泰聚 (已搬遷) 新店位置

上星期去咗太子既泰聚食晚飯，由於都有一段長時間冇食過泰國菜，所以都充滿期待。同家人三個人一共叫咗六樣野，小食叫咗串燒沙嗲6件，可以揀雞、牛、豬各一款或各樣要啲，同埋焗蒜蓉包四件。串燒沙嗲有少少韌同較難撕開，但味道可以。蒜蓉包香口好食，蒜蓉味道濃郁，但份量比較少，或有更多件數選擇會較好。咖哩叫左一個細既青咖喱雞，青咖喱味夠、偏少辣，唯獨雞肉比較少，已向負責人反映，希望會有改善，負責人對客人亦有禮。蝦醬炒飯比較令我驚喜，鹹度適中，香口，特別係泰國腸同滷肉配搭出色，滷肉更是入口即溶！飯量亦夠。泰式炒通菜，味道可以，辣椒偏辣。飲品只點咗一杯龍眼冰，沒有叫少甜少冰下，冰唔算多，甜度亦適中，除龍眼之外，也配上了杞子。最後，甜品點了三色糯米飯，因員工小過失，負責人送上一碟椰汁糕，三色糯米飯芒果花精緻，顏色配搭出色，斑蘭糯米飯特別，黑糯米可以更軟綿，而配上的椰汁多些會更好。泰聚 Thai Gathering (太子) 💰Price: $$🥢Food: 8.5/10🇹🇭Ambience: 8/10📍Location: 7.5/10

小弟同友人突然想食泰國野，又咁岩行過太子呢間餐廳充滿異國風情的裝潢，寧靜舒適就諗住試下呢間。暗暗的燈光，十分有情調。由於見到餐牌好多小食都好想食既緣故，就點左一份細既小食拼盤，一份青咖哩牛腩，肉碎粉絲湯。首先出場的係小食拼盤，對於為食怪黎講，甘多小食系面前任你食既感覺真係好好。小食拼盤份量足夠2-3人進食，包括炸蝦棗，炸魚餅，香茅雞翼，香葉包雞及炸春捲。春捲口感脆卜卜，入面系包住粉絲同雜菜，健康又惹味。炸蝦棗香脆可口，沿用新鮮蝦，口感淡淡蝦肉，抵贊。炸魚餅亦同樣出色，混入鯪魚肉帶點辣味，泰國風味十足。香葉包雞外形好似一隻隻缩細版鹹肉粽，入面包住鮮雞件，食落淡淡香葉味。第二樣菜式係青咖哩牛腩，通常食開咖哩雞，青咖哩配牛腩同樣出色入味，主角青咖哩，滲入椰奶香味，帶點微辣，加入洋蔥，泰國香料同香蔥，青咖哩汁撈飯食一流，牛腩既size剛剛好，唔會太大舊，配合青咖哩，整體效果都好夾。最後出場的主菜係肉碎粉絲湯，如果怕食得太濃味，呢道菜就剛剛好啦，幫你中和反，娃娃菜配合肉碎同粉絲味道好夾，剛剛食完濃味既菜，飲反淡清湯，可以平衡反曬，唔怕食得太滯。飲品方面點了一杯椰汁冰同埋熱菊花姜蜜。椰汁冰絕對大推

今日同幾個friend去泰聚食晚餐，感覺呢間餐廳個環境好岩同friend傾計，成間餐廳氣氛好relax同靜靜地，最重要係冇人會催你，伙記都好nice。食物方面都幾高水準，set B既大蝦沙律好清新、食材新鮮。其餘既食左燒魚、泰色炒雜菜，不過重點係果碟燒魚到，真係好正！我地揀烏頭，燒出黎好香，脆皮魚皮咬落魚肉到好好食，同埋好新鮮。飯後有椰汁糕做甜品，中規中矩。野飲我揀左青檸汁，幾清新開胃。價錢黎講唔算貴，間野cp值幾高，下次會黎試埋其他野食！

我自己就好鍾意食泰國菜，泰式嘅小食拼盤裏面有好多唔同品種嘅小食，青咖喱就更加唔使講，喺香港有好多地區都有開泰式餐館，不過質素有好有壞，今日經過太子有一間叫做「泰聚」嘅泰國餐館，行街行到攰會地就同朋友坐低食個晚飯。餐廳嘅裝修燈光上眼睛都好舒服，每個人坐位來講的確真係唔迫。食物方面我哋就叫左我最鍾意食嘅泰式小食拼盤，再叫個肉碎粉絲湯潤下喉，主食方面就叫咗泰式青咖喱牛腩，飲品方面就叫咗西瓜冰，甜品就叫咗一個椰汁糕。有圖大家可以睇到佢哋個小食拼盤每一件份量都好大，個蝦餅個大細足足有三份一隻手掌咁大，由表面嘅炸粉就睇得出蝦餅係新鮮即叫即炸先至會有呢一種脆面光鮮既脆片效果，每一件除咗份量大啖啖肉之外，未到上都偏向清新同爽口彈牙，炸既時間好好唔會有油億味，好多人都話泰式小食代表左個一間泰式餐廳嘅品質，咁呢一個小食拼盤就真係超班！食完熱氣就梗係飲個肉碎粉絲湯潤一潤啦，呢個湯就同平日泰國餐廳飲到既粉絲湯有啲唔同，佢個味道偏向淡口同清新，淡淡既香矛味同青檸既香味氣息，飲左你第一時間會將岩岩食完熱氣食物既油膩感一掃而空，肉碎多到啖啖都有，同粉絲一齊飲大大增加左湯既口感！到到主要既菜色-青咖哩牛腩，牛腩肥瘦均

小弟一直係重口味同炸物愛好者所以東南亞菜一直係我至愛之一聽朋友講呢到既咖哩同炸物係一絕所以就黎試下果然冇令我地失望==============================因為係閒日收工過黎,所以都唔算多人,唔洗等就有位另外呢到地理位置都幾好太子站出黎一兩個字就行到黎唔洗捱肚餓鍾意重口同炸物既我揀左青咖哩牛腩同泰式小食拼盤(細)口味輕一點既女友就選擇左肉碎粉絲湯飲品點左蜜糖檸檬沙冰同原個椰青本身以為未必夠食上左台先發現原來份量都唔少,好彩冇再叫==============================不得不提既係青咖哩牛腩,因為真係超好食其實重口味既小弟本身對青咖哩係麻麻地所以本身係想叫黃/紅咖哩但女友唔鍾意太重口,所以就折衷地叫左青咖哩估唔到既係佢竟然同時滿足到重口同輕口既我地咖哩口感豐富,香茅等等香料既味道發揮得好好而且平衡都做得好好,唔會太重口同太淡所以先可以同時滿足到重口同輕口既我地本身唔太鍾意食白飯既我地都因為佢而食左唔少白飯雖然我地兩個都係鍾意食牛,而且其實佢D牛腩都幾靚但係我地兩個基本上注意力都放晒係兜咖哩到泰式小食拼盤(細)唔好見到個細字就以為好少其實2-4個人食都

對九龍人來說，一大班朋友吃飯相聚，一般也是在旺角。那裏比較多食肆，但其實太子也有很多好餐廳，實在是臥虎藏龍。今天我便做了孝順兒，陪媽媽到花墟買花，順便試一試朋友推介這一間泰國菜。今天我們吃的泰國餐廳位於花園街，從太子站出發大約走五分鐘便到，地點尚算方便。我們大約八時到達餐廳，已經人山人海。幸好我們有預約才不用排隊等位。餐廳裝修簡單感覺上算舒服。我們一行二人點要以下幾度菜:1) 泰式小食拼盤(⭐⭐⭐⭐💢): 雖然我們點的是小拼盤，但分量一點也不少。蝦餅和魚餅肉質厚身，而且肉質彈牙，配合酸辣醬十分惹味。香葉雞肉質嫩滑，而且有陣陣的香料味。香茅雞翼也煎得十分脆口。2) 肉碎粉絲湯(⭐⭐⭐⭐💢): 這個湯的味道濃郁，湯料方面包括了豬肉碎、粉絲、香菇和玉子豆腐。粉絲吸收了湯的精華，吃起來十分可口。特別一提的是這個湯加了生薑來烹調，喝起來十分暖胃，是冬日驅寒之選。3) 青咖哩牛腩(⭐⭐⭐⭐💢): 由於媽媽不能吃辣，我們特意叫了青咖哩。青咖哩有十分香濃的椰汁味，而且不太稠。牛腩方面，肥瘦適中而且十分入味 ，用來拌飯一流。4) 椰汁糕(⭐⭐⭐⭐💢): 經典泰式甜品！一共有五件。吃起來有濃烈的椰汁味，而

一家人揸車出太子食飯, 最易搵到咪錶泊車位都係近花園街, 原來行過少少有唔少食肆選擇, 今晚揀左間泰國菜餐廳食Dinner。平日晚收工時段, 人流唔算多, 餐廳內整潔, 都坐得幾舒服。menu上選擇都幾多, 一般泰菜既款式都有齊, 例如生蝦刺身、生菜包、馬拉盞、粉麵等等...更有多款泰式特飲, 當中最得我同媽咪歡心一定係呢兩款野飲。【原個菠蘿沙冰】份量不可看少, 沙冰疊得高高的, 菠蘿味很重, 甜甜的, 既可以當飲品飲, 更可以當甜品食。【原個西瓜沙冰】細細個既原個西瓜同樣是受歡迎飲品之一。甜度比起菠蘿沙冰稍為甜了一點, 但清新西瓜汁絕對係解渴消暑好選擇。【泰式小食拼盤 (小)】我地人少少order左個細size既拼盤, 但上檯發現份量都唔算細。包括有泰式春卷、雞翼、蝦餅、雞肉球同埋魚餅。蝦餅炸得表面乾身, 鮮甜略帶點彈牙; 魚餅入口有很重既香茅香; 雞肉球入味而且嫩滑; 雞翼juicy; 春卷脆口,而且層次豐富。呢個拼盤值得一試, 每款小食都很有驚喜!!【青咖哩牛腩】好少可泰國餐廳既青咖哩牛腩份量會咁多, 牛腩好林, 而且入味, 青咖哩有淡淡既椰香, 而且甜甜辣辣, 撈飯食簡直一流!