TOSS 蘇媽.蘇媽

營業中

休息中

係沙田同小朋友玩完，近近地搵個地方填飽個肚，見到有蘇媽，有飯又有湯麵就入左去🍚辣死你嗎配炸雞球$86聽個名以為會好辣，原來成個飯都好溫和😂椰漿飯好吸睛，係鮮綠色🫣食落椰漿味唔係好出，好似有淡淡淡班蘭味～雞球大推👍🏻👍🏻好juice皮又好脆，成舊雞都好熱辣辣，不過似雞塊多啲每件都好大塊，配埋參巴醬，小小辣味道又再複雜啲😆仲有其他配料👉🏻青瓜、花生、乾魚仔(超脆淨食會咸左d)、蝦片(唔係好脆)、蛋🐓怡保雞絲湯河粉$83入面有蝦魚片雞絲芽菜韭菜，湯底比較清淡，突出左芽菜同韭菜味，好岩小小朋友食🦐檳城福建蝦麵$83麵底揀左滲滲，湯底無尖沙咀分店咁濃，可以再濃同厚身小小就very Good，蝦大隻爽彈，豆卜好吸湯，入面仲有豬腩肉、通菜、芽菜魚片同蛋

蘇媽蘇媽呢間餐廳之前一直都很想試下，但係成日返工，公司都收得好晏一直嚟唔到，但今次見到沙田開咗分店，咁近又就到時間當然嚟試吓啦。一入到餐廳裝修得好靚好細緻，而且燈光好足夠，座位好闊落坐得好舒服。檳城福建蝦麵，配料好多好豐富有蝦、蛋、五花肉、豆卜等等，要麵底轉咗滲滲粗麵加米粉，食落粗幼唔同多重口感，湯底略嫌淡味。椰香咖喱喇沙，湯底好濃郁好夠椰香味，麵底一樣係滲滲粗麵加米粉，配料反而比較少如果多啲會豐富啲。椰香咖央多士，裏面有咖央醬、牛油、椰絲好邪惡，食落好濃郁，多士好脆身好好食，值得一試。虎咬獅，係白咖啡溝美綠幾特別，飲落有啲似阿華田，幾好飲。怡保白咖啡，飲落好香，容易入口唔會太苦。