甘の季節

營業中

休息中

📍尖沙咀 - 【甘の季節】尖沙咀堪富利士道6A號地舖（港鐵尖沙咀A2出口，步行約2分鐘）⁡同朋友喺尖沙咀食完飯，仲想繼續傾吓偈，於是搵咗呢間甜品舖食個糖水🙈⁡店舖雖然有啲細，但係裝修企理舒服，木系裝修，小清新嘅感覺。⁡店外都幾多人排隊，都等咗幾個字先入到，朋友叫咗《楊枝甘露》，我就叫咗《椰汁芒果西米露》，我同朋友都一致覺得《椰汁芒果西米露》比較好食😋椰汁夠凍，帶住自然嘅甜香，芒果新鮮，食完有fresh嘅感覺💕⁡⁡

而家開始咁熱嘅天氣呢就要食返啲涼浸浸嘅嘢食😋個人都幾鍾意食煙煙韌韌嘅嘢食，芋圓都係其中一樣，口感比較彈牙，另外嘅桂花糕同埋龜苓膏口感偏硬，另外嘅芒果西米露好重椰汁味，芒果嘅份量都幾多因為食到尾都仲有😆另外嘅士多啤梨忌廉窩夫忌廉酸酸甜甜，女仔最鍾意😍最後嘅綿綿冰唔錯嘅，有朱古力碎餅乾碎，令到成哥更加有口感-同埋店員好貼心知道女仔食嘢啊大多數都鍾意影相，佢會好貼心咁幫你擺好位，叫我哋幫佢哋影多啲靚靚相🤣（好可愛🤣🤣）

尖沙咀新開糖水店🍧夏日炎炎就最適合食糖水喇 ☀️ 原來尖沙咀新開左一間幾特別嘅糖水店，除咗甜品之外都仲有麵餐🍜 佢個名都好特別，意思係希望一年四季都可以俾客人唔同季節嘅甜度同溫度🥰佢嘅裝修好有日式風格，坐得好舒服，甜品款式都好多，有凍嘅又有熱嘅😌 糖水全部都好足料 💯 試咗呢三款甜品🍮 好好食超推介👍👍🔸 椰汁芒果西米露 - 呢個試咗凍嘅，椰汁同埋芒果好香🥭 唔會話太甜，芒果粒好新鮮，好啱夏天食🔸 蛋白杏仁露 - 呢個就係暖暖地嘅，蛋白杏仁不嬲都係女士至愛🤣 美白潤肺養顏呢個功效好吸引😎 蛋白份量好多🥚 🔸 楊枝甘露 - 楊枝甘露係好傳統嘅甜品，整得好嘅就一定要有香甜嘅芒果，同埋一定要整到好香甜，呢個就整得超好食😋😋 都係夏天一定要食嘅解渴糖水😚