Thai 2.0 (已結業)

約咗幾個喺荃灣返工嘅友人食lunch 佢哋話呢間餐廳係佢哋最鍾意嘅食晏好地方之一 因為鍾意佢哋嘅$1優惠🫢 只要叫主餐牌兩個主菜就可以用$1加配一個菜式 日日都唔同 真係好抵😊泰式烤牛肉呢個烤牛肉都幾特別 牛肉切得好厚身 所以食落口都幾有口感 而且牛肉冇過分醃製仲食到啲牛肉嘅香味🐮 配返碗飯就好啦豬肉碎生菜包炒豬肉碎調味係比較酸酸辣辣 非常開胃🤤 而且呢度嘅生菜份量都好多 唔似其他餐廳可能得幾塊 呢度嘅生菜份量係可以包晒啲肉碎㗎🥬 幾推介呢碟菜式炭燒豬頸肉豬頸肉都係我食泰國菜成日都叫嘅菜式 因為半肥瘦嘅豬頸肉 燒香咗之後 一啲都唔油膩🐷 真係做到外脆內軟㗎 明爐烏頭呢個就係星期一嘅$1精選優惠 唔係講笑真係好抵食🙀 係原條明爐烏頭呀 會另外俾一碗泰式嘅湯我哋 可以加啲湯落烏頭魚度 唔會咁容易燶🐟 魚肉都好嫩滑 而且個泰式味道好正 有草菇 芹菜 芫荽 香茅等等嘅配菜 喺魚嘅底下仲有啲好爽口嘅粉絲🤓 淨係呢個餸已經好令人滿足椰青椰青好大個 入面有好多新鮮嘅椰青水🥥 椰青水清甜 真係泰國菜嘅絕配呢餐真係食得又飽又滿足 $1有成條明爐烏頭真係超值 下次都要再嚟食啊🥰 其他日子有唔同嘅一蚊優惠㗎

同先生去完宜家傢俬掃貨，順便去愉景新城醫肚，揀咗呢間價錢貼地嘅泰國餐廳，地方寬敞而且座位夠哂闊，坐得舒服，好適合行完街充下電。餐廳食物選擇唔少，而且夠多元化，仲有好抵食嘅二人餐可以揀。椰青即叫即開，超級新鮮，加上雪到凍冰冰，清甜解渴，一流！飛天通菜大大碟好抵食，而且夠哂惹味，配白飯一流。青咖喱雞帶有微微嘅椰香，微辣嘅醬汁加入各種泰式香料，夠哂香濃，同樣係白飯殺手。鮮蝦炒金邊粉亦係大大碟好抵食，即叫即炒熱辣辣送上枱，炒得夠火候亦夠惹味，唔錯。餐廳嘅食物整體質素唔錯，而且勝在價錢超值，亦坐得舒服，下次行完街可以再嚟。

S13 辣椒膏炒珊瑚蚌 $98 個汁好好味 甜甜的 好岩我口味😚 好似甜咖喱咁 而且啲珊瑚蚌索曬啲汁 好正 不過珊瑚蚌煮得有啲耐 所以食落有啲韌🥸2005 泰式飛天炒芥蘭 $68炒芥蘭我覺得一般 因為我覺得唔係好夠味 但男朋友又話夠味😂 所以都懷疑自己味蕾🙈6004 蝦頭油海鮮炒飯 $78一黎到呢個飯超香蝦味 但食落又唔係好覺 但整體都好味既😋 蝦肉彈牙爽口☺️ 炒飯亦有鑊氣👍🏻 8009 椰青 $38好大個椰青啊！ 清甜☺️ 凍到癲 好爽😚 不過因為食得太飽所以無食到啲肉🤣