太元樓

營業中

休息中

水煮魚真的很出色！上枱時香氣十足，湯色鮮紅油亮，入口又辣又麻，魚肉則鮮嫩滑爽而不腥。還加入了水晶粉和豆卜，吸盡湯底和魚肉精華，讓人吃得大呼過癮。份量滿滿，絕對是美味超值之選。

環境環境優美，以藍色為主，碟同茶壺都係藍色，好靚。服務侍應有良好的服務態度，上菜時亦會小心翼翼。小食一坐低就放有小食，一碟有花生同青瓜，有少許醋味，好好味，令人好開胃。賽螃蟹春卷有三條，每條剪開一半，春卷皮好脆，內有蛋白同蟹肉，食到蟹肉嘅香味。水煮魚好大的一碗，內有魚、豆腐皮、豆腐泡、萵筍、芽菜、菇、水晶粉皮、西芹、芫荽等，非常豐富，夠晒辣。黃金蝦擺設好靚，整得好入味，外面濃濃的蛋黃，令人不想停下來。小龍包皮薄料多，有好多肉汁，等佢無甘熱食果陣成舊放晒入口，簡直人間天堂，肉汁、肉同皮都係個口到混埋一齊，非常好食。

在同事既極力推介下, 今日捉左老公陪我去試食 - "太元樓".  因為下午6點半已經到左步, 所以唔洗排隊就可即時入坐, 超好彩呀! 一入坐, 服務員馬上送上一碟餐前小食 - 拍青瓜.  拍青瓜的味道調得很好味, 陳醋味好香和好出, 食左很開胃呀... 講完餐前小食, 就緊係要講番我點既主菜啦,  今晚我點左 妙齡乳鴿 (一隻), 水煮魚,  小籠包 同埋一支大藍妹啤酒. 第一碟上枱既係我最其待既妙齡乳鴿,  乳鴿炸得好香, 表皮脆脆的, 但乳鴿肉就好嫩同好JUICY, 正呀~~ 之後再上枱既係小籠包, 同樣有驚喜,  因為真係皮薄餡靚呀, 好過很多連鎖店, 不過真係要食得好小心呀, 因為一唔小心整穿, 就會流曬D精華(湯汁)架喇~~ 最後一碟餸就係今晚既主菜 - 水煮魚,  其實水煮魚都係我既至愛之一, 不過多數都會係大陸食, 因為覺得香港唔夠正宗, 但今日試左LI 碟水煮魚,  就開始有D改觀. 因為係香港食水煮魚, 個人感覺安心D (不怕地溝油), 而且很足料, 除了主角"魚" 之外, 有薯粉, 雜姑, 萵筍, 豆卜... 不過辣味就唔夠大陸膿, 但我覺得還可以, 因為太辣不是每

自己同屋企人一直都好鐘意食上海嘢。不過喺香港嘅上海嘢食來食去都係嗰幾間連鎖店，可惜佢哋啲質素都開始變得參差。高級嘅上海嘢價錢又唔夠親民。好耐都未食過啲性價比高嘅上海嘢啦。 直到見到北角開咗間新嘅上海嘢，就急不及待去試吓！呢間太元樓唔單單係做上海嘢，佢主打係京川滬菜，嗰餐牌望落真係好豐富。第一次去見佢紅紙都未滅，應該係開張左冇幾耐。不過已經好多人，平日等位都要等左陣。不過好彩啲職員做嘢都好快手好快比到枱我哋。佢哋裝修非常之光鮮俾人一個好高級嘅感覺，比起同區嘅其他餐廳好好多，唔講仲以為係高級嘅集團式餐廳。餐廳上菜上得好快，唔洗怕餓親。點咗幾樣川菜同上海嘢。排骨擔擔麵嘅麵質真係好好，好耐冇食過咁滑嘅麵，時間煮得啱啱好，唔會太軟身，仲係好有咬口。嗰湯好夠味，又唔會太杰身。排骨都唔錯，唔會油。小籠包好食過出邊好多，要湯汁有湯汁，而且冇油膩感。我自己食四隻到仲得！小籠包嗰皮先正，夠薄身，不過一啲唔都易穿。點解我會知？因為夾嗰陣夾唔實，蹬咗佢落嚟都冇穿😂加十分！仲有不得不提佢嘅口水雞！真係好好味。出邊嗰啲得嗰油字。呢度一啲都唔會！口水雞嗰汁同外面食到嘅好唔同，一食就知一定係自家制，而且冇味精。大家一

北角多年前 素有小上海之稱，住在北角二十餘年，雪園的結業後，北角的上海菜便出現青黃不接的情況。許多小店以滬菜以主打，但食過既朋友就知道完全唔係果回事。太元樓以京川滬菜為主打，真係有辣 有唔辣 任君選擇！裝潢令到人行入去就有一種很舒服既感覺睇黎老細同設計師真係花左唔少心思去設計！野食方面真係唔會比果啲有車呔人介紹既餐廳差，睇得出食品係有心思、有要求、有水準！呢間餐廳好誇張連星期一至四晚上都座無虛席！好在屋企人有訂位，唔係又要餓住肚仔等了！今晚就同屋企叫左幾樣野食，加上呢間餐廳嘅服務貼心，係非常繁忙混亂的運作期間，都可以很快地安排到你想要嘅嘢俾你！總括而言，回食程度係冇一百都九十啊！