田浦食肉

營業中

休息中

旅行癮又發作，想搶張去韓國嘅平價機票又搶唔到，咁就唯有搵間韓國野食下止下癮先。又要環境有feel，又要食到醬油蟹，咁啱就俾我搵到呢間田浦食肉。一嚟當然就有一堆小菜啦，除左唔少得嘅泡菜，仲有翠玉瓜等等，一開始就已經打開咗個胃口。跟住就到我最鍾意食嘅醬油蟹，醃得十分入味，除左蟹肉嘅鮮甜，仲有蟹膏嘅甘香，而且每啖都有醬油嘅香味。咁食醬油蟹，就緊係要跟返韓國嘅食法，襯返個白飯一齊食，咁就可以食盡醬油嘅味道啦。食烤肉都係韓國野重要嘅一部份，呢個烤豬肉套餐一次過就可以食到五花肉同豬頸肉，每件都有燒烤嘅香味，而且肉質鮮嫩，配埋韓式辣醬同菜食真係不得了。朋友就鍾意食韓式煎餅，材料豐富之餘，仲煎得十分香脆同食到雞蛋嘅香味，鍾意食煎餅嘅真係一定要試。最後，食埋呢個水冷麵就真係perfect。入口酸酸辣辣，仲要凍冰冰，真係啱哂呢啲炎熱嘅天氣。而且食左餐咁豐富嘅野，最啱就係連湯都飲埋，舒解一下膩氣。

田浦食肉係沙田一間超正嘅韓式餐廳🇰🇷🇰🇷環境舒適 適合肉食愛好者🥩🥩 菜式多樣化 真係好味又實惠😍🐷 水冷麵呢碗水冷麵真係清新又開胃 麵條滑順 湯底清爽🤣 配上新鮮的蔬菜 🥬 食落去感覺好輕盈 夏天食正好 唔會覺得膩🥰🐷 雞蛋羹呢個雞蛋羹滑到無朋友 口感非常柔軟 味道清淡 搭配少少醬油 真係一口接一口 簡單但好味😋🐷 小菜小菜選擇多 成枱都係🤣好似真係去咗韓國啲餐廳咁🥰 而且款款都唔錯 擺晒喺面前非常之吸引🐷 烤牛排骨套餐呢個烤牛排骨套餐份量十足 肉質鮮嫩 燒得剛好 搭配特製醬汁 真係超級下飯 食極都唔想停 🤣🐷 烤牛骨烤牛骨外脆內嫩 肉味濃郁 吃到最後仲可以啃下骨 🤣🤣 真係好過癮 搭配蒜蓉醬 味道更加提升 🧄.田浦食肉📍 沙田石門安群街1號京瑞廣場2期地下19A號舖.#吃貨日常 #香港 #沙田 #田浦食肉 #香港美食 #hkfoodie #foodiehk #沙田美食 #沙田好去處

今日去沙田石門覓食🤭見openrice啲人評價幾好就黎試一試！上次黎石門已經係朋友結婚黎做姊妹🤭事隔幾年覓食覓到黎石門🤭🤭最近成日都見到啲醬油蟹廣告，搞到我都心思思好想食🤤但係買急凍既又驚唔邨係果回事，又怕中間運輸過程儲存得唔好容易有菌😣所以最後都係揀左間有醬油蟹食既韓國餐廳食比較穩陣🤭我地叫左烤豬肉套餐、水冷麵，當然仲有主角醬油蟹🦀🤩🤩先黎左啲小菜，味道全部都好地道，好似返左去韓國咁😋重回係無限任添！食完唔洗怕醜可以叫店員refill😉夏天咁鬼熱，食個水冷麵最適合最消暑🥵份量好足！有蛋絲青瓜絲蘿蔔絲，而且麵質爽彈🤩微微辣酸酸地凍凍地真係好鬼開胃🤩配燒肉食真係一流👍🏻烤豬肉套餐有五花肉同豬頸肉🐷本來我係麻麻地豬肉，怕有豬膻味😣不過呢度整得好好，完全唔膻而且仲好有豬味😋我最欣賞既係有oppa幫手燒埋，唔洗自己落手落腳，又怕未熟又怕燒燶🤭再黎梗係重頭戲 — 醬油蟹🦀🤩🤩🤩醬油蟹好鬼新鮮，食得出唔係放係雪櫃冰到不見天日既蟹🤣醬油調味剛剛好，唔會死咸咸到苦😋蟹肉非常軟滑，蟹身開半，放係口一「妹」啲蟹肉已經咇晒出黎，完全不費吹灰之力🤭一隻蟹..真係唔係幾夠喉..唔該可唔可以俾多隻我🙈🤩 推薦指數