金亞淶泰國餐廳

營業中

休息中

今日約左朋友去荔枝角行街，上openrice 見依間泰國菜評價唔錯就去試下。 餐廳環境唔錯。平日晚上去都幾多人，員工都好有禮。 兩個人去只係叫咗泰式火山骨、蒜蓉包同嘢飲。❇️泰式火山骨＄168//由排骨堆砌成一座小山，賣相吸引點都要打張卡先！排骨腍身入味，輕輕一撕即可骨肉分離。有芫荽同酸辣泰式汁排骨浸在酸辣香料醬汁。好入味呢個特製濃郁酸辣泰式汁非常惹味。味道就是少少酸好開胃。雖然佢大大份，但佢既酸辣會令你食慾大增。我覺得好食過我喺泰國食嘅泰式火山骨。❇️蒜蓉包 $35 一份有4片。熱辣辣香噴噴同好脆身。 味道正常。❇️椰汁珍多冰 $22好好飲，份量都唔錯。 總結：聽職員講呢度嘅廚師係泰國人，所以啲味道都好正宗。下次過嚟再試吓佢其他嘢先！🥰

平時不太愛吃肉肉的我😳這次為了招牌菜火山骨慕名而來😋餐廳由正宗泰國人主理👩🏻‍🍳提供泰式地道風味的美食🤤同時推介2人或4人套餐較為划算👍泰式火山骨🐷🥘造型澎湃，用來打卡一流💯，用4大條肋排骨堆砌成山狀，還灑上很多蔥花及芫茜，選了中辣🌶️的特製香料醬汁，排骨吸滿湯汁很入味，肉質軟腍很容易肉骨分離，蘸上醬汁吃酸辣惹味又開胃😋，底部有一個小火爐能保持微暖♨️，餐廳還貼心地準備膠手套🧤，方便用手撕開來吃，真的越吃越過癮🤤泰式柚子沙律🥗柚子肉酸酸微甜，但邊緣位略嫌偏乾，特別加入了炸魚零食增添香脆口感，味道不過不失，吃完火山骨再吃沙律能中和膩感椰皇三重奏🥥呈奶白色是椰子奶凍味道濃厚，透明啫喱是椰青水很清新的感覺，再加上椰絲脆脆作點綴，每一口帶著濃郁的椰子香味，能一次嚐到3種不同的口感且層次豐富，超愛吃好滿足，為這餐劃上完美的句號🥰金鑽鮮菠蘿冰🍍🍹喝到香濃的菠蘿味，加上粒粒新鮮菠蘿清甜可口，解膩之選椰汁珍多冰🥥🍹入口香甜，喝到濃濃的椰汁味，加入綠色粉條口感清爽及西米粒粒有嚼勁整體食物質素好好，泰式火山骨好好吃，份量十足且性價比挺高，沒有令我失望，果然是人氣之選👍🏻最後結帳職員給了一張印花卡，每5個印花可

小妹上星期去完泰國，對泰菜念念不忘。剛巧在荔枝角發現這間泰國餐廳，立即同朋友上去食晚飯。餐廳位於億利工業中心1樓，好近地鐵站。7點半上到去已經座無虛席，剛好有張二人坐。餐廳選擇好多，價錢合理。先叫了一個小食，手工泰式春卷。春卷入邊包住滿滿的蔬菜，熱辣辣，夠晒鬆脆，又不油膩，好有層次感。再叫左2個主食泰醬酸辣炒黑豚肉和黃咖喱海鮮配蒜蓉包。第一啖食到黑豚肉好入味，濃郁嘅醬汁，滿滿嘅蒜香味包住黑豚肉再加上沙律菜，口感非常清爽。第二道黃咖喱海鮮非常有驚喜，黃咖喱味很香濃，配上青口，蝦，斑塊，非常絕配。另外咖喱配上蒜蓉包，蒜蓉包熱辣辣非常新鮮香脆，蒜蓉味好突出，配上咖喱口感更加豐富。最後叫了一個甜品，小妹不嬲對有關椰皇的甜品都非常有興趣，今次黎到見到一個叫椰皇三重奏的甜品，立刻叫了一個試下。果然非常有驚喜，由燒椰絲，椰汁糕，椰子水啫喱，三層一齊入口，好有口感，椰子味非常突出， 為呢一餐畫上完美嘅句號。飲品選擇都多，飲品就同其他泰國餐廳一樣，正常發揮。總結，餐廳係小店形式，店員非常親切有禮，食物新鮮有誠意，性價比非常高，值得推介。

聽人話呢間工廈裡面嘅泰國菜幾抵食，平日放工之後都唔少人特登去食，所以今次我都拉咗個FD去試下。黃咖哩海鮮 $85 （蒜蓉包 加$15）咖哩海鮮咁惹味，梗係要配蒜蓉包食啦～黃咖哩香氣濃厚，帶微微辛辣感；海鮮有青口、蝦同魷魚，份量足又夠豐富。而蒜蓉包好香，但食落一啲都唔油，沾咖哩真係無得彈～加$15就有4塊，真係幾抵。手工泰式春卷4件 $58春卷一份有4條，即叫即炸，上枱時熱辣辣。外皮薄而脆，內餡有肉碎、粉絲、蘿蔔、黑木耳絲等，口感豐富，蘸埋泰式辣醬仲惹味！泰醬酸辣黑豚肉 $128呢個係新出品，所以叫嚟試試～黑豚肉肥瘦相間，脂肪特別爽口，有食豬頸肉嘅感覺。特調嘅泰醬，食落同冬蔭公味有啲似，但問過餐廳，話唔一樣；呢個醬酸辣味濃，可以伴沙律菜食。不過我哋嫌太鹹，有啲偏重口味。椰汁珍多冰 $18　　金鑽鮮菠蘿冰 $20飲品揀咗椰汁珍多冰同菠蘿冰，朋友杯珍多冰好香椰味，入面有綠色嘅珍多粉氣，食落口感爽滑，味道清甜。聽講飯後果最好食菠蘿，所以我就揀咗菠蘿冰，大大嚿新鮮菠蘿，新鮮又香甜多汁！椰皇3重奏 $42呢個甜品最有驚喜～本身係3重奏，我哋呢個有埋原個椰皇上陣，所以應該叫「四重奏」。除咗椰皇之外，

🥰 今日大鄉里出省, 約埋老友 “傻肥” 嚟 “金亞淶” 食傳說中嘅 “火山排骨”. 餐廳位於荔枝角工廠大廈樓上舖, 設多張方枱, 光猛闊落, 格局比茶餐廳高半級.🥢 今餐點咗三樣食物, 兩杯特飲, 一款甜品. “火山排骨” 大開眼界, “冬陰功” 水準之上, “椰皇三重奏” 最有驚喜. 整體服務到位, 性價比有吸引力.🌋 泰式火山排骨, $158, 份量驚人, 我鍾意食豬骨, 配泰式酸汁, 不俗!🦐 冬陰功蝦湯, $88. 夠熱贏咗一半, 略甜, 材料豐富, 水準之上, 一滴不留.🐣 泰式去骨海南雞, $88. 肉質嫩滑, 配甜醬油同埋泰式酸汁, “傻肥” 話好食過火山排骨.🧋 招牌泰式奶茶, $23. 正常發揮.🍹 椰汁珍多冰, $22. 唔會太甜, 椰汁味夠香, 好飲喎!🥥 椰皇三重奏, $35, 底層係椰皇水整嘅啫喱, 中層係椰汁糕, 頂層係椰子碎, 非常清甜, 十個讚!