Outdark (飛達商業中心)

營業中

休息中

放工約了友人食飯，今次終於去Outdark，韓國過江龍，來自釜山的炸雞，進駐多年但都未去過，趁今次可一試，Thanks友人book位。大家相約到旺角分店食，位置都幾方便。門面已好多打卡位，大兔仔好可愛，仲要有小玩意，有個郵箱可寄未來的信，亦有個Photo Box韓式拍貼機可影相。餐廳面積頗大，裝潢頗有心思，燈光昏暗下懸掛星星吊燈，花的佈置，鐵網掛上的情侶鎖及心形燈飾，甚有情調，坐的是木枱椅，有點似公園長椅，位子寬敞坐得舒適。餐牌，食物都幾多選擇。藍檸檬梳打，清新的檸檬味，微酸。柚子梳打，友人的。芝士炒雞，$328。爐的中間有一半係辣炒年糕及雞肉，另一半係芝士，周邊配菜有 紫菜飯、煎蛋、迷你腸及泡菜，雞肉份量多，大量的芝士，十分吸引。芝士雞的食法：等待芝士融化，用筷子夾起一塊雞肉，用叉子將芝士卷在雞肉上，店員會示範點整同把拉絲芝士蓋係雞肉上方便進食，雞肉嫩滑，濃稠的辣椒醬配上芝士口感豐富，甜甜辣辣的味道，美味!內有年糕煙煙韌韌，正!泡菜煎餅，$128，份量適中，煎餅口感外酥內軟腍，內餡材料十足，味道香辣又惹味。食物味道不俗，坐得舒適，服務態度幾好，下次有機再戰。旺角彌敦道613號飛達商業

呢度嘅泡菜煎餅好有韓式風味，煎餅外皮煎得好脆，咬落去嗰陣有啲「喀嚓」嘅聲音，裡面就滿滿嘅泡菜同少少洋蔥，酸辣嘅味道好開胃，完全唔會好油膩，煎得啱啱好，泡菜嘅汁滲入餅裡面，帶點微辣同酸味。😋我地叫左兩杯飲品，芒果梳打係鮮甜芒果汁，加咗氣泡水，飲落去有種爽口感，芒果味好濃，唔係嗰啲人造糖漿嘅假甜，仲好解渴。🥭 朋友點左柚子梳打，帶出清新嘅果酸味，柚子汁本身有啲微苦，配上氣泡水之後，變得好平衡，唔會太嗆口，聞落去仲有陣淡淡嘅柚香。🍋腸仔年糕串嘅年糕條煮得軟糯又有彈性，淋上啲甜辣醬，顏色紅紅地好吸引，食落去辣中帶甜，腸仔嘅油香同年糕嘅黏口感配搭得好好。🌭烤牛肉炒粉絲嘅牛肉烤得香噴噴，同粉絲一齊炒，吸咗牛肉嘅汁同醬油味。粉絲炒得彈牙，唔會太乾或者太濕，仲有啲洋蔥同青椒點綴，牛肉質地嫩滑。🥩最後係烤豬梅頭肉，用韓式調味醬醃過，烤出來香氣逼人。肉質肥瘦適中，烤得外皮微脆，咬落去油香四溢，用生菜包住肉同蒜片，食法好正宗。🥬

一直都想來試試這家頗有名氣的韓國餐廳，皆因所有菜式均由韓國人自家炮製，尤以招牌韓式炸雞最多棒場客。甫進店內立即被一股浪漫氣氛包圍，滿天星星月亮裝飾還有牆上的情人鎖，格局好有情調。門外還放置了一部免費韓式自拍單據相供食客拍照留念，有得食又有得玩。雙拼炸雞 $208炸雞的份量很多，足兩至三個人吃。炸雞外皮非常酥脆，我們點了香辣及香蒜蜜糖兩種口味，香濃惹味的醬汁沾滿在雞皮上。香辣口味是辣中帶甜，令雞肉鮮味更突出；蜜糖香蒜則偏甜，雞皮連同嫩滑多汁的雞肉，令人食不停口。還有同樣炸得香脆的薯條及薯格，帶有芝士粉，咸咸香香勁好食。串串魚糕湯 $228整鍋湯連同小火爐一同上桌，先喝幾口湯汁，味道濃郁但不算太咸；魚糕串串有八條之多，吸滿湯汁口感軟綿；鍋內還有粉絲、蘿蔔、金菇、青口、墨魚仔及皇帝菜等，配料好豐富，勁飽肚。新鮮藍莓乳酪 $48、新鮮藍莓乳酪 $48兩杯乳酪都好清甜爽口，帶有果香，而且可選要不要少冰，要不要奶油，貼心照顧食客的口味習慣，此點值得一讚。

西洋菜南街同奶路臣街交界附近大大個招牌、電梯上兩層就到好易搵整體環境暗黑風格但有大量燈光佈置好有氣氛木系裝潢同暖燈有種置身韓劇CAFE嘅感覺電梯邊更有部免費任影既相機台, 成幅牆都係大家既合照回憶無論情侶或一大班朋友都可開心記錄呢一刻海鮮蔥煎餅 $138熱辣辣上枱 金黃脆皮仲冒緊熱氣咬落蝦仁爽口彈牙 魷魚厚身有嚼勁仲有細細嘅鮮貝點綴 口感層次豐富煎餅中間軟糯帶少少黏口 邊位焦脆爽口沾啲特製酸甜微鹹醬汁 襯托海鮮嘅鮮味香蒜蜜糖炸雞薯條 半份 $138蒜香同蜜糖甜味一上枱就聞到香氣雞皮薄脆入面嫩到有汁滲出甜甜地同蒜味好match 簡單幸福薯條粗身外脆內軟 沾啲醬汁更滿足辣炒豬肉加生菜 $308整個份量比預想的大而且足料地道韓式既芝士爐邊燒及紫菜飯如果有叫炸雞薯條更可沾上多重芝士醬別有風味韓式辣醬炒嫩豬肉片 配埋大量芽菜及長蔥香氣撲鼻辣味啱啱好帶少少甜 用生菜夾住一齊食更美味當中既生菜盤更配埋紅綠辣椒片 味道更昇華

好耐以前同朋友喺out dark食過飯。今日經過見到就決定嚟試吓佢幾年之後嘅水準。首先，我們點了士多啤梨奶昔。這款奶昔的喝起來就像是Häagen-Dazs的士多啤梨雪糕，士多啤梨香氣濃，甜而不膩。接下來，我們點了半隻蒜香蜜糖醬炸雞，份量相當驚人，四大嚿的炸雞讓我們兩位女生都感到有點吃力。炸雞外皮金黃酥脆，裹著蒜香蜜糖醬，我認為個醬偏甜，同埋有少少牛油味，食落比較Heavy。然後是泡菜煎餅，這道菜第一眼竟然以為是Pizza。煎餅的外皮酥脆，裡面包裹著豐富的泡菜，配醬汁更是好味。最後，我們點了辣炒豬肉，裡面有豚肉和新鮮的芽菜，辛辣的味道十分開胃。旁邊的粟米芝士紫菜飯和香腸腸仔也讓整道菜的風味更加豐富。

今個晚上我去咗旺角嘅Outdark，真係食到好開心！我叫咗半份香蒜蜜糖炸雞，啖啖都有香蒜嘅味道，加上蜜糖嘅甜味，炸得酥脆又唔油膩，真係一絕！🍗✨跟住我試咗個芝士魷魚玫瑰忌廉煲，個鍋好靚，仲有啲芝士流出嚟，口感滑溜，魷魚又Fresh，食到最後都唔想停手！🦑🧀飲品方面，我叫咗三杯，藍檸檬梳打、Mojito梳打同蜜桃梳打，三種味道各有特色。藍檸檬梳打清新爽口，Mojito梳打有薄荷香氣，蜜桃梳打就甜甜地，真係好解渴！🍹🍑整體來講，Outdark嘅食物真係好有水準，無論係味道定係擺盤都好吸引。每一口都令我感受到韓式美食嘅魅力，店內仲有自拍照相館，可以拎番張即影即有的相📮 同埋最新魷魚遊戲裏面嘅小遊戲可以玩，嚟緊仲有情人節餐記得book位啦🌟#韓國人煮料#菜單上食物是自製#outdrakhk

過年前趕工收爐後，找間氣氛輕鬆的韓國餐廳放肆一下。兩口子錫住喉嚨只點半份炸雞，但份量仍十足。表皮香脆肉質嫩口，還配有薯條，薯格等。另加香腸年糕，搽上蜜糖炸過非常香口，芝士蕃薯條咬下煙韌，佐酒合適不過。海鮮煎餅料多過粉，且用料結實無雪味，有誠意，伴以大蔥酸汁，十分香口。牛肉Kimbap用料十足，調味不過鹹，配菜爽脆，紫菜充滿麻油香，飽肚之選。飲品藍莓smoothie香濃少甜，mojito清爽解渴，開懷吃喝。

假日嚟到旺角食韓國嘢，朋友推介呢間餐廳，所以去試試。嚟到有啲驚喜，環境如其名，燈光比較暗，但有好多星星月亮吊燈，佈置好精緻，即使白晝也可感受到奇幻嘅氣氛。辣炒豬肉（加蔬菜籃）大大鍋嘅辣炒豬肉，周邊伴有芝士粟米，紫菜芝麻飯，小香腸，泡菜，非常豐富，打卡一流！豬肉切成薄片用辣調味醬攪拌後拌炒而成的料理，又稱燒豬肉。豬肉非常惹味，配搭各款伴菜一齊食都非常適合。建議加蔬菜籃，因為可以有多種食法，又可解膩。蔬菜籃有生菜、蒜片、辣椒片、包飯醬。泡菜煎餅煎餅份量都唔少，香脆煎餅配上滿滿嘅泡菜，口感十足，簡單的好味道。香腸年糕串賣相好可愛，係甜甜辣辣嘅口味，年糕口感好得意，外表焦脆，內裏煙靭。飲品點咗Mojito 梳打同罐裝嘅蜜桃梳打。食住甜甜辣辣重口味嘅食物，飲梳打就最啱。

Outdark由韓國人主理 自家製菜式今次揀周末lunch黎 唔洗等枱之如仲發現原來餐廳有2個特別位比食客留念上次dinner黎食 人山人海完全留意唔到餐廳門前有免費即影即有相機同寄postcard既郵筒即影即有相機有多款自選背景圖案可以自行揀選列印幾多張相雖然相紙係收據紙質但用黎留念都幾特別另外 仲有寄postcard既郵筒寫住2026 Future7 post現場提供韓國特式既postcard同筆唔知下年2026年係咪會收到呢 本人表示期待～海鮮辣湯面 $128面質彈牙海鮮配料種類多炸醬面 $118必點！配料巨多 同面既比例1：1少有炸醬面加左豬肉以前好似係豬肉粒宜家變左豬肉片醬濃 面質彈牙 配韓國黃瓜 絕配！烤豬梅頭肉 (鹽味) $198鐵板上枱 咋咋聲唔洗自己烤又食到烤肉 懶人表示很好厚切豬肉 口感軟嫩底部鋪滿金菇 旁邊有青瓜類必加$20 蔬菜盤 連包肉醬生菜包 ( 點醬烤肉 + 蒜片 ) = 滿足！2人建議加2盤 菜量滿滿 健康腸青蘋果梳打 $48可以係點餐系統選擇少甜口味清新

呢間人氣爆燈嘅韓式餐廳，真係超吸引！以下幾樣食物肯定令人口水直流Mojito加Soju雞尾酒呢杯Mojito混合咗韓國燒酒（Soju），口感清新同時又帶有一點點微醺，非常適合同朋友喺晚餐前邊飲邊傾計。阿姊妹豬腳（500克）呢款豬腳係韓國必食嘅一道傳統美食，豬腳肉質香嫩，配上獨特嘅醬汁，真係每一啖都好味到唔捨得放低筷子。半隻去骨雞（250克）蜜糖蒜蓉醬：呢個半隻雞已經去咗骨，食起來更加方便。蜜糖同蒜蓉嘅混合醬汁令雞肉鮮嫩香甜，食過一次就會愛上。如果你係呢度等位等到有啲悶，都唔使擔心，因為店舖安排咗好多好玩嘅活動！例如可以影相印喺隔熱紙上，呢個最近超Hit！仲有《魷魚遊戲》嘅迷你遊戲，令等候時間過得更快。你仲可以寫明信片寄俾一年後嘅自己，真係幾有意思。而且，整個餐廳嘅氣氛好好，令人感覺好輕鬆愉快。😋🍹🍗📸✉️

今晚的晚餐同朋友選擇了韓式料理，佢唔食得辣所以我哋冇叫辣嘅菜式，原本好驚食韓式嘢唔食辣唔好食，但係食Outdark韓式料理冇辣都唔影響佢嘅口味同驚喜。餐廳外面仲有得免費影相，同朋友拍照留念，美好嘅回憶🤩忌廉海鮮炒年糕🐙🥘這道菜絕對是今晚的亮點！炸魷魚的份量十足，每一塊都厚實飽滿，咬下去彈牙有嚼勁，鮮味十足。當炸魷魚裹住芝士，真係超級好食❣️仲有好多唔同嘅配菜。年糕裹上濃郁的忌廉醬汁，口感滑順，搭配上唔同嘅蔬菜，讓人一口接一口停不下來。海鮮的鮮甜與忌廉的濃郁完美融合，令人回味無窮。芝士條🧀外皮酥脆，內裡是濃郁的芝士，拉絲效果一流！柚子梳打🥤清爽解膩的絕佳選擇！柚子的清香撲鼻而來，喝起來酸甜適中，氣泡感十足，搭配重口味的韓式料理再適合不過。Outdark Rita（1664 Blanc 配蘋果口味）🍹1664 Blanc 的麥香與蘋果的香甜完美融合，口感清爽順口，帶有淡淡的果香，非常適合女生飲用今晚的用餐體驗非常愉快。每一道菜口味層次豐富。餐廳的環境舒適，服務也十分周到。👍👍

近雅蘭中心有一間經常爆滿嘅韓國餐廳，標榜由韓國人主理，自製食物，今日為求唔使排隊，17:30 就放學後同同學去咗食個 early dinner 餐廳環境格局好有情調，有滿天星星月亮嘅裝飾，啱哂朋友聚會😌飲品方面叫咗藍檸檬梳打，同士多啤梨沙冰，梳打好 refreshing，減低之後食炸物嘅油膩感，而沙冰嘅士多啤梨味十分濃郁，亦唔會好甜，兩杯都十分出色，但係就嫌唔夠大杯，因為叫咗好多辣野🤣泡菜煎餅煎得香脆，配上金菇、青椒等配料，忍唔住一啖食完到一啖，點上特調醬汁，另有一番滋味豚肉炒粉絲好有鑊氣，唔辣嘅，粉絲好滑溜，份量亦都唔少，當作主食一流另外嗌咗半份甜辣炸雞，半份已經有五六嚿雞肉，好抵食😇炸雞都炸得香脆，加上甜辣醬變得好惹味另外加咗個炸腸仔年糕，呢個就比較普通，冇咩特別。臨走嘅時候，店員仲邀請我哋玩魷魚遊戲打畫片，好有韓國氣氛真係好似去咗韓國咁😛流連忘返🫠

最近我同朋友去咗飛達商業中心嘅Outdark，想試下佢哋嘅招牌菜，整體體驗都幾好。👍香蒜蜜糖炸雞首先，香蒜蜜糖炸雞真係必試！外面炸得超脆，裹上香蒜同蜜糖，味道好特別。甜甜蜜糖配上薯格，真係好好味，雞肉又嫩又多汁，搭配呢個醬汁，正！🍗🍯牛肉炒粉絲呢道菜都幾驚喜，牛肉炒得剛剛好，粉絲仲落左好多菇片同甜椒，口感好有層次。而且份量又足，適合大家分享。烤梅頭肉再來就係烤梅頭肉，豬肉烤得外脆內嫩，肉質好鮮，搭配嘅醬汁更加突顯肉嘅味道。肉食愛好者必叫！🍖熱情果梳打&藍檸檬梳打🍸最後我哋仲點咗兩杯飲品：熱情果梳打同藍檸檬梳打。熱情果梳打酸酸甜甜，清新又好飲，可以解膩。藍檸檬梳打就無咁甜，仲有蘆薈粒，飲落去好清爽。🍋總結總括來講，Outdark好適合同朋友聚餐定係家庭聚會，下次會試多啲其他菜式😋

睇完黑白大廚當然要食下韓國野~😆同朋友去咗位於旺角飛達商業中心嘅OUTDARK，呢間韓國菜餐廳超熱鬧，感覺好年輕~燈光昏黃微暗，氣氛好舒服，座位又寬敞。場內好多星星燈飾，亦擺左好多情侶鎖牆，感覺係relaxing 同浪漫~我哋首先叫咗「烤牛肉飯捲」$98飯捲係食韓餐必叫~配菜正宗又豐富，牛肉烤得香口，咬落去肉質柔嫩，搭配啲新鮮配菜，味道一流~「海鮮蔥煎餅」$138呢個煎餅粉漿唔多，但裡面卻充滿咗海鮮、韭菜同蔥段，好香!搭配醬汁食落去，中和油膩感，好fresh~「串串魚糕湯」$228魚糕好滑，煮到入晒未吸滿湯汁，味道超濃郁湯裡面仲有蘿蔔、金菇、青口同皇帝菜等配菜，非常足料，食完亦好暖胃呢!「芒果梳打」$48清新又提神，正好平衡咗啲重味嘅菜式!OUTDARK嘅氛圍同食物都好有特色，值得encore!

Outdark (旺角)收工突然想食韓式芝士雞所以就諗起Outdark平日夜晚去到都近8-9成滿建議先喺openrice book位先餐廳外面有得影即影即有仲可以寫信寄俾將來嘅自己所以就算要排隊其實都有嘢做打發吓時間餐廳裡面燈光偏暗但懸掛咗好多燈飾再加埋有鏡嘅反映成個環境好靚好浪漫食物種類除咗炸雞，芝士雞外仲有紫菜手拌飯，紫菜飯捲，韓式湯麵，炸醬麵款式都幾多下次有機會想試吓佢最出名嘅炸雞芝士王國 $328-中間放咗半邊芝士 另外半邊放混咗特製辣椒醬嘅雞腿肉同年糕 芝士溶到咁上下時 會有店員幫手整個芝士 拉晒絲再撈好放喺雞件上面 熱辣辣勁好食！ 雖然混咗辣椒醬 但有埋芝士中和唔會太辣 雞腿肉肉嫩幼滑 年糕煙煙韌韌 旁邊仲有煎蛋，紫菜飯，迷你腸，泡菜泡菜煎餅 $128-有齊泡菜，洋蔥嘅泡菜煎餅！ 好滿足！👍🏻 （我真係食過另一間餐廳係近乎只有粉嘅煎餅）柚子梳打 $48-微微柚子味，解渴一流！藍檸檬梳打 $48-朋友點嘅，微酸Outdark (飛達商業中心) (旺角)旺角彌敦道613號飛達商業中心2樓