十十川滬料理 (已結業)

餐廳位於foodcourt同層，主打四川菜，自選辣度。淺藍色既格調舒服，餐牌種類多，由前菜到甜品都有多個選擇。雖然食唔到好辣，但每次食辣都好過癮，所以食物大多叫左小辣，或者唔辣既菜式。椒麻雞(例牌$68)，超香濃麻辣味，麻味較重。雞肉件件嫩滑唔‘鞋’，雞皮Q彈，唔會覺得肥膩。而雞件亦入味，小辣辣度剛好。底部有青瓜粒，新鮮爽口，凍食既雞塊好適合做開胃小菜。回鍋肉炒花菜，肉片煎炒香，肥瘦均勻，唔會炒到過老而難咬。而花菜爽脆，加入大蔥炒香，一碟餸菜既有肉亦有菜食。四川擔擔麵($58)，熱辣辣送上枱。花生湯底濃稠，麵條掛湯，麵身硬，所以唔會好易變軟之餘，口感亦提升。入面仲有d肉碎，就算揀唔辣，味道一樣濃郁。炸饅頭，外型吸引，就好似一把扇，得意打卡。新鮮出爐炸起即食，外層好脆，內裏軟，而且夠熱。配搭煉奶食，甜而不膩，就算單食/加奶，放耐左食，都保持到口感。酥皮鳳梨奶黃窩餅，煎完即食好鬆脆既外皮，鳳梨餡酸甜，內餡幼滑，而且每啖都食到鳳梨餡。整體，QR code落單，食物好快就送上，份量亦非常足夠。而侍應係有需要時先會過黎幫忙，唔會走黎走去，打擾你食野，讚。想食四川菜，尼間風格唔會大辣辣紅色。

平日收工多數都去朗豪坊行一行💚朋友話食過十十都幾好食就帶我去試吓同埋見到有個新春套餐所以就嚟試吓就係朗豪坊food court 附近入到去環境好大裝飾好靚好清新岩哂同朋友一齊食佢話小籠包好好食呢個什錦小籠包有哂4款味道有酸菜魚小籠包、香辣小籠包、鮮肉小籠包同埋金黃流沙小籠包我最鍾意酸菜魚！因為入面真係有魚推介大家一定要試有太多野食揀幾款嚟介紹啦炸雲吞好食炸得好脆卜卜入面係蝦炸得好乾身一啲都唔會油平時食涼拌粉皮就食得多都係第一次食炒嘅估唔到又幾好食喎份量都幾多㗎絕對夠四個人share 呢個雞味道都幾特別，佢辣得嚟係清爽嘅而且個底有好多青瓜呢個湯非常足料有蠔豉髮菜、肉絲、豆苗個湯個底係雞湯，非常清甜真係啱晒新年飲係咪好多料呢如果下次再食我會叫多啲酸菜魚小籠包

我同女友係朗豪坊行完街好肚餓，順便係朗豪坊食，埋飯，今次揀左十十川滬料理。裝潢有別一般充滿中國藝術氣息既四川餐廳，十十川滬料理走一個清新路線。餐廳有小菜，亦有川滬火鍋。- 椒麻雞雞本身唔算太嫩滑，不過以麻取勝，下面有爽脆既青瓜墊底。我地揀左小辣所以辣度適中。- 涼拌萵荀絲口感爽脆而且帶點酸辣味道👍🏻- 十十海鮮炒飯炒飯唔算太濕潤，海鮮包括蟹柳、鮑魚粒同蝦，我同女友分別食左三大碗，份量十足。- 豆苖沙白湯豆苖非常嫩口，沙白肉厚，味道鮮甜。眾所皆知沙白最適合用嚟煮海鮮湯，豆苗同沙白令湯底變得非常清甜。- 酥皮鳳梨奶黃窩餅我超級鍾意呢個窩餅😍，口感有少少似老婆餅，外皮酥脆，入面餡料係新鮮鳳梨蓉同奶黃醬，味道一流，而且唔膩。所有菜式都唔錯，酥皮鳳梨奶黃窩餅係我最鍾意既一道菜，真係食唔停口。