祥仔辣辣 (海運大廈) (已結業)

為左可以用早前海港城coupon，就決定嚟食返餐辣野！呢一間都至少等咗半個鐘⋯⋯但係好想食辣野就冇辦法等吓啦！有二人套餐！就咩都唔使諗啦～我覺得口水雞係入邊最出色！個汁都夠辣～雞肉非常嫩！我覺得可以配碗白飯！小籠包個皮太厚了⋯⋯酸辣水晶粉好開胃～四季豆都好入味☺️全部都係辣㗎🤣對呢碗就失望少少！個湯底真係幾麻，都非常好飲，但係啲牛肉太硬，太乾，唯一扣分嘅地方～整體來講都算OK，環境都算大，服務態度都OK～

『望住無敵海景，感受麻痺在舌尖蔓延』難得約到同樣鐘意食辣嘅朋友，梗係唔可以錯過嚟海港城試下新開嘅祥仔辣辣。店面幾大，海景位置尤其開陽，第一次食辣食得咁chill😂餐牌選擇好多，有香鍋、酸菜魚、水煮魚等等，連肉骨茶都有麻辣版本好特別。辣度迎合港人口味，中辣都可以輕易挑戰。推介 🥢水煮海鱸魚片 (中辣) 🥢水晶酸辣粉 ————————————————————1️⃣◆水煮海鱸魚片(中辣)◇ HKD288海鱸魚好滑份量一d都唔少，最鐘意佢冇骨可以大膽食湯底唔會太油膩，中辣啱啱好，個人覺得可以再麻d2️⃣◆水晶酸辣粉◇ HKD78意外地比水煮魚更辣🌶寬粉煙煙韌韌索左辣油開頭覺得太辣，但係越食越過癮3️⃣◆麻辣肉骨茶 (中辣)◇ HKD88經過前面兩道嘅歷練，呢份肉骨茶就唔太食到麻辣啦藥材味頗濃，飲落甜甜地好暖胃4️⃣◆竹蔗茅根沙冰/檸檬薏米沙冰◇ HKD38自家製沙冰好清甜又下火，食完辣飲翻杯即刻清涼左

水晶酸辣粉 完全冇酸味 只係食到佢係辣 而且呢個辣味仲要完全冇特別 就好似加咗普通辣椒油上去一樣而個水晶粉就淡到不得了 好似分開食緊條水晶粉同辣椒油咁 好難食 真係唔會有下次。