Orange Elephant Thai Restaurant (啟德道)

營業中

休息中

其實泰國野好難唔好食，orange elephant都算係九龍城數一數二泰國野，成日排晒長龍，閒閒地都半個鐘，我地七人有圓枱坐，都好闊。因為太多人佢上菜好慢，先黎碟菜醫下肚，香口。蒜蓉包又黎先過個咖哩，搞到餓得濟食左個包先，最後仲叫多左個包 😂豬頸肉份量幾多，好香口好脆。其他食物都係正常口味，人均$126。特別想講下啲野飲，菠蘿冰好味好清，椰汁還好，番石榴見佢咁特別一心諗住試下，但係係冇乜味的，甜又唔甜，果又唔果。少少失望。

九龍城多野食就係人都知，不過對有選擇困難既人黎講太多選擇都未必係件好事。今日同朋友想食下泰國菜，行過呢間orange elephant 就比佢個$1明爐烏頭吸引左。呢間餐廳每一日都有唔同既$1優惠，可以話係日日精彩，詳情如下;星期一 $1明爐烏頭星期二 $1香茅豬扒星期三 $1鳳爪沙律星期四 $1飛天通菜星期五 $1炸蝦餅星期六 $1啤酒星期日 $1黃咖喱雞同朋友二個人食，叫咗兩個餸一個飯，分別係一蚊明爐烏頭，炭燒牛肋骨同埋原個菠蘿海鮮焗飯。先上炭燒牛肋骨，呢間餐廳燒個時間岩岩好，既能鎖住肉汁，又唔會話煮到過熟，再點埋個泰式辣醬，唔會食到好滯。之後上既原個菠蘿海鮮焗飯，賣相好靚令人食慾大增，食材都好豐富，海鮮配料有蝦有魷魚仲有青口添，仲有粒粒菠蘿都好鮮甜。佢腰果同肉鬆會分開上，岩晒我呢啲揀飲擇食既人。最後講下條烏頭，本身以為賣$1咁平會偷工減料，點知原來都用料充足。有好多配料，味道酸酸地咁令人愈食愈想食，再附上一碗湯，根據個人口味可以自行加湯，非常細心。條魚份量都唔小，無腥味之餘仲幾有魚甘香。我覺得食得泰國野，椰汁冰係必點之選，呢度既椰汁冰夠晒椰香，無加好多水溝淡晒。朋友叫左芒果冰特飲

最近食左好多餐日本菜，真係已經食到好驚，所以今晚一定唔再食！咁食咩好? 食我第2最愛既泰國菜囉要食泰國菜，第一時間就諗起九龍城，於是就揸車去九龍城囉~入左餐廳安座後，就揀選了一些菜式~侍應先送來焗肉蟹粉絲蟹煲，好多粉絲，隻蟹大隻又多肉多膏，鮮香濃郁，粉絲仲吸晒蟹汁精華，而且亦富少少微辣，開胃是的，用來送白飯食就更好食喔此外亦叫了一碟蒜蓉炒通菜，中規中舉，味道合乎預期，唔會太咸，菜質嫩爽細B叫左杯椰汁冰，個樣好普通，但味道都好好味，好濃椰香，比想像中還要好！我就穩穩陣陣叫左青檸梳打，青檸味好清新，飲完感到成條食道都舒服好多，飲完一杯仲想食多一杯整頓晚餐無論食物、環境、衛生至員工態度都唔錯，滿意！！

天氣越凍，姐就越想起陽光與海灘的泰國。可惜還有很多工作要處理，一於先到九龍城食泰國菜吧！ 於酒店巴士就發現一間很特別的泰國餐廳Orange Elephant。姐姐點要最愛的菠蘿海鮮焗飯， 用原個菠蘿裝上炒飯，粒粒炒得分明，有鮮蝦，青口，和帶子等海鮮材料新鮮而且多。待應推介是日一蚊特惠的泰式明爐烏頭魚， 起初以為特惠的菜式分量應不算太大，豈料怎知那份量十足更有保持溫度的小火爐。 烏頭多肉少骨，配搭香茅、辣椒、芫荽及青檸等材料煮成的酸辣魚湯，湯底相當惹味，令姐姐不斷飲那個湯！男友點了一客鐵板蠔仔蛋， 姐覺得那些不是蠔仔是大蠔！啖啖肉之餘而且沒有雜質並很新鮮!飲品男友點了一杯凍的椰汁冰，雖則姐只嘗了一口但都值得推介，很像一個冰凍的椰子一樣！

象的泰文CHANG，讀音叫<橙～＞。當時在泰國之旅，參拜曼谷四面佛後，計劃向大象神出發（聽講這是財富之神！）。誰知迷路了，唯有詢問途人。又不懂象神的泰文，只好說聲＜橙～＞，途人就指著＜橙～＞的方向了。學一兩句當地語言，旅行時很有用。今天就應友人之約，來到九龍城晚膳。來得九龍城，就預左食泰國菜。這泰國餐廳叫橙色大象，識泰文，就會明白為何叫Orange Elephant！CHANG＞橙＞Orange！估計這是泰國人開設的餐廳。而餐廳每日特價才是最吸引朋友呢！1蚊1款食物天天不同款式今天就是炸蝦餅！一般泰國餐廳炸蝦餅小食，都要五六十蚊一份。現在只需1蚊！真係1蚊！好超值！中菜集團經常推出一蚊雞，一蚊咩，一蚊物吸引消費者。現在泰菜都有了！吾等老饕有口福了！難怪朋友選擇這家。 泰式炸蝦餅　 只需一蚊，3件蝦餅對半開，共六件。　熱辣辣上枱，是正常蝦餅的爽口質感，配甜酸醬。甜酸醬少少似燒鵝果款醬呢！間中來一口伴碟酸瓜酸蘿蔔過一過口。 咖哩海鮮脆包盅 今晚不想要白飯，但又要有少少澱粉質落肚，一於點這個，食埋個包包盅，2人份量剛剛好。脆包盅很快來到了！中間有咖哩及海鮮：青口，蝦，魷魚，魚柳。麵包