老川皇

營業中

休息中

由原來一間又細間又多人會食到成身味的樓上鋪搬到地鋪仲要開左2間位置多又坐得舒舒服服食完身上都吾會太多陣味只有QR code 網上下單沒有大menu 有點不太方便干鍋肥腸 小辣x1沒有太特別配料比主菜還要多但野味程度係會另人一口接一口辣子雞 小辣x1有骨同無骨的選擇我地選擇左有骨係原味道藍妹啤酒x2泡椒鳳爪x1微辣x1酸味比辣味更強有點似醃蘿蔔的味道完全無泡椒味到藍色夏威夷x1走甜x1做吾到走甜就不要俾客人在app 上選擇凉拌蒿笋絲x1微辣x1火爆腰花x1小辣x1甘多樣菜呢個最有驚喜腰花吾會過老入口滑溜溜凉拌腐竹x1小辣x1凉拌牛展x1小辣x1

呢度不嬲喺我食堂，基本上夜媽媽唔知食咩就會去呢度～ 環境普普通通無咩要求，2個人坐卡位，我多數坐可以睇電視嗰邊🤭水煮鱸魚 ⭐️⭐️⭐️⭐️嚟親必點！份量夠大，配菜亦好多芽菜，味道算好貼近國內，但唔知點解有時食有薯粉，有時食又冇薯粉，好難捉摸！辣子雞 ⭐️⭐️⭐️平時多數食辣子田雞，今次試吓辣子雞！發現田雞好食好多，田雞啲肉好滑，但係今次雞肉就比較細粒，同埋比較乾，啲骨好細好碎，唔似得田雞啖啖肉～四川涼麵 ⭐️⭐️⭐️⭐️⭐️每次點菜都徘徊喺四川涼麵或川北涼粉之間！今次食四川涼麵，味道濃烈好岩我口味，差唔多成碟都喺我清晒！紅糖糍粑 ⭐️⭐️⭐️內裏煙靭，但表皮比較硬，如果可以多啲紅糖就更好！

樟茶鴨係四川傳統名菜 ，製作過程繁複，會經過醃製 、煙熏 、蒸熟，最後臨上菜前將鴨酥炸 。入口有好香煙熏味，鴨肉並未有因為酥炸而變得乾柴，又腍又沒鴨臊味，食川菜唔係一定係食辣架，必點之選。

收工去旺角食宵夜 天氣咁涷食辣野就最岩🔥今日一大班人嚟到旺角一間開左好多年既川菜餐廳——老川皇👑一入到去個場都就嚟坐滿人咁濟😆今日人多可以嗌多幾款👍🏻估唔到啲嘢食都幾有水準🤩🤩仲可以因應自己口味選擇辣度🌶️🌟泡椒烤魚🐟唔會好太骨 肉質鮮嫩 而且辣辣地好開胃😍😍🌟辣子雞雞炸得好酥脆 配埋辣椒花椒同花生 非常惹味！🌟鐵板魷魚🦑魷魚鐵板上香噴噴 配料洋蔥都好香口🌟干鍋肥腸上枱係成個煲送過嚟 熱辣辣 肥腸口感彈牙🌟鐵板水晶粉水晶粉煙煙韌韌 而且份量都好多🌟干煸四季豆必嗌菜式 送飯一流 一條一條食食下好快就清晒😋🌟百香水果茶🍹呢個係出乎意料之外 超大杯可以兩個人share而且好多款水果 都只係$38🍉📍老川皇 (旺角)旺角登打士街32號歐美廣場1樓

.‼️❤️ 記得CLICK我PROFILE關注我呀 ❤️‼️.🔥 S̾p̾i̾c̾e̾ ̾U̾p̾ ̾Y̾o̾u̾r̾ ̾T̾a̾s̾t̾e̾ ̾B̾u̾d̾s̾ @ 🌟 老川皇《👽食神大媽食辣》.💁‍♀️ 圖片展示美食為：竹籬脆蝦 HKD 158香辣蝦 HKD 108酸菜海鱸魚 HKD 198蔥爆羊肉 HKD 98水晶肘子 HKD 68樟茶鴨 HKD 88鐵板茄子 HKD 98鐵板水晶粉 HKD 82橙風破浪 HKD 26蜜桃爆珠 HKD 24爆漿椰汁流心球 HKD 28冰粉 HKD 28.👽 最近轉季，最適合嘅就當然係食辣啦！朋友仔介紹咗一間開咗足足15年嘅老字號川菜館帶大媽一齊去大擦一餐！😋 餐廳位置好方便，亦都好寬敞，有好多張卡位，坐得好舒服。餐牌更加係非常超級多選擇，淨係望已經覺得好鬼肚餓。.🦐 先黎「竹籬脆蝦」，好多隻蝦，外顆炸到超香脆可以直接食，配上新鮮辣椒，一流！實在太好味，所以整多份「香辣蝦」，辣得超過癮呢！照樣大大份，新鮮嘅香蔥同辣椒，真係好惹味！.🐟 當然要叫招牌推介「酸菜海鱸魚」，好大份呢！鱸魚鮮嫩多汁，肉質鮮美，全班起曬肉。配上香辣酸菜湯底，湯底裡面仲有啲豆芽同菜菜，增加口感同超索湯。.🥩 再黎「蔥爆羊肉」，好多件羊

📍老川皇 🔎旺角登打士街32號歐美廣場1樓-----要說到香港川菜其中一間始祖級餐廳，就要數這間老川皇，當初認識佢，係源於朋友帶我黎食宵夜，開到凌晨三點，而且選擇多嘅餐廳，香港唔算多。整體嚟講佢哋嘅食物選擇頗多，大部分都是樸樸實實的家常川菜菜式。而且餐廳頗有人情味，見到職員同唔少食客都打成一片，幾溫馨。🐟：鮮花椒桂花魚（一斤）$278酸菜桂花魚（一斤） $268剁椒魚頭(半份$98）叫咗三款唔同嘅魚，桂花魚Under $300，價錢算幾抵，魚質滑溜無骨，個人尤愛辛辛香香嘅鮮花椒桂花魚，而剁椒魚頭嘅剁椒就香辣不嗆喉，同樣不錯。🥣涼拌香辣海蜇 $68麻酱茄子$40兩款前菜均有驚喜，冰凍開胃，酸辣惹味，海蜇份量非常足，入口爽脆爽脆的。🍢虎蝦串燒（$45一隻）澳洲珍寶蠔（$38一粒）大元貝（$56一粒）除咗川菜之外，佢哋仲有多種串燒order。虎蝦肉質緊實彈牙，而且有剪開再燒，更為入味。珍寶蠔飽滿無沙，大元貝貝柱肥厚，蒜香中亦食到鮮甜味。

天氣凍，打邊爐以外就想食辣，朋友都想食辣，地道正宗重慶川菜就啱晒，所以立即就諗到呢間，老川皇在上址開業已經15年，算得上是老字號，口味絕對正宗夠味，之前都跟朋友食過，所以提起食辣就立即諗到佢~ 心動不如行動，立即約齊朋友去辣一下先~ 餐廳重新裝修，簡單整潔，耳目一新，坐得更舒服，現時可以WeChat 落單，更加的方便，辣道可以按自己程度選擇，而且份量頗大，性價比高。 🥢前菜： 🔸夫妻肺片(小辣) 吃香喝辣前先吃涼菜是一定的吧~ 涼菜的選擇種類多，就點了幾樣，夫妻肺片是必點的，有牛心、牛舌、牛肚、牛肉，薄薄的一大片，滷得入味麻辣，很不錯！ 🔸口水雞(例牌)(小辣) 雞肉嫩滑，入口帶甜，香中帶麻，辣度適中，配上大量芝麻香蔥及花生，更增加香味。🔸涼拌香辣海蜇(小辣) 海蜇清涼爽脆，夠麻夠辣辣夠入味，拌著大量芫荽，香味倍增 🥢主菜： 🔸樟茶鴨(例) 估不到這裏連樟茶鴨也有，點了一個例牌嚐嚐，樟茶鴨有淡淡的樟樹葉和茶葉的燻香味，配上鴨肉的濃郁，味道一流。而鴨肉則外酥內嫩，越吃越散發香味。🔸飄香辣子雞 飄香辣子雞，特別選擇無骨的，啖啖肉吃得更方便，雞丁炸得酥脆乾身，再加上花椒及辣椒，香辣並重，

朋友係川菜達人, 無辣不歡, 今晚跟咗佢去近油麻地呢間「老川皇」品嚐川菜。餐廳環境簡樸, 自助手機落單, 食物款式多, 多款川菜都可自選辣度, 適合唔同人口味。酸菜魚分別有三款唔同價錢嘅魚類, 我地揀咗坊間比較少見以酸菜伴嘅桂花魚。【金湯酸菜桂花魚】HK$268自選了少辣, 適合香港人口味; 金黃色湯底酸辣溫和, 唔會過於重口味, 桂花魚份量超多, 魚質鮮嫩有鮮味, 不過注意有幾件連帶魚骨, 食嘅時候要小心; 湯底中還有酸菜同少量薯粉, 相比下竟然桂花魚比配料還要多, 超抵食!【鐵板田雞】HK$128鐵板熱辣辣滋滋聲上檯, 散發陣陣香氣, 田雞份量多, 肉質札實, 鹹鹹地嘅茨汁令田雞更美味。【涼拌香辣海蜇】HK$68海蜇爽彈, 微酸香辣, 同樣夾集了大量莞茜, 美味清香。【香辣魚皮】HK$58超級爽脆, 夾集莞茜一齊食, 香辣惹味, 又有莞茜嘅清香。【芒果珍珠奶茶】HK$20芒果味相比下較為突出, 茶味偏淡, 珍珠煙韌度剛好, 但如果份量多少少會滿足得多。【百香果茶】HK$38大大杯, 果香味十足, 非常適合配搭食重口味時清新一下味蕾。原來餐廳還供應多款重慶串燒, 於是又order咗幾

今晚嚟到呢間已經開業 15 周年，位於旺角有三間分店香港正宗重慶川菜「老川皇川菜舘」，性價比都算幾高，部份菜式份量啱多人聚會。.「酸菜魚」就必試啦~ 我地點咗最多人揀亦都係食開既桂花魚，鍾意佢無D魚骨去得徹底可以啖啖肉；另外仲有點咗「辣子肥腸」，食落去唔會太肥膩，大腸味唔算好勁 (啱我)；「竹篱蝦」都係一個唔錯嘅選擇，小辣吊下味，偏向乾身，炸到透連蝦殼都可以食埋。.主菜之外仲試埋佢嘅串燒同燒物，都有自己風格，略嫌小咸但食開重味既人應該會幾鍾意，要講真係個價都幾吸引，整體都係一樣係燒到比較乾身，選擇亦都唔算少，一口氣點咗魷魚鬚、雞腎、魷魚、鴨舌、虎蝦、鮑魚、珍寶蠔、大元貝、白鱔...食到夠！整體都算正常發揮可以encore，燒海鮮就要多蒜多辣，好惹味！.食到覺得有D辣都唔緊要，加返支凍藍妹就滿足哂😍 btw 就算你唔食辣既呢度都一樣多選擇👌

小編今次同鍾意食辣嘅朋友仔去食咗間以四川菜為主嘅餐廳。餐廳近地鐵站，行幾分鐘就到。職員友善，落單嗰陣有禮貌。嘢食上菜速度快，而且好足料，難怪平日去嘅小編都見到餐廳好熱鬧👍🏻👍🏻∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 酸菜桂花魚 $268魚片份量好多，每塊都好厚身，味道鮮甜得嚟，配合埋辣辣哋又酸酸哋嘅汁，加埋白飯一流😋❥ 辣子雞 $98冇得揀有骨定冇骨，小編就揀咗有骨。每件雞肉炸到外脆內軟，而且size一口一件，幾啱做佐酒小食😆❥ 干鍋肥腸 $108個煲仲熱住送上嚟，一嚟到就聞到洋蔥香氣，肥腸一啲都唔臭，口感彈牙細膩，味道香辣惹味☺️❥ 清炒萵筍絲 $68食啖辣嘢再食啖萵筍絲，口腔變得好清新，而且煮完都keep住咁翠綠爽口😎❥ 串燒૪ 澳洲珍寶蠔 $38/隻૪ 多春魚 $20/份૪ 魷魚鬚 $18/份૪ 雞皮 $20/份૪ 翠肉瓜 $14/份૪ 薯仔片 $14/份૪ 韭菜 $14/份૪ 菠蘿 $14/份小編覺得珍寶蠔值得一試，大隻肥美，鮮甜得嚟充滿蒜香🧄多春魚燒到乾身，幾有焦香味雞皮薄脆，似食薯片菠蘿鮮甜多汁🍍❥ 百香水果茶 $38呢杯

說到香港川菜，第一時間會想起老川皇，大約好幾年已經有吃這家川菜，裝修後地方見實用寬敞👍🏻 這裡絕對是好辣人士必選店之一，川菜煮法正宗, 而且辣度可以選擇，重點是家錢實際，份量非常慷慨🤭4個人點了八九樣菜也是千元起，絕對性價比💞.🔺夫妻肺片（小辣）$68牛心、牛舌、牛肚、牛肉，感覺麻辣鮮香💞💞.🔺口水雞 （小辣）$88我們點了例牌，少辣辣度輕易入口，雞肉嫩滑，拌有大量蔥花、花生，入口甜中帶辣，辣而不嗆💞.🔺凉拌香辣海蜇（小辣）$68大大碟，海蜇份量頗多，微辣入口剛剛好，海蜇爽彈💞.🔺水煮牛肉 （少麻）$166份量超大，一大碟內牛肉份量很足，牛肉入口香嫩，熟度剛好，除了原先跟碟的配菜外，可以再另加其他配菜，我們加了寬粉、萵筍、娃娃菜，配合吸引湯底，非常惹味😎.🔺飄香辣子雞 （小辣）$108雞肉去骨再炸，入口酥香可口，再配上大量辣椒🌶️烹炒，非常惹味，送酒一流👍🏻.🔺黄金海中蝦（走辣）$158蝦殼炸得香脆，直接吃下便可以，每隻蝦都鋪滿鹹蛋黃，外脆肉爽，一試難忘💞.🔺清炒萵筍絲 （蒜蓉）$68萵筍絲非常爽口，以蒜蓉一起烹調，入口清新爽口💞.🔺樟茶鴨 $88這裡做法是鹵好之後再炸，外層酥脆，肉質較

天氣開始涼返少少，又係食辣嘢嘅時候！同朋友約食飯就去咗旺角食老川皇點單都係QR code落單自選選擇非常之多，小辣中辣大辣小麻中麻大麻都有得揀😂脆皮牛奶卷外面酥脆，入邊非常之軟滑，有淡淡嘅奶香，用嚟做前菜或者甜品都唔錯麻辣雞煲（中辣）叫咗半隻嘅份量，份量都唔少，打開煲蓋聞到麻辣嘅香味～ 雞件嫩滑～ 每一件都沾滿咗雞煲醬汁水煮牛肉（少麻、中辣、少鹽）份量超大，佢哋嘅牛肉唔會嗱到無晒口感，有咬口，湯汁重花椒香～ 黃金海中蝦除咗辣嘅嘢之外，仲有唔辣嘅Option～ 海中蝦爽口彈牙，啖啖都係咸蛋黃邪惡嘅味道清炒萵筍絲食完油膩嘅嘢就叫返個Balance吓～ 萵筍絲爽口油柑茉莉茶用嚟解辣一流～

鍾意食川菜既朋友，一定唔可以錯過呢家人氣川菜館已開業15周年，響旺角及佐敦設有三間分店，仲要營業時間直至凌晨 3 點，就算食宵夜都可以食到正宗重慶川菜菜館定價相宜，份量十足，並以辣味為主，更可按喜好自選辣度，配合大家不同需要，非常細心除左必試酸菜魚、水煮魚之外，仲有涼菜、火爆菜式、燒烤、川味小食，菜式種類繁多食物方面:水煮桂花魚 : 選擇了小麻小辣，上枱非常吸睛，桂花魚片肉質鮮嫩，再加埋萵筍做配料，夠曬麻辣味，入便仲有原條桂花魚連骨，鐘意食魚既朋友真係可以連骨都食埋尖椒皮蛋 : 皮蛋份量多，仲要用上黃金皮蛋，少麻少辣，鮮滑爽口，帶點麻辣味涼拌香辣海蜇 : 海蜇份量多，每條海蜇都蘸滿辣油，又夠爽口彈牙蟹黃豆腐 : 豆腐切成細細粒，再用鹹蛋黃、紅蘿蔔及蟹柳絲代替蟹黃，做到口感和色澤到幾可亂真，仲要用慢火保持溫度，撈飯一流辣子鮮魷 : 辣椒炒得香辣，鮮魷炸得酥脆，外脆內嫩，夾住辣子一齊食就辣得過癮鐵板水晶粉 : 用上紅薯粉、豬肉粒、酸包菜、雞蛋製成既主食，味道酸中帶辣，入口濃香燒澳洲珍寶蠔 : 珍寶蠔厚肉鮮甜，再加上大量蒜蓉做配料，蒜香味中十足燒大元貝 : 燒元貝爽口鮮味仲帶膏，選擇蒜蓉粒，

前日我和朋友去了旺角的老字號「老川皇」食正宗四川菜。餐廳採用傳統中式裝修，環境明亮且座位寬敞，菜單上的選擇多樣，包括營養豐富且具保健功能的水煮類菜品，還有辣子、乾鍋、鐵板等系列的菜式。最重要的是，他們還提供串燒，有燒鮑魚和燒蠔等……多種選擇。這裡還有大電視可以觀賞賽馬，飲飲啤酒，非常Chill👍價格平民化😎而且夜收到晚上凌晨二時，啱晒「為何深夜總是餓的人」🤣🤣🤣點了幾道菜，其中包括：🐱鮮花椒海鱸魚-這道水煮類，提供了三種魚的選擇，分別是生魚片、桂花魚和海鱸魚。我詢問店員哪一款是無骨的，店員推薦了海鱸魚。辣度又可以自選，所以我選擇了少少辣，魚肉鮮嫩，全部去骨且份量十足，椒味麻味濃郁，非常開胃，我和朋友都讚不絕口。🐱竹篱脆椒蝦-驚喜之作，因為炸得非常鬆脆香口，連殼也可以食埋，蝦又大隻，伴菜花生也炸得香口。🐱鐵板田雞-田雞份量豐富且肉厚鮮嫩，份量很足。旁邊的配料也豐富，經過爆炒後放在鐵板上，沙沙聲，又熱辣辣，視覺味蕾都滿足。🐱脆皮牛奶卷-外皮炸得香脆，中間包裹著牛奶餡，口感香濃嫩糯，外酥內軟，非常特別。🐱榴槤金球-金球內部有爆漿的榴槤，餡料十分豐富，熱辣辣，我這個榴槤控😍大愛🤤🐱藍色夏威夷-

旺角老川皇開左十幾年，老闆同師傅正宗四川人，菜式帶有家鄉風味原味道，旺角開有三間分店，風味小菜有不同辣度可選擇之餘，仲有重慶燒烤食😋😋佢地特飲好多款，尤其百香水果茶非常出色，落足料有藍莓、士多啤梨、西瓜、蘋果、香橙、 火龍果同百香果，水果新鮮清甜解渴。坐底可以用QR code電話落單先食主菜之後再食燒烤❤️ ❣️酸菜魚~可以選擇小中大辣同自選魚嘅種類，桂花魚、生魚片、鱸魚等，我地揀咗小辣同一斤鱸魚，魚質嫩滑鮮美，配搭咸酸菜、藤椒同花椒仲有萵筍同薯粉，入晒味😋 ❣️干鍋田雞~用小鍋坐住上檯用keep住熱，田雞肉軟嫩多汁兜勻晒入面配料青椒、洋蔥、紅椒好惹味😋 ❣️肚絲海蜇 ~冷盤份量足，少少辣，爽口開胃😋
❣️燒烤款式特別多，我地點左牛舌、燒茄子、燒鮑魚、燒白鱔、大元貝、韭菜、海蝦、花枝丸 ，調味唔會太咸，茄子面勁多蒜蓉，即叫即燒，下次可以試中辣，更惹味😋  ❣️黑糖脆炸糍粑 ~飯後甜品，即叫即做，新鮮滾熱辣送上枱，入面好似麻糬咁煙煙韌韌，出面沾上黃豆粉同埋黑糖醬汁好味😋 ❣️呢度對出係兆萬同信和中心，近油麻地地鐵站，餐廳環境光猛，座位闊落，唔會太迫，坐得舒服，店員友善，上菜速度好快，吾會成日執野趕你走