阿夫利拉麵 (The ONE)

營業中

休息中

尖沙咀 THE ONE商場內，地點方便，餐廳位置開揚，望到對面九龍公園，環境坐得舒服。餐廳採用自助點餐形式，要走出外有部機器點餐及付款，然後服務員再送餐來。今次選擇柚子辣湯拉麵，炭燒叉燒及流心蛋尚可，拉麵屬非常幼細，基本都幾好食，但略為細碗，男士一碗未必夠食。整體都唔差。

一直係AFURI fans 每次去東京都會食起碼兩次最中意佢地既柚子辣湯拉麵酸酸辣辣 好開胃 好清新食晒成碗 飲埋湯都唔會滯香港分店其實我預左質素會打折因為我一早有心理準備所以我覺得整體水平都可以接受你當係日本既味道既七成水平😂不過價錢又貴日本兩三成😂香港酸辣湯底會mild左無日本食既咁酸咁辣不過麵質一樣keep到爽口彈牙當然日本會再爽多少少如果唔係成日飛日本又掛住AFURI都食得過既同埋環境舒適寬敞 侍應態度都好專業同友善呢樣抵讚👍🏻👍🏻

當初去東京第一次食到清新嘅柚子拉麵就係Afuri，俾佢金黃色同清爽嘅湯底吸引到，佢終於都喺香港開分店啦，呢度用嘅碗同日本都係一樣㗎！柚子甘露沾麵（$108）沾麵汁係木魚清雞湯、柚子同甜醬油嘅味，加上粒粒芝麻同蔥粒，味道好豐富同清爽，好岩熱既天氣食。麵底可以揀冷或者温麵，麵條雖然係細麵但好有口感。柚子辣湯拉麵（$108）呢款拉麵既賣點係柚子既酸同生辣椒既辣既完美配搭，酸酸辣辣好易入口，但個人認為柚子既香唔太突出，都係柚子鹽味拉麵最出色。自家制煎餃子（$48/6件）日式餃子發揮正常，脆薄嘅底配長蔥同餃子醬一流！

遠喺Afuri 未插旗香港之前已經喺東京惠比壽幫襯過呢間拉麵店，當時食過佢嘅柚子鹽味拉麵一試難忘。之後因為疫情一直都未有機會回鄉再會呢碗咁獨特嘅拉麵，今次偶然路過尖沙咀決定俾機會呢間過江龍。柚子辣湯拉麵（$108)今次揀咗辣味同埋太麵（粗麵），湯底濃郁，但有獨特清新嘅柚子味，令成碗拉麵一啲都唔覺油膩，太麵食落煙韌嘅口感，加上陣陣嘅辣香，係完美創新嘅配搭。柚子甘露沾麵（$108)今次仲試埋佢嘅冷沾麵，第一次食到咁清爽嘅沾麵湯，用埋幼麵容易掛湯嘅性質，啖啖滿足。自家製煎餃子（6件）（$48)印象中喺日本嘅Afuri冇見過有餃子，見佢係自家製就想叫埋試下。6隻餃子面頭有一層皮，餃子嘅外皮煎到香脆，但係餡料冇太特別。以過江龍嚟講佢算還原到日本Afuri拉麵嘅原味道，下次絕對可以再戰。

𝙣𝙤𝙩 𝙧𝙚𝙖𝙡𝙡𝙮 𝙖 𝙗𝙞𝙜 𝙛𝙖𝙣 𝙤𝙛 𝙧𝙖𝙢𝙚𝙣 𝙖𝙨 𝙩𝙝𝙚 𝙨𝙤𝙪𝙥 𝙗𝙖𝙨𝙚 𝙘𝙖𝙣 𝙨𝙤𝙢𝙚𝙩𝙞𝙢𝙚𝙨 𝙗𝙚 𝙩𝙤𝙤 𝙨𝙖𝙡𝙩𝙮 𝙖𝙣𝙙 𝙤𝙞𝙡𝙮 𝘽𝙐𝙏 𝙞 𝙡𝙤𝙫𝙚 𝙩𝙝𝙞𝙨 𝙮𝙪𝙯𝙪 𝙩𝙨𝙪𝙠𝙚𝙢𝙚𝙣 𝙨𝙤𝙤𝙤𝙤 𝙢𝙪𝙘𝙝😍 𝙩𝙝𝙚 𝙮𝙪𝙯𝙪 𝙨𝙤𝙪𝙥 𝙗𝙖𝙨𝙚 𝙞𝙨 𝙧𝙚𝙛𝙧𝙚𝙨𝙝𝙞𝙣𝙜, 𝙡𝙞𝙜𝙝𝙩 𝙖𝙣𝙙 𝙙𝙚𝙡𝙞𝙘𝙖𝙩𝙚! (𝙣𝙤𝙩 𝙩𝙝𝙖𝙩 𝙠𝙞𝙣𝙙 𝙤𝙛 𝙧𝙖𝙢𝙚𝙣 𝙬𝙤𝙪𝙡𝙙 𝙢𝙖𝙠𝙚 𝙮𝙤𝙪 𝙛𝙚𝙚𝙡 𝙜𝙪𝙞𝙡𝙩𝙮) 𝙩𝙝𝙚 𝙨𝙤𝙛𝙩 𝙨𝙝𝙚𝙡𝙡 𝙘𝙧𝙖𝙗 𝙗𝙪𝙣 𝙞𝙨 𝙨𝙪𝙥𝙚𝙧 𝙙𝙚𝙡𝙞𝙘𝙞𝙤𝙪𝙨 𝙩𝙤𝙤🤤.避過左新開張既排隊熱潮，終於試到呢間日本過江龍柚子拉麵🤩 拉麵同沾麵各試咗一款，前者辣得黎帶微微柚子香，配上幼身蕎麥拉麵食落好清爽，不過我都係鍾意粗身同煙韌既麵條多啲👀 沾麵相當有驚喜！柚子味更香濃，麵汁酸酸甜甜又有芝麻香，而且麵條粗身啲有嚼勁，掛湯力更高，夏天食岩哂！另外炸軟殼蟹包都唔錯，原隻軟殼蟹炸至香脆再用軟綿綿既刈包夾住，配上青瓜、泡菜、蛋黃醬勁夾🤤

之前小妹去左尖沙咀試左呢間由日本過江龍嚟到香港嘅人氣拉麵店! 雖然小妹未食過日本分店, 但見佢嘅拉麵出名用柚子味湯底咁特别, 就一於去試下啦😛❀🍲柚子甘露沾麵雖然小妹認為佢嘅麵質無乜特别, 但個沾麵汁酸酸地帶有柚子香味好開胃, 同埋柚子味夠突出, 令到沾麵汁唔會太鹹👍 另外, 師傅應該加左少少七味粉同芝麻令拉麵沾左麵汁後味道更香🤤 配料方面有角煮豚肉, 肥肉好似多左啲同埋唔夠香口, 如果配日式叉燒可能會正啲🤔 ❀🍲柚子辣湯拉麵呢個湯底都食得出柚子嘅香味, 但可能辣味蓋過左啲柚子味, 令佢無沾麵汁嘅味道咁突出🤔 至於辣度亦可能因為柚子味中和左, 小妹覺得唔算好辣 (似譚仔十小辣再辣少少, 不過個人食辣能力唔同, 要衡量下先好叫呀🤓) 個湯底第一次試嚟講都幾特别, 而特别想讚係塊叉燒燒得好香好好味, 都算大塊厚身架😍❀🥟炸餃子日式煎餃就食得多, 好少食到炸餃子😋 餃子炸到表皮好脆, 入面嘅餡料多肉汁, 夠哂juicy, 比平時食嘅煎餃好食好多, 又脆口好多, highly recommend 呢個炸餃子!!🤤❀每位客人都有一粒Afuri自己出嘅柚子糖,  好甜好有柚子味❤️ 可以食拉麵之前先

今日經過IT見到一家拉麵店，聞到好香的柚子味；因為都肚餓了，就坐低吃碗拉麵。由於AFURI都是主打柚子拉麵，所以選了兩碗都是柚子味的。*柚子甘露沾麵($108)沾麵要了冷麵，因為過一過冷河口感會彈牙一點；沾麵配上叉燒粒，肉質尚算淋；半隻的溏心蛋很濃厚。*柚子辣湯拉麵($108)拉麵的麵身較硬，平時愛偏硬身的，都覺得硬了一點；有點後悔點了辣味，因為柚子味就成了配角，下次一定要點淨柚子味；叉燒半肥瘦的，但個人覺得乾了一點，同埋只有一塊太少。*唐揚炸雞($68)這個炸雞個人認為是必點的！每一件都大大件，又好JUICY，雞肉都很嫩滑。*柚子青檸梳打($38)這個梳打的氣比較多，味道偏淡，不會太甜。*AFURI yuzu highball ($79)男友點的。

又一日本過江龍拉麵店來港開業，阿夫利主打柚子拉麵，講真佢柚子味好出同清新，今晚新食咗下面兩樣野。柚子鹽味拉麵 - 由於本人生酮關係戒緊澱粉質，阿夫利可以免費轉蒟蒻麵，佢哋嘅蒟蒻麵質地好似粉絲咁，煙韌有彈性，幼條，麵身唔掛湯，但唔食澱粉質嘅人嚟講係一個好好嘅選擇，湯頭係一般鹽味湯底加咗自家制柚子汁，但柚子味非常出，基本上每一啖都係飲得出抽子清新同清甜，係好飲嘅。叉燒係肥燒，我幾仲意食肥叉，外皮有少少脆口，好食嘅。糖心蛋啱啱好，CREAMY入味，好食。京蔥絲筍絲都係新鮮嘅。柚子辣湯拉麵 - 同樣轉了蒟蒻麵，我覺得係辣油味加柚子汁，我唔太仲意，兩者唔係太夾，飲落係完獨立兩個味。整體嚟講係好食唔抵食，店員服務係幾有禮。