輝

營業中

休息中

呢排個個都返鄉下，請唔到假無得飛，咁唯有去吓日本餐廳食吓刺身當自己去咗啦🫠🎎今次揀咗銅鑼灣一間高級日本料理🎏全店京都風設計，配以日式吧枱，另設有卡位同榻榻米區，我今日就揀咗坐吧枱，可以欣賞師傅嘅手藝之餘，師傅上每一道菜都會作簡單介紹❤️我今次叫咗個極上海鮮丼昼食，雖然係Lunch Set，但係一啲都唔吝嗇，除咗主菜之外，仲配有前菜、沙律、味噌湯、甜品及飲品，價錢係$288加一，CP值極高！\🦐前菜 + 🍅沙律 /蝦好新鮮同爽口，醃料有助提昇鮮味；蕃茄好細心去咗皮，食落好多汁，連埋個醬汁食好好味！\ 🍣主菜 - 極上海鮮丼 /一上枱就俾佢個賣相吸引住，顏色鮮艷，擺盤用心，而且魚生有光澤，一睇就知好新鮮！海鮮丼有大大隻牡丹蝦、松葉蟹肉、海膽、三文魚籽、呑拿魚腩、油甘魚，份量超足，鋪滿咗成個飯面！除左魚生外，佢仲有海帶同埋飯素，配埋佢個壽司飯，完全唔駛額外調味，就已經好好味，不知不覺成碗食晒!! 食材亦非常新鮮，呑拿魚腩入口即溶，呢個質素絕對可以媲美喺日本食到嘅魚生飯🤤🤤\ ☕️咖啡 + 🍨甜品 /咖啡係機沖既，不過不失，但細心在佢會主動提供熱奶。而甜品係雪糕，有三款口味可以揀，包括係豆腐、芝麻

今次本人生日，男友又左搵搵右搵搵帶我去試新野。雖然呢間鋪頭新新地，不過睇相又唔錯喎，咁就一於試下啦。由於晚巿冇堂食嘅關係，佢地全日都有lunch set。我地叫左個燒A5和牛西冷定食、極上海鮮丼、串燒煙燻明治芝士、串燒免治雞肉軟骨同柚子酒。先嚟頭盤，有煙火腿同木耳沙律。火腿煙薰過之後好香，而木耳沙律加左醋酸酸地，幾開胃。之後就黎串燒啦。呢個原塊煙燻芝士真係比較少見，因為通常出面食嘅都係炸芝士，或者係芝心丸入面啲芝士醬個類，好少會原塊芝士俾你，所以呢個真係好值得試。不過一定要趁熱食，凍左就係冇咁軟身冇咁好食架啦😉串燒免治雞肉串燒，正常發揮湯，正正常常，唔會過咸，好似冇影到酒，酒精成份低，我地都係用黎過下癮食完頭盤同side dish，又講下main course。A5和牛燒得岩岩好，唔會過熟，入口即融，油脂分佈得好。極上海鮮丼入面有好多料，一啲都唔失禮！有牡丹蝦、松葉蟹肉、三文魚籽、海膽、呑拿魚、呑拿魚腩、油甘魚、海帶。啲飯仲要加左飯素係入面，變得好惹味！啲食材係絕對食得出好新鮮，我覺得咁嘅價可以一次過食到咁多款鮮味海鮮係值！食晒main course，waiter開始問餐茶要咩，咁我揀

銅鑼灣的商廈樓上舖日本料理真係越開越多，今日十一國慶假期約了媽打出去銅鑼灣食飯，提前幾日上網搜尋，發現銅鑼灣又開了一間樓上綜合日本料理「輝」。刺身壽司之外，亦有其他熟食選擇，啱媽打口味，一於走去試試。隨着疫情逐漸退去（或者香港人已經習以為常），港人生活開始回復正常；由於日本料理一向是港人至愛，以為一定會有很多客人，出乎意料地小編一行四人竟然是全餐廳的第二檯客人。原來餐廳開張未夠一個月，可能很多人仍然未知道；不過，員工服務態度異常殷勤，莫非想令客人加深印象，藉此提升口碑？一入門口就見到一個壽司吧，但偏偏見不到任何刺身雪櫃；以為跟足高級鮨店，用食材木盒存放魚鮮，避免食材直接暴露在凍櫃內，其實只是高出了的吧枱隱藏了凍櫃。吧檯並非傳統壽司吧設計，無法看見開放式廚房內部情況、及廚師處理壽司過程；如果定位是高級日本料理，這種設計有點失策。作為綜合日本料理，裝修風格介乎居酒屋及鮨店之間，有點似高級日本料理。餐廳景觀最佳角落位置僻了一間半和室，設最低消費。午餐款式多樣化，有刺身、有好多款熟食，甚至有豚骨湯烏冬及洋風意大利麵，但就缺少了天婦羅。價錢由$168至$468，豐儉由人。所有套餐包括前菜、沙律、