鳥炎屋

營業中

休息中

一如店舖自己的簡介所言，這是一間大家可以當係朋友屋企一樣嘅居酒屋。其實揀得去居酒屋，重點是想要搵個舒適的地方跟朋友聊天多過要食野，但如果野又好食，傾得開心，店家又招呼周到，就當然最好。呢間小店可算是用心經營，裝潢及餐桌都跟日本居酒屋風格一致，幾有氣氛，店長更是親切有禮非常健談，服務態度好好。一般居酒屋提供的食物如壽司、刺身、串燒、爐端燒、一品料理、炸物及鍋物等均有。沖繩海葡萄沙律 $68還記得6月去沖繩時首次食海葡萄，那種淡淡的鹹味及粒粒Q彈的口感好特別，今次再試，一樣好食；但此沙律菜就多加了點醋汁，所以食落酸酸的好開胃。左口魚壽司(兩件) $48 魚刺身切得厚薄均勻，肥美新鮮，而且油份豐富，輕微的灸燒了令魚味更香。火炙燒玉子串 $40幾特別的食法，好厚又大件的玉子燒內有少許壽司飯，面層則有用火炙燒至溶了的芝士及沙律醬，每一口都有濃厚芝士及蛋香味。特製蒜蓉燒廣島蠔(兩隻) $108廣島蠔完全沒有蠔腥味，味蕾只會品嚐到少許鮮甜，以及濃郁的蒜蓉味，都幾好食。牛脷串 $55 日本雞髀肉串 $40串燒的火喉控制得幾好，唔會過燶。牛脷咬落仍有汁，不會太乾身，肉質軟嫩。雞髀肉都相當不錯，醬汁醃得幾

在尖沙咀旺中帶靜、食肆雲集的一條街，小店格局，燈光微暗，好有日本居酒屋的氛圍。Menu食物選擇尚算豐富，刺身、壽司、燒物、串燒等都應有盡有。下班後與友人邊吃邊閒聊，享受寫意的片刻。火炙燒玉子串 $38左口魚刺身3切 $70 | 穴子壽司 $60鐵板牛舌 $108 | 雞肉串 $32黑松露牛油焗什菌 $80 | 櫻花蝦炒飯 $118即叫即燒的玉子串一上桌就聞到蛋香味，熱辣辣夠濕潤，配上惹味的蛋黃醬，簡單的暖胃滋味。鐵板牛舌軟淋大大片，燙口的熱度配上濃郁的燒汁，滋滋聲作響，還有洋蔥墊底，口水、食慾大爆發。焗什菌牛油香和黑松露味濃郁突出。櫻花蝦炒飯吃得出的師傅的功架和鑊氣，櫻花蝦鹹香可口，米飯粒粒分明，份量2人Share剛剛好！

今晚收工去左試新餐廳，地點係尖沙咀既鳥炎屋，聽個名都知係日式居酒屋。餐牌有特選，前菜，刺身，沙律，壽司，卷物，手卷，串燒，爐端燒，炸物，一品料理，汁物，鍋物，飯烏冬，飲品。價錢唔算太貴。今晚第一次黎，叫左唔同菜式分享。沖繩海葡萄沙律 $68 另加一海葡萄份量好多，又脆又有豐富海水鹹味，海葡萄上面灑上白芝麻粒同蔥花點綴，下底有沙律雜菜，另上柚子醋汁，要多少自己添。油甘魚刺身 $70 另加一油甘魚刺身一客3片，用冰鎮住上枱，賣相不馬虎，魚生厚切，食落新鮮魚味濃，日式芥末都係生磨。仲伴有少少昆布同蘿蔔絲。燒牛舌串 $55 另加一燒牛舌串一串兩大件，每件切開兩邊，上面灑上京蔥絲，加上黑椒調味。牛舌好厚切，啖啖肉好好味，唔會過鹹。伴有半粒車厘茄同檸檬。燒雞肉串 $32 另加一燒雞肉串一串4粒，燒到好脆口吓，呢個味道淡d，唔過鹹。伴有車厘茄半粒。鐵板牛油帶子 $90 另加一鐵板牛油帶子真係用鐵板上，熱辣辣！帶子一客4大隻，整得唔會太韌又啖啖肉，牛油味適中。下底墊有洋蔥絲，再加上少量蔥花。牛油果軟殼蟹卷DX $128 另加一牛油果軟殼蟹卷一客6件，賣相不俗。係飯卷包住紫菜，入面有軟殼蟹，飯卷上面放有