炒粉絲同樣唔算大碟，上面有好多八爪魚仔、蝦、蛤，味道唔錯，有海鮮味。

屋企人耐不耐就想食韓國炸雞，今次應邀到旺角Outdark餐廳一踏入餐廳，見到餐廳掛滿滿天星星，昏暗燈光配上輕快嘅音樂,令人有一種放鬆嘅感覺香蒜蜜糖炸雞 炸雞份量比較大，而且上面鋪滿了薯條薯格同埋薯片，似一座山，兩個人叫半份已經足夠炸雞外面炸得乾身，炸槳唔厚，又唔油膩，入面雞肉幼嫰，唔駭，加左蜜糖味，甜甜地又有蒜香，十分惹味最喜愛食薯格，脆卜卜柚子米酒 125柚子味道濃郁，凊新，酒精成分不高，配炸雞，簡直完美的組合海鮮煎餅 118煎餅同樣份量大，餡料有蝦、魷魚及大量蔬菜，十分豐富DIY飯團48屋企人要DIY 飯團,滿滿滿紫菜鋪喺飯上面，餐廳會提供手套，夠晒衛生，呢個又好玩又好食

約咗舊同事食飯, 朋友想食韓國嘢, 唔想食燒烤. 喺openrice 搵到outdark, 其中一個原因係冇限時.  已經訂枱, 準時到達. 餐廳裝修以木為主, 燈光昏暗, 除咗卡位, 靠牆嘅枱近走廊位置要坐長木櫈. 坐位唔算好闊落.  氣氛舒適, 熱鬧, 大部份食客都係一班朋友, 同事, 高談闊論, 感覺輕鬆.Menu 設計用心, 有特色, 除咗食物, 亦有介紹佢地間餐廳嘅名-原來DARK 嘅讀音同韓語"雞"嘅發音係一樣, 所以餐廳叫outdark. 食物選擇唔多, 但相信嚟食嘅人, 都係主打嗰幾樣.招呼方面, 我個人覺得幾好, 除咗韓國人(太子爺?)之外, 其他侍應都會主動收碟同換碟, 有幾個亦面帶笑容.食物我地叫咗炸雞, 猪肋骨, 煎餅, 飯捲同拌飯.  另加飲品,  我地6個人都夠食.  食物質素中上,  份量足.  如果鍾意食煎炸嘢, 炸雞一定可以滿足到, 因為一碟裡面除咗炸雞, 仲有炸薯格同厚切薯片.  但由於我唔飲酒, 個人覺得食完有D口渴. 無酒精飲品選擇亦唔多.   如果唔係一大班朋友, 應該唔會再食.

第二次黎到outdark今次帶埋寶同友人一齊食紫菜拌飯係必須叫既食物啦，35蚊咁大碗一人搓到一兩舊食，好抵有少少蟹籽咬落脆脆地好正聽講食釜山既煎餅一定要配韓國米酒所以都唔可以唔叫啦！柚子味就無乜喇，但咁仲好米酒味反而出啲店員撈勻冰同米酒，再分去一人一隻木碗仔度，一飲，爽！不過有啲朋友嫌酒味唔夠同埋太甜，但其實makgeoli係咁既味想要酒精多啲可以選擇燒酒！釜山名物當然唔少得煎餅啦。今次叫左個泡菜煎餅就好岩我口味，辣度同脆度岩岩好，開胃！搞到我都忍唔住食左好多舊炸雞就大大份好抵食，蒜味蜜糖味較得岩岩好，仲有薯格同粗薯條，再食舊紅色醃蘿蔔再黎個海鮮芝士炒年糕鍋炸魷魚有好多，蝦都有幾隻，蜆就..得啲殼唔太識食呢個，店員應該教下點樣食法，因為啲飯應該係最尾先撈汁兜勻？但又得咁少？？整體黎講都好ok水準依舊，係間舖少左啲oppa可以女仔會食得冇咁開心姐

在8月炎炎夏季，如果可以提早過聖誕節，感覺會喺點呢？今晚又去左食韓國炸雞-Outdark 上到二樓，門囗大大隻熊公仔及擺放著聖誕樹，好得意喎餐廳燈光柔和，天花掛滿星星裝飾，播出輕快韓國音樂，假日氣氛濃厚，令人心情愉快柚子米酒用新鮮柚子製成冰，再加入米酒酸酸地柚子，味道淸新，配上甜甜米酒，互相配合，好飲到停唔到香蒜蜜糖炸雞炸雞細細件，外面炸得好乾身，𥚃面仍然幼嫰多汁，加左清甜蜜糖，更加好味薯條、薯格及薯塊，香脆美味，在上面灑左胡鹽，味道更突出DIY 飯糰上面鋪滿蟹子、紫菜絲及芝麻，將所有才料撈埋便可，隨自己喜好大小，飯重喺熱辣辣添呢個又抵食又好玩，又好味道

A姐: 今年聖誕去邊好？M佬: 不如去芬蘭？A姐: 我無咁多假啦……M佬: 咁呀…… 我哋不如去澳洲過一個熱辣辣嘅聖誕節啦！今晚嚟嗰Preview先…….嚟嗰Preview？咁姐係去邊呀? 呢個M佬就帶我去咗旺角Outdark，韓國炸雞關咩事？一入到餐廳，就見到好多聖誕佈置，真係好似已經到咗十二月，就等我哋今晚過一個熱辣辣嘅聖誕節！柚子米酒食韓國菜，梗係要飲埋米酒，咁先Perfect！呢到有好多味，有原味、蜂蜜、蘋果芒果、士多啤梨、柚子同西瓜味。我哋揀咗柚子味，好易入口，又夠凍，冰感十足，酒精濃度只有 5%，啱晒我！雙拼炸雞(全份) 甜辣炸雞+香蒜蜜糖炸雞嚟Outdark，認食梗係食炸雞啦 (餐廳名Outdark中嘅Dark同韓文雞同音)！貪心嘅我哋叫咗雙拼炸雞，揀咗甜辣炸雞同香蒜蜜糖炸雞，咁就可以一次過食晒兩隻味。炸雞新鮮炸起，非常香口，外脆內嫩，啖啖肉，正！甜辣炸雞唔算好辣，甜味仲重。香蒜蜜糖炸雞有好香蒜味之外，仲有陣陣蜜糖香，味道好有層次。炸雞分量十足，堆到成座山咁高。加埋粗薯條同薯格，真係好飽飽！特別欣賞薯條同薯格加咗牛油蜜糖粉，好似食麥記Shake Shake薯條咁。炸雞仲配

韓風為香港帶來不少韓國美食，Outdark 算是在云云餐廳中比較有格調的一間，餐廳內燈光昏暗，播著流行的韓國歌曲，加上數個友善的韓國人侍應，進餐是如置身在首爾一樣。餐廳的空間廣闊，約可容納大約四五十名食客，座椅亦頗舒適，非常適合一大班朋友聚會。今次共點了三款美食，當然少不了餐廳的重點推介芝士豬肋骨，食客可選擇普通味或辛辣味，再配以一款小食。我們選了普通味，其實在吃下時，也會感到有一點微辣味。上菜後，侍應會先將火爐開動，待芝士開始熔化後，就將肋骨及芝士混好，軟軟香濃的芝士包著微辣的排骨，都刺激著味蕾。盤子上還盛著薯蓉，奶酪粟米，蛋卷，泡菜，每款都十分滋味，我們都急不及待地吃下。我們選擇了自己做自己飯團作配菜。我們需動手把碗中的紫菜和飯包好，侍應細心地為我們附上手套，保持衛生。飯已預先調好味，即使沒有滿滿的餡料，飯團也是美味的，也可以調劑芝士豬肋骨的飽膩感。柚子米酒也是值得一試的！平時不太好酒的我，也對此很有好感。米酒有少量冰碎在內，適合作夏日飲料，而且有陣陣的柚子味，十分清新。飲料的底部有較重酒味，建議可將酒先搞拌後再喝下。總括來說，這又是另一次令人滿足的韓食體驗！