榮哥煮場 (已結業)

響旺角行完街想簡單啲食吓小菜，嚟榮哥煮場就啱曬😌呢度有個$268二人套餐，自選一個煲+一個小菜，配一個前菜、兩碗白飯同兩客甜品，非常抵食🫶🏻店員話加$12可以將一碗白飯轉米線、淮山面、烏冬或是煤炭飯；如果兩個白飯都唔要亦可以將兩碗白飯免費轉米線、淮山面、烏冬或是煤炭飯一碗。首先上檯嘅前菜係麻香四季豆，麻醬真係百搭嘅醬汁，加乜嘢我都覺得好好味🤣招牌酸菜魚煲呢煲酸菜魚係用生魚做，魚肉嫩滑，味道唔錯😋上檯仲有個爐仔一路熱住個煲，食食下侍應姐姐細心地過嚟熄咗個爐仔，話再煮落去魚肉會老👍🏻 細心抵讚。自選煲另外仲有藥膳黃酒雞煲、濃湯花膠雞煲同埋胡椒豬肚雞煲可供選擇。柚子蝦球呢個蝦球真心推介，炸咗嘅蝦球彈牙爽口，柚子汁酸甜開胃😋 個配搭好match～ 好好味😋椒鹽粟米另外叫咗呢個小食，$38無諗過份量咁多，甜粟米配搭惹味嘅椒鹽，又係另一個必食推薦！食到停唔倒口😋是日甜品：楊枝甘露香港地道甜品👍🏻清甜爽滑。樽仔奶茶、檸茶叫套餐+$10可以配樽仔飲品，用樽仔飲港式茶餐廳飲品另有一番風味。埋單3百令蚊，抵食

臨近新年真係好多野要買，今日去開旺角shopping 順便食個lunch, 見到呢間d 野食都幾特別，就入左去食😜座位都幾寬敞，坐得舒服，周圍望下個環境嘅時候見到原來榮哥煮場拎過「環球廚神國際挑戰賽」獎項，勁野！ ✨粟米魚柳煤炭飯 - 個飯勁得意，真係整到好似煤炭咁黑色，其實應該係黑米+ 紅棗，所以幾有咬口，又帶少少甜味，算係幾特別嘅養生飯！個魚柳外脆內滑，食得出係用靚魚整，好香魚味😋✨花膠雞淮山麵 - 好足料，勁多花膠同雞，仲有木耳，湯底清甜，麵質幾爽幾好食！✨椒鹽粟米 - 第一次見，好過癮，椒鹽味好出，夠惹味，粟米脆脆地，口感唔錯~✨椒鹽雞翼 - 雞翼大大隻，好juicy😻✨樽仔奶茶 - 自家製，唔會太甜，味道剛好，幾香滑✨檸檬薏米水 - 都係自家製，有薏米粒，解膩唔錯！下次會try try個二人餐，見隔離枱食緊幾正咁😂

成日諗去邊到食lunch , 真係好災難🤣， 平時見榮哥好多人， 今日我放假， 早去食先無甘多人排😂睇食評見多人叫雞翼， 粟米， 樽仔奶茶好好飲， 所以我都試下🤪（5⭐️最高）推介-椒鹽雞翼 (4.5⭐️)脆卜卜 ,外脆內嫩 ，仲要好熱😌， 證明係即炸👍🏻， 用簿簿嘅炸粉， 醃製雞翼又唔會好喊。椒鹽粟米🌽（5⭐️）好似燒粟米， 加上黑椒同少少鹽， 好似係BBQ到食燒粟米甘🌽， 重點係唔唔駛自已燒😂👍🏻抵食料多系列- 酸菜魚米線 魚肉質感嫩滑無骨，份量好足夠（有差不多碗都係漁）感覺似有大半條魚肉係到 ，湯汁濃濃郁，酸味剛剛但又唔搶走辣味， 係真材實料之選。必食之選⭐️花膠雞米線🥰一飲個湯， 就飲得係足料而又煮左好耐既雞湯做😊花膠雖然比較薄身， 但份量多。滑雞肉有5-6件，配上雲耳，芽菜同少量芹菜仔。一個字， 米線份量足夠 ， 一個男士都足夠飽😊。特飲推介 - 話梅咸金桔好少兩種下火， 潤喉的放埋一齊，飲兩啖都覺得好潤喉下火， 有完整一大粒話梅同一大粒咸金桔係入面，絕無花假， 爽樽仔奶茶樽仔奶茶果然係Signature, 真係好香茶味 😍又吾會太甜，岩哂我呢d既吾鐘意飲咁甜又鐘意飲奶茶既人👍🏻