老川皇

營業中

休息中

今日嚟咗油麻地呢頭攞嘢，行經歐美廣場見到呢間主打川菜嘅餐廳—老川皇，於是決定又去食番餐辣嘢😝水煮魚片 ($132/斤)- 水煮魚片一上檯就好震撼，表面嘅熱油仲jaja聲，新鮮熱辣，麻辣嘅香氣已經撲鼻而來😍- 魚片份量都唔錯，魚片雪白薄身，同埋最緊要係夠晒嫩，滑到會sir入喉嚨，有骨但都handle到☺️重慶風味燒烤鮮鮑魚 ($30)鮮味滿滿，嚼勁十足，口感好正；雞中翼 ($16)更加係高水準，外焦內脆，鹹香惹味；牛肉 ($16)都軟身，同埋有孜然粉嘅加持下，更加係風味十足👍🏻食得川菜緊係離唔開碳酸飲料，凍檸七 ($19)同凍檸樂 ($19)啖啖爽口解膩，超級透心涼😚餐廳都幾闊落，檯都好夠大，上菜速度一流，食得幾舒服🥰

水煮魚片($132)揀左最平既$132/斤魚片，魚片唔算多，魚味好少，大部分魚片都有幼長既魚骨，食得無咁暢快。魚片可能煮得太腍定其他原因，一夾就散。同埋尼間水煮魚既配料只有芽菜，係無薯粉，扣左少少分。至於小辣辣度就適中。魚片一夾就散，又有幼長既魚骨，配菜又冇薯粉，真係幾失望，相信唔會再幫襯尼間既水煮魚。可能係因為之前睇食評話1斤魚片都好多，就有少少落差，或者要揀再貴價既魚先好食D?(個人口味: 2.9+ 3.1/10)干鍋黃骨魚($92) 第一眼望落幾吸引，但食落發現，配料洋蔥青椒好多，但魚身得6件左右，超少，又細件。反而有2個魚頭、3條魚尾，失望。但其實落單既時候，我地係叫黃鱔，應該係侍應記錯左。(個人口味: 2.9+2.8/10)貴妃蚌($28)&大元貝($38)貴妃蚌幾爽。大元貝燒得太耐太乾身，蒜蓉味太重，掩蓋左元貝味，麻麻地。(個人口味: 3.1/5) 貴妃蚌 (個人口味: 3.2/5) 大元貝另外叫左白飯($10)同汽水($17)。雖然唔會再叫尼間既水煮魚，但之後有機會想再試下尼間既干鍋黃鱔，同埋串燒，睇下會唔會彌補返今次既失望。

聽說旺角區的老川皇是香港其中一家川菜名店，今天雖然沒有跟朋友約上，難得是星期五晚上，還是想吃一些可以讓自己relax一下的菜式，所以選上了她。吃四川麻辣菜式，最爽的肯定是一邊吃一邊”歎”啤酒。特別是這個炸得脆脆的辣子雞，又脆又香辣，雖然說只有我一個人吃，邊吃邊喝的，一眨眼已經吃完了。這家店的麻辣口味，風格跟之前吃過的相像，不過她更勝一籌的是辣得更香，留在口腔的香味更長久不散，非常過癮，連蔥段也令人回味。水煮魚選的是鯇魚片，每一片也切得很大片但也很薄，反映師傅的刀功非常好。正正就是每一個小部分也做得比其他的店家好，才成就了名店的招牌。這個菜，吃起來魚肉很香滑，有入口即化的感覺，果然出色。順帶一提的是剛坐下來聽到隣座是來自成都的大學生們。從他們的對話中，可以知道他們也覺得這家店的菜做得好。有四川當地人的這句話，還沒有看菜牌已經先期待了。結果是，果然沒有讓我失望。

踏入秋冬，嘗川辣。九龍區這間很聞名，今晚閒日便試試walk in ，七點三入去，淨返幾張吉枱。川菜最好食當然係水煮X, 叫了魚片，口水雞，干鍋肥腸，香辣豆皮，四川涼面，四個人食。見到Menu 個個都紅辣辣，免得食唔到，全部叫小辣。基本上麻辣度很平衡，小辣也實在不辣，很 惹味，麻香不太鹹。魚片尚算新鮮，小滑但細骨多。香辣豆皮薄身，香茜味不太嗆，豆皮清新爽口。四川涼面，濃厚面粉味，很充實。最好味的當然干鍋肥腸，若叫中辣更為好味。總括而言，大家嘗辣最少可叫中辣。

今晚想食川菜，朋友向我地介紹食老川皇。因為地點近位於旺角歐美廣場，可能早去同閒日原因吾係好多人，吾洗等位✌🏻環境好大，好有地道的風氣，未坐底已經聞到濃濃的香辣味，引起我地的胃😋 打開餐牌，價錢吾係好貴 兩個人食$200幾蚊有找 真係幾抵食首先，我地當然叫了小小前菜 開開胃😋 點了兩串串燒，雞軟骨同魷魚。燒得好入味 雞軟骨好爽口 細細粒 加埋佢啲秘制醬汁😋正鐡板水晶粉 份量估吾到咁大碟 價錢都係$60幾炸😍 水晶粉好滑身 加上麵同酱汁溶為一體 所以好入味 另外上面擺放了滿滿的椒仔同配菜😋 非常野味當然不少得主角水煮魚🐟呢度有三種魚俾你選擇：普通魚、生魚同桂花魚 我地㨂左水煮魚片（普通魚）一啲都不失禮 魚生好滑吾腥 份量好多好大碗 好適合一大班朋友食 辣味有得按自己喜好選👏👏 最欣賞他的飲品，所有生果飲品都是新鮮生果炸 所以好健康👏 食得甘熱氣一定要叫反杯雪梨檸檬清下熱

呢間既川菜夠哂獲氣，位置亦好方便，岩哂約朋友食。水煮魚片 ($132)魚片好嫩滑，份量亦唔少架。汁就好夠香辣，但略為麻香唔夠。底下既芽菜索哂辣汁好香口。四川涼麵份量好抵食。麵條撈上辣汁，辣味香口。不過好油身。