泉章居

營業中

休息中

在上環約好朋友食晚飯，要坐得舒服，中菜食物有質素，其實幾難搵，第一次光顧，唷，比想像中漂亮多，地方清潔，光亮，職員服務很好，地方十分大，擺枱有足夠距離，不會枱貼枱，食物很美味，無論例湯，蟹肉扒西蘭花，梅菜扣肉，枝竹炆班頭腩，金牌（東江）鹽焗雞，確實一流，一定要試，各款菜式都有水準，但分量不大，六人餐我們四人食只是剛足夠，晚飯，好友共聚，可以坐好耐，及離 上環港鐵站 C出口 一分鐘步程。（疫情下 聽閒 銅鑼灣，旺角泉章居暫時結業，希望盡快重生啦☹️☹️）

星期五晚同事收工後，我哋六人去上環間泉章居食晚飯，。第一次去上環這間食嘅我，覺得上環嘅職員態度及店內環境都比銅鑼灣好。同事坐低後，好快就揀咗個六人套餐，要例湯(節瓜章魚湯)、霸王雞、梅菜扣肉、西芹腰果肉丁、粉絲雜菜煲及百花蒸釀豆腐，然後每人都叫咗一碗白飯。例湯最快嚟到，大家都趁熱飲，不過個湯就略鹹，如果淡啲會更加好，跟住就嚟埋霸王雞全隻，所以好大碟，另一個最受大家歡迎嘅係梅菜扣肉，用嚟送白飯，真係好好味，其餘三樣餸都可以，沒有特別驚喜，同出面食嘅都差唔多。去到九點食客都開始少咗嘅時候，成間酒樓都清淨咗，大家傾偈都傾得比較舒服，最後埋單$968，唔算特別抵食，亦沒有甜品糖水附送，優勝在於近地鐵，食物質素亦有一定水準，唔會太差

是次來到分店- 上環店，就在港鐵出口旁邊， 一定可以找到。我們訂了座，要走一條長樓梯，如帶老人家要注意安全哦。全晚最好吃！最推薦的就是梅菜扣肉。肥的部入入口即溶，瘦的部份既入味，又黏著少許肥膏，口感一點都不單調。不過梅菜不多，所以不會很咸。蛇羹像碗仔翅，個人不太喜歡吃蛇也覺得好吃，而且吃完身體很暖呢！西芹炒蝦球，正常菜色，蝦球彈牙。脆皮炸鮮奶，炸大腸，份量很多，炸鮮奶一顆都已經很夠，建議要很多人吃才叫。炸大腸一般，有點炸得太乾。今天的蒸魚很失望，可能太大條，很難掌控時間，有點不熟，很浪費。西蘭花炒魷魚，正常菜色。聞說鹽焗雞是招牌，雞肉很滑，很夠味。不過個人對雞肉一般，所以沒多吃。總結：關門時間早，想坐久一點不要來。每碟份量很多，要注意點菜份量。

次次想食都知一定無位,今日早左少少人唔算多,終於唔洗外賣都食到可以堂食一定要叫依到炸大腸,炸起脆卜卜,唔會有腥臭味,好小餐廳有得食;之後依個又係超唔健康但又必食之選,梅菜扣肉;一塊可以撈一碗飯再加埋梅菜,即時覺得自己好幸福,肥肉一入口溶既感覺真係一大平民享受吧食左2樣都咁油,食番2個健康既,客家釀豆腐;雖然中間都係豬肉,但豆腐都好健康嘛~哈~豬肉同豆腐煎香但唔會散,我成日覺得食個係高手先煮到既最後一樣就係菜苗,好嫩不過汁就多左D

已吃過在旺角店多次，得知上環開了新店，於是與男友來吃個客家飯。我們點了2人餐，可選霸王雞或鹽焗雞加兩個小菜。點菜後一大鍋例湯就送上了，很足料，大約有6-8小碗，我們兩因為肚餓，所以全部喝掉。招牌霸王雞 - 上面放上大量葱絲及薑絲。雞肉肉質非常嫩滑，帶咸香，與旺角店水準一致。梅菜扣肉 - 很回味，肉與脂肪稔得可在口中溶化，非常入味。最重要係記得叫碗白飯！粉絲中蝦煲 - 飲了湯，又有白飯，已經好飽，只吃了一啖粉絲，味道不太濃，清清的。沙鍋內有8隻蝦之多！隻隻蝦都有蝦膏，而且蝦肉彈牙鮮甜。這個2人餐只是$278，加埋2碗白飯都只是$300多，有咁嘅份量同質量，真係非常抵食，以後可能會再多D幫襯，不用特地去旺角咁遠。

宜家客棧菜賣少見少中央飯店醉瓊樓泉章居都係其中一間今日叫左不嬲大件夾抵食既霸王雞最鐘意食蔥～雞夠實肉扣肉 咸左少少 不過都好味炸大腸 炸得太乾粟米斑塊 家常小菜 普普通通客家釀豆腐 味道吾錯呢個雞頸板 幾特別 甜甜的都係推薦食霸王雞 好食！