肥姐麻辣餐廳

營業中

休息中

荃灣隱世小店！辣得過癮！平時搭車都留意到呢間店鋪，一直比佢個句「一直被模仿，但從來未被超越」吸引住，好想試下佢係咪真係咁正！入到店鋪環境比係門口就咁睇係兩個感覺！入面好闊落，而且有好多畫、小擺設、金魚！真係大開眼界，座位很寬敞，好適合同三五知己一齊慢慢嘆！點菜前店家好細心詢問左我地平時食開咩辣度！佢解釋比我地知佢地係偏辣啲所以食BB辣就可以！點完菜店家已經馬上送上開胃冷盤，涼拌兔仔耳同花生🥜睇個雲耳已經見到係好細細舊，嫩嫩的！佢唔係出面平時食開硬硬地個啲，係相對好食啲既兔仔耳🐰開胃前菜·涼拌黃金皮蛋店家超推薦的！佢話平時好多地方都係用鴨蛋去做，佢地係用雞蛋🥚比較少有同特別！之前食過啲皮蛋口感發澀，仲有啲腥味所以唔太鍾意，而呢個係雞蛋做完全冇呢個問題！而且醬料好惹味好吃又解饞！主菜·水煮鯇魚呢個可以選擇桂花魚或者鯇魚，今次試下相對平價既鯇魚。水煮鯇魚下仲有啲芽菜做配菜。魚肉嫩滑完全唔腥，食魚最驚有泥味！佢完全冇呢個問題，而且好！新！鮮！係真係食到魚味，因為新鮮就算有辣味都唔會come過佢本身啲魚味。真係好彩食BB辣，食食下都feel到好辣。真係辣得過癮！主菜·炒土豆絲越睇落越簡單既菜其實

冬天咁凍就揀咗一間熱辣辣嘅麻辣餐廳嚟食，開頭以為會係好似茶餐廳、大排檔咁嘅環境質素，點知成個環境好舒服好乾淨，地下唔會油粒粒，旁邊仲有好多店主自己掛嘅小植物添！坐左卡位覺得闊落之餘又舒服，成個環境好自家人溫馨嘅氣氛，一坐低，已經聽見隔離枱係咁叫「肥姐肥姐！想要乜乜乜」，個個都同店主打成一遍，嗰種大排檔嘅感覺真係好少見呀！一坐低仲拎咗兩碟前菜俾我哋，花生香脆，另外蠶豆魚乾比花生辣，但係又香口好多，我哋之後仲有用來點我哋嘅雞翼添！因為我同朋友想食辣但係又唔食得太辣，所以就叫咗一個水煮魚BB辣，呢一個辣度大概就係唔需要飲嘢都可以接受到，會有少少出汗嘅感覺，冬天好正！個人覺得舒服！呢一個價錢來講唔貴，魚嘅份量非常之多，亦都唔腥，我同朋友一人一半都好飽，仲可以自己加啲配菜，我自己就比較鍾意加錢加配料粉條同埋娃娃菜，因為可以吸晒水煮魚入邊麻辣嘅香味，呢一間嘅花椒同辣椒都用得比較多，所以食嘅時候千祈唔好一大啖夾埋入口啊！魚肉好滑身唔會散晒，雖然美中不足嘅係有骨，但係唔算多，加埋水煮魚香辣麻辣咁非常過癮，以前經常都會返大陸食水煮魚同酸菜魚，而家喺香港搵到一間味道唔錯嘅水煮魚真係幾開心！入邊會有少少芽菜

第一次去專門食麻辣既餐廳到食晚餐野食未到前有個小前菜，應該係蘿白掛，已經好辣開始驚驚地...因為本身唔算食得好辣，見到對面枱個男人食到塊面紅哂，辣到爆粗其實食咩好似都係得一種味甘，所以下次應該叫D唔辣既野中和返！本來以為個手撕包菜係唔辣的，天真到以為係生菜包著D野食就甘食，原來係炒菜黎，搞到佢地話我，想食D唔辣既都唔得～野食好麻辣，麻到個口好似比好多蟻咬甘，過癮囉，哈哈！水煮魚其實已經叫左減辣，外加左薯粉同木耳，啲魚已經好辣，薯粉同木耳吸哂D湯，搞到仲辣呀！我地叫左好多野飲解辣之後個日個口都都仲散發著陣陣麻辣味...中意食麻辣既人可以試下