狂野麻神麻辣火鍋 (已結業)

難得同爹D媽咪出街，見依家天氣涼涼地，就建議去打邊爐。尖沙咀有間台式火鍋店，出名麻辣湯底及花膠雞湯🤭無得去台灣唯左打邊爐回味下。💙海鮮拼盤💙蟶子皇• 南非6-8頭孔雀鮑魚• 貴妃蚌•大蜆。食材新鮮，稍稍戳熱一下，仲食到有淡淡海水鮮甜。隻鮑魚仲有我手掌咁大，啖啖肉。❤️牛肉盛+松板豬肉❤️作為meat lover 既爹D見到咁靚雪花，肥瘦均衡嘅牛肉，立即心心眼😍，仲有爽脆嘅豬肉片，都非常鮮味。🧡精選丸類及餃子拼盤🧡手打牛丸• 鯇魚丸•魚皮餃•韭菜餃。全手工製作，真材實料，餡料豐富。💚翠綠時蔬拼盤💚我嘅comfort food，自己打邊爐都好鍾意食冰菜，鍾意佢吸收到湯，又清甜。蔬菜拼盤係🈵🈵🈵的。仲有椒鹽豆腐粒，同滑滑嘅烏龍麵。🍻跟餐包兩杯飲品，點選咗水果蜜桃茶。大大杯，超多水果粒粒，又夠晒冰凍🥶，配合打邊爐係健康嘅選擇，好過飲汽水。今次點左花膠雞煱，金黃色嘅雞湯，淡淡骨膠原，非常濃味但唔會飲完好口渴好味精。非放題食火鍋，我覺得食材更有質素保證，而且食幾多叫幾多，唔會浪費食物，又唔使迫自己食番本😂。員工仲好有禮貌，不時為我地個煱加湯，同清理枱面廚餘。

係尖沙咀咀食晏，見天氣陰陰涼涼想打個邊爐，就上左去I square對面既麻神試下，以lunch一人一鍋黎講的確好抵，一行兩人叫左兩個鍋，藥饍雞煲同埋麻辣火鍋。藥饍雞煲可以揀埋個麵底，我就揀左烏冬，藥饍雞煲湯頭清甜，真係有一重養生既感覺，雞、雲耳、准山等等，好足料，雞非常入味，配埋烏冬麵真係一絕。而另一個火鍋就可以揀唔同既湯底，我地揀左港式麻辣，另外配料揀左牛雞豬肉同埋薯粉，麻辣鍋同樣出色，如果可以再辣啲應該會更好味，火鍋料新鮮而且足料，另外重有菜，連埋薯粉一齊食真係好好味。飲品方面都有十幾款選擇，我地揀左水果蜜桃茶，同埋洛神花茶，水果蜜桃茶係既有既蜜桃茶加入西瓜，火龍果等，飲完就去除左打邊爐果種肥膩既感覺。

朋友打邊爐中意食芫茜，但我又唔中意，咁就唯有一人一鍋獨自食，唔使煩😜呢到嘅一人一鍋午餐($66)包括左自選三款配菜、一款湯、一款麵、一杯飲品，好似食車仔麵落ORDER咁，選擇眾多，都幾吸引👍🏻我今次就揀左港式麻辣湯底，配韓式公仔麵、嫩滑鮮牛肉、豬肉片、滑雞片。湯底少少麻辣得黎帶點沙嗲香辣咁，辣得夠惹味而唔會食到噴火，啱晒我😋豬牛雞三款肉類齊晒，夠鮮嫩，韓式公仔麵份量都幾多，口感唔錯，配合埋個湯底愈煮愈入味，好正🤤朋友就揀左皮蛋芫茜湯底，配薯粉、豬肉片、蔥爆三星貢丸、黃金粟米水餃，佢話皮蛋芫茜味好香濃，薯粉夠煙韌，貢丸食落香濃又彈牙，而粟米水餃口味都幾清新😋咁大鍋，食完都幾飽下水果蜜桃茶：蜜桃茶甜度比例適中，仲有d水果果肉粒可以食下，飲黎解下辣😋青檸梳打：青檸篤完之後散出黎，味道幾清新解渴😄LUNCH咁樣一人一鍋其實都幾抵食又夠方便，配料款式選擇夠多，遲D再黎食下唔同嘅組合先得🤤補MENU