渝味曉宇重慶老火鍋 (太子集團中心) (已結業)

從這個平台訂位渝味曉宇重慶火鍋尖沙咀舖。也是朋友介紹的，裡面環境不錯，但是味道一般。我們叫鴛鴦鍋重慶麻辣還是大辣，辣味不夠辣後來又加辣，沒有川味的麻。另外一邊是菌類湯底，鹽不要錢，好咸。還有下單時鴛鴦鍋免費的，付款時要收三十八元湯水費，二十元的火鍋調料費，還要在加一的服務費，還有亂七八糟的其他費。有啲鬱悶😒更重要的限時間食嘢。味道真一般，唔夠味，但食材幾新鮮，還有地勢比較好。希望改善味道，限時應多加一粒鐘。

今日去尖沙咀shopping完餓餓地咪去揾間餐廳打邊爐，竟然俾我發現新大陸。首先，依間餐廳啲員工服務十分好。我地一入到餐廳，立即有員工帶到座位，拎啲醬料過黎俾我地揀。我地鮮黃喉嫩牛肉，毛肚，苕粉，鵝腸，牛肝，耗兒魚同一碟安格斯肥牛。啲海鮮見到就知十分新鮮，食落就知係高級貨，同平日喺西貢食到嗰啲有得fight。你睇下啲圖就知係正野。食完之後仲叫左個糍粑當甜品，炸得非常脆口，唔太甜，簡直係正。最後埋單計埋醬油錢每人$300，以高級打邊爐黎講算合理。服務又好，之後一定會再黎幫襯！

一直都好鐘意食重慶火鍋，揾極都揾唔到好食嘅火鍋，冬天就正好打個邊爐。因為同行有朋友唔食辣，就叫左個鴛鴦鍋，一半重慶辣，一半牛骨湯。啲辣真係好正，我好耐冇食過咁過癮嘅辣鍋。首先黎左個雪耳糖水，好鬼正。再上食材：鮮黃喉，毛肚，鵝腸，牛肝，耗兒魚，嫩牛肉，肥牛，苕粉。啲食材非常新鮮，同平時喺出面食到嘅好大分別。尤其係條魚，好有鮮味。肥牛唔係平時出面任食火鍋嗰啲貨食，非常有牛味。最後上個糍粑，炸得剛剛好，一個字，正！值得一提係啲員工態度十分殷勤，主動會過黎問你有乜可以幫忙，加下水咁。依家好少餐廳可以做到咁，值得一讚。

老婆係四川人，最鐘意食麻辣火鍋，想試呢間重慶老火鍋好耐架喇！今日突登訂左位黎試！湯底都未上就先送上一碗熱糖水勁好味，係雪耳紅早呀！仲叫左洛神花茶飲，開胃又解渴湯底黎喇！！見到滿滿既辣椒、深紅色既油，我地啲口水已經標出黎了🤤個豬骨湯有胡椒豬肚湯既味，超正！久仰大名的毛肚呀！類似牛柏葉既部位，好爽，好快熟，索曬辣汁冇得彈安格斯肥牛，一睇就知靚野果然勁有牛味！老婆話呢個炸酥肉好小係香港食到！佢話好有鄉下風味！鮮黃喉，第一次食，好有咬口，沾滿辣汁勁正！呢個薯粉勁有驚喜，因為佢粗過平時個啲好多，煮完都唔會縮太多水，索曬辣湯又係勁正！超開心呀辣得好興奮！一定會再黎食！

渝味曉宇重慶老火鍋 (尖沙咀)地址：尖沙咀北京道12A號太子集團中心19樓之前雜誌介紹依間火鍋，睇完就即刻打嚟book位，用餐時間限兩小時，如果有兩個半小時就較為合適，因為食得有啲趕，食物選擇多，店員服務也非常好，入座時，會先送上雪耳紅棗糖水潤一潤喉，有別於其他火鍋店，非常值得一讚，另外食物可以選擇一份或半份，我們一行四人多選擇半份份量，因為想多試唔同款式，我們總共點了20多款食物，大部份都好好味，火鍋湯底我們選擇了番茄魚頭鴛鴦火鍋+重慶辣，重慶鍋會越滾越辣，非常刺激，食物方面我較為喜歡：★曉宇嫩牛肉$78非常嫩口，入口即溶★極品肥牛$120得6片，味道不錯★曉宇苕粉$48最少滾6-8分鐘，要淋先有QQ口感，非常值得一試（闊身的薯粉）★手打蝦滑（半份）$45蝦味十足，味道不錯★鮮黃喉（半份）$50豬的大動脈，第一次試食，口感爽脆較差的食物：★脆鯇魚片（半份）$40得4片，非常唔抵食，有草腥臭丸味，入貨唔靚★血旺$45有啲腥及淋，唔太好味，入貨唔靚整體而言，服務好，環境好，水酒唔貴，人均消費$350，下次會再嚟幫襯。

朋友推介正宗麻辣鍋仲要話最小辣都好辣所以要去挑戰下佢一黎到當然叫番個有麻辣鍋但唔食得辣又想食既關係所以叫咗個鴛鴦鍋啦啲野食正常最值得一提係佢啲滑、丸餃類係唔錯我地都差唔多點齊亦都好食今次我地竟然係食丸同滑多😆極品都係一般但呢個叫炸豆皮，但淋既係唔脆仲要係擺咗好耐唔新鮮咁