大街小館 (已結業)

 晚飯過後覺得意猶未盡突然好想食湯丸，朋友又想食榴槤，於是行過附近有間糖水舖就走左入去試下啦~椰皇湯丸燉蛋白見個個黎到都嗌椰皇湯丸燉蛋白，我都跟風先! 叫左個熱既椰皇湯丸燉蛋白，係熱辣辣既椰皇蛋白，D椰香同蒸氣係咁向上飄再散發出黎，已經急不及待想放入口喇!! 蛋白好嫩滑，配上椰汁濕潤番口感唔會咁褂，再食到小丸子同西米露，煙韌擺搭爽口，幾頂癮嫁~ 食到有D淡，食番粒湯圓再繼續(餡料係芝麻黎既)。不經不覺已經見底食完lu~ 再用匙羹畢左側邊既椰子肉，超級之滿足!!! 榴槤至尊朋友嗌左榴槤至尊，清甜可口，入面有涼粉、西米、紅豆、黑珍珠、榴槤肉、雪糕。雪糕擺左雲呢拿比我地，不過唔知有冇得揀嫁呢? 最正就緊係舊榴槤肉，食完都覺得唔夠喉呀

間唔中會同朋友來佐敦搵食,因為特別多特色小店選擇!今日我們食完晚餐之後,仲未算好飽,所以來到這間甜品店食宵夜!這裡距離地鐵站好近,走10分鐘便可到達,店裡裝修簡潔清新,踏入門口就見到十分搶眼的霓紅燈掛在白色的磚牆上,令整間店都充滿著夢幻氣息!枱和枱之間唔會好迫,光線充足!這種輕鬆而隨意的氣氛讓人瞬間輕鬆!餐牌未睇內容都已經被封面的甜品吸引!!內裡有必食的椰皇系列外,還有榴槤,芒果,綿綿冰,芋圓,西米露,黑珍珠,紫米露,窩夫,拿破崙,如果想選擇中式糖水或滋補的燉糖水都有!但最估唔到居然有天使麵!天使麵都可以做甜品?真係意想不到啊!!無論甜品還是糖水都有那麼多選擇,真係太令人驚喜!!最後我選擇了必食的椰皇系列,朋友就選擇了他的最愛榴槤甜品!!<椰皇芒果丸子> 椰皇好大個,內裡放滿香甜的芒果,粒粒分明的西米,彈牙的小丸子和爽口的椰果!用匙羹掘深一點,可以舀出口感滑溜的燉蛋白!仲可以挖清甜好味的椰皇果肉一齊食!抵食又足料,難怪椰皇系列係這裡的必點甜品!<榴槤至尊> 一大碗放滿榴槤雪糕,榴槤肉,西米,涼粉,黑珍珠和紅豆!遠遠已經聞到非常香濃的榴槤味道! 榴槤肉足足

身邊嘅老友都知我甚鍾意食甜品，不時試到咩好嘢都通知聲，而小弟近呢個月，前後都品嚐過兩間好嘢，均是值得推介嘅小店，就喺旺角嘅「果粒粒甜品」及佐敦嘅「大街小館」，前者已經另文寫過，今篇就介紹後者。短短一條吳松街，都已經有4家甜品店，不過，附近食肆多，又有條廟街，客源應該唔使擔心。店面光鮮企理，除貼有啲食物相吸引路人之外，仲貼有啲飲食雜誌專訪，原來喺90後暖男所開，雖然素未謀面，但試過之後，覺得真材實料外，製作有誠意。踏入店內，裝修簡潔明亮，一室白磚牆，配木枱椅，加上個鋪本身樓底都高，所以，少咗一般好似綠林呀、松記呀、許留山呀嗰啲擠逼感。牆上一句：「Life is short, Make it sweet」相信喺店主嘅心聲，好認同，就正如將Stressed（緊張的、壓力的）反過嚟就喺Desserts，讓甜點成為你壓力嘅心靈舒緩劑。晌餐牌封面，已講到明主打港式及新派甜品，翻閱一轉，選擇非常之多，部份款式更附上參考圖片，而種類方面包括：椰皇系列、滋補燉糖水系列、榴槤系列、芒果系列、精選系列、綿綿冰系列、芋圓系列、窩夫 / 拿破崙系列、天使系列、西米露 / 涼粉 / 黑珍珠 / 紫米露系列、中式暖