滔滔甜品

營業中

休息中

椰汁西米配包心芋圓 ($29)• 有冷熱供選擇，熱的那款是配上黑糖薑茶，相對暖胃的口味，較適合嚴寒期間飲用。• 而椰汁西米味道較為清爽，椰汁味非常突出而濃郁，甜度亦恰到好處。• 包心芋圓的味道有三款：紫薯、地瓜圓及另一款芋圓奶黃餡。三款同樣煙韌有口感，芋圓的味道較一般吃到的濃郁，加上內裡呈泥狀的餡料，味道和口感更加有層次。• 糖水會包括一些紅豆，如果不愛吃的話落單時可要求店員剔除。• 十分適合下午茶或是飯後甜品。

同啲朋友食完晚飯，當然唔少得飯後甜品啦😋有個朋友想食芋圓，芋圓就即諗係滔滔甜品店。今日舖頭入面超多人，只好同朋友坐外面。由於太多選擇同埋想樣樣都想食，咁我哋叫咗四個甜品share食，包括有椰汁西米配包心芋圓、黑糖珍珠檸檬愛玉、叁圓豆花同埋仙草紫草園。首先我自己先食咗黑糖珍珠愛玉，因為其他三款都屬於奶類，我估愛玉較清爽感覺，所以就食佢先。第一啖食落，唔！好清甜同好滑，成個口腔都好清新，又唔酸，好好食😋之後第二啖就揀咗椰汁配米包心芋圓，食落普通，但包心芋圓好香，口感彈牙，粒芋圓包心饀唔算多第三啖啖就食咗叁圓豆花，入面有豆花、地瓜圓、芋圓、黑糖珍珠同埋紫薯西米配香草雪糕，入口最香係黑糖珍珠，細粒，容易咬。我好鍾意地瓜，唔係好甜，但食得出有番薯味，唔會好似齋食粉團咁囉！芋圓同地瓜圓同樣彈牙，好Q！最後食埋仙草紫草園，入面有黑糖水晶、冰烤紫薯雪糕同埋蜜紅豆、地瓜圓同芋圓。一入口個冰烤紫薯雪糕勁香濃，紫薯味好突出，再食埋黑糖水晶。咦！黑糖水晶同黑糖珍珠口感分別好大，黑糖水晶口感較為爽，而黑糖珍珠口感較為Q！我個人就較為鍾意黑糖水晶嘅爽，加上地瓜圓嘅Q，配合埋蜜紅豆嘅腍，三種口感充斥喺我口腔裏面，特