烏蠅館 (已搬遷) 新店位置

睇完戲，本來想行去港威行下街&食晚飯，點知行到中途落滂沱大雨，唯有臨時改響附近搵餐廳食野傾計。見到樓上鋪間裝修幾引人入勝，中式木裝橫，就上去試一試，上一樓，門口唔係大大招牌，而係一句slogan，真係幾特別餐廳。入座時間套早，幾乎包場。餐廳主打食北方粉麵，重質不重量，來貨質量欠佳，餐廳就直接停呢款菜式/飲品，所以飲唔到桂花蜂蜜。不過由此睇得出餐廳對食物高度要求！我叫左單人A餐-土豆粉配麻辣湯底。菜款選左雞翼、墨丸、貢丸、鴨血、木耳絲、秀珍菇。成碗麵好新鮮，有好多生蒜、芫茜等配料，好香！餐廳老闆娘講過專成請北方人做配料，分量係有量度過，真係好認真！ 而家各款配菜麵好新鮮，滷水雞翼唔會"鞋拾拾"，貢丸夠彈牙。另外叫左杯桂花蜂蜜(凍)，桂花味好重，味道清新，當食完一碗辣麵後，飲一杯清新飲品，成個胃麵舒暢哂👍🏻

今日在尖沙咀閒遊，居然行行吓行到一條橫巷，見到有好多食店噤啱又到下午茶時間，就在這裏找個地方尋食吓先剛剛見有間食店話試業中，就上去睇吓有乜食先，見佢介紹係冒菜，係四川菜入面其中一款見香港好似冇乜冒菜食店，就入去試吓同四川菜有乜分別入到去環境和裝修都幾清休雅緻，坐得幾舒服牆上擺放左唔同茶餅和茶杯，原來除左作為裝飾外，還作售賣用途。睇返有d乜嘢食先，原來分單人和雙人餐，好似車仔麵一樣，自選湯底、麵食和配料，我就選左8餸、四川火鍋麵和清湯，另外加錢叫左杯桂花蜂蜜。侍應首先送上桂花蜂蜜，還同我講佢哋用左磨碎桂花放入飲品，未入囗已經聞到淡淡桂花香入囗唔太甜只感覺到啖啖清香，非常解渴麵送上，睇賣相好靚侍應溫馨提示要將所有嘢撈勻先好食，首先試啖湯先，本已為清湯一定係好似或味精湯，點知錯了，入囗非常濃非常甜，可能係加左紅棗和杞子，另外加左蒜蓉、蒽粒和芫荽，入口非常清新惹味四川火鍋麵，麵質估唔到入囗彈牙爽囗，整個麵既囗感和味道似x味一品碗麵配料選左：魚皮餃、豬耳絲、魚腐、鴨血、豬潤、肥牛、豆皮和海白菜。豬耳絲:爽脆魚腐:一定要叫索晒湯汁非常好味鴨血:係由四川空運回港，囗感比豬血嫩滑豆皮:似厚身腐竹海白菜

一講到川菜 平時水煮魚烤魚就食得多 但冒菜就真係第一次試我地叫左二人餐 可以揀8個餸同2個主菜都只係128HKD 平均每人60幾蚊就可以食飽飽有麻辣同清湯選擇 為左辣而來既我地當然係點麻辣辣度有小辣和大辣兩種 我地鐘意食辣既所以揀左大辣！我覺得大辣有譚仔小辣的程度 想試既朋友可以根據自己既接受程度選擇因為係第一次試 所以我地都揀左啲平時少見既餸 例如鴨血 海白菜 豆皮等等 店員姐姐仲同我地講呢幾樣都係由四川直送 更加值得一試鴨血唔會好似我地平時食到既豬紅咁鬆散 大大塊好入味海白菜熟左之後呈淡綠色半透明 爽口而味道似平時成日食既中華沙律至於主菜 除左火鍋面同飯 亦都可以選擇土豆粉同火鍋寬粉土豆粉看上去似烏冬 但吃下去比烏冬彈牙 必試寬粉其實即係寬紅薯粉 配上辣椒 辣油 蒜蓉 蔥等配料 十分惹味另一樣不得不提的就係飲品 除左一般飲品 烏蠅館亦有不同既花茶同茶葉可供選擇我地跟餐叫左茉莉蜂蜜同桂花蜂蜜 每杯都加了不少的花 所以十分清香由於沒有加其他糖 所以亦可以嘗到蜂蜜的甜 十分驚喜