阿夫利拉麵 (The ONE)

營業中

休息中

又一日本過江龍拉麵店來港開業，阿夫利主打柚子拉麵，講真佢柚子味好出同清新，今晚新食咗下面兩樣野。柚子鹽味拉麵 - 由於本人生酮關係戒緊澱粉質，阿夫利可以免費轉蒟蒻麵，佢哋嘅蒟蒻麵質地好似粉絲咁，煙韌有彈性，幼條，麵身唔掛湯，但唔食澱粉質嘅人嚟講係一個好好嘅選擇，湯頭係一般鹽味湯底加咗自家制柚子汁，但柚子味非常出，基本上每一啖都係飲得出抽子清新同清甜，係好飲嘅。叉燒係肥燒，我幾仲意食肥叉，外皮有少少脆口，好食嘅。糖心蛋啱啱好，CREAMY入味，好食。京蔥絲筍絲都係新鮮嘅。柚子辣湯拉麵 - 同樣轉了蒟蒻麵，我覺得係辣油味加柚子汁，我唔太仲意，兩者唔係太夾，飲落係完獨立兩個味。整體嚟講係好食唔抵食，店員服務係幾有禮。