狂野麻神麻辣火鍋 (已結業)

係尖沙咀咀食晏，見天氣陰陰涼涼想打個邊爐，就上左去I square對面既麻神試下，以lunch一人一鍋黎講的確好抵，一行兩人叫左兩個鍋，藥饍雞煲同埋麻辣火鍋。藥饍雞煲可以揀埋個麵底，我就揀左烏冬，藥饍雞煲湯頭清甜，真係有一重養生既感覺，雞、雲耳、准山等等，好足料，雞非常入味，配埋烏冬麵真係一絕。而另一個火鍋就可以揀唔同既湯底，我地揀左港式麻辣，另外配料揀左牛雞豬肉同埋薯粉，麻辣鍋同樣出色，如果可以再辣啲應該會更好味，火鍋料新鮮而且足料，另外重有菜，連埋薯粉一齊食真係好好味。飲品方面都有十幾款選擇，我地揀左水果蜜桃茶，同埋洛神花茶，水果蜜桃茶係既有既蜜桃茶加入西瓜，火龍果等，飲完就去除左打邊爐果種肥膩既感覺。