影片
更多
2021-12-10
66 瀏覽
冬天咁凍就揀咗一間熱辣辣嘅麻辣餐廳嚟食，開頭以為會係好似茶餐廳、大排檔咁嘅環境質素，點知成個環境好舒服好乾淨，地下唔會油粒粒，旁邊仲有好多店主自己掛嘅小植物添！坐左卡位覺得闊落之餘又舒服，成個環境好自家人溫馨嘅氣氛，一坐低，已經聽見隔離枱係咁叫「肥姐肥姐！想要乜乜乜」，個個都同店主打成一遍，嗰種大排檔嘅感覺真係好少見呀！一坐低仲拎咗兩碟前菜俾我哋，花生香脆，另外蠶豆魚乾比花生辣，但係又香口好多，我哋之後仲有用來點我哋嘅雞翼添！因為我同朋友想食辣但係又唔食得太辣，所以就叫咗一個水煮魚BB辣，呢一個辣度大概就係唔需要飲嘢都可以接受到，會有少少出汗嘅感覺，冬天好正！個人覺得舒服！呢一個價錢來講唔貴，魚嘅份量非常之多，亦都唔腥，我同朋友一人一半都好飽，仲可以自己加啲配菜，我自己就比較鍾意加錢加配料粉條同埋娃娃菜，因為可以吸晒水煮魚入邊麻辣嘅香味，呢一間嘅花椒同辣椒都用得比較多，所以食嘅時候千祈唔好一大啖夾埋入口啊！魚肉好滑身唔會散晒，雖然美中不足嘅係有骨，但係唔算多，加埋水煮魚香辣麻辣咁非常過癮，以前經常都會返大陸食水煮魚同酸菜魚，而家喺香港搵到一間味道唔錯嘅水煮魚真係幾開心！入邊會有少少芽菜
因為我同朋友想食辣但係又唔食得太辣，所以就叫咗一個水煮魚BB辣，呢一個辣度大概就係唔需要飲嘢都可以接受到，會有少少出汗嘅感覺，冬天好正！個人覺得舒服！呢一個價錢來講唔貴，魚嘅份量非常之多，亦都唔腥，我同朋友一人一半都好飽，仲可以自己加啲配菜，我自己就比較鍾意加錢加配料粉條同埋娃娃菜，因為可以吸晒水煮魚入邊麻辣嘅香味，呢一間嘅花椒同辣椒都用得比較多，所以食嘅時候千祈唔好一大啖夾埋入口啊！魚肉好滑身唔會散晒，雖然美中不足嘅係有骨，但係唔算多，加埋水煮魚香辣麻辣咁非常過癮，以前經常都會返大陸食水煮魚同酸菜魚，而家喺香港搵到一間味道唔錯嘅水煮魚真係幾開心！入邊會有少少芽菜、海帶等等，令到成鍋水煮魚更加有口感！我朋友仲食到水煮魚入邊嘅魚眼同埋魚嘅面珠燈，佢話滑溜溜嘅感覺好新鮮！
水煮魚
4 瀏覽
0 讚好
0 留言
另外叫咗一個土匪雞翼，味道都係麻麻辣辣，味道上面嘅芝麻同埋胡椒味非常之香，口感係香脆入邊係油分滿滿又多汁，真係好邪惡，但係我哋一人三隻都仲想再encore啊！
最後為咗平衡營養，都叫返一個菜嚟食下，呢個炒椰菜都幾令我另眼相看，因為開頭以為佢只係普通嘅炒菜，但係佢用咗少少魚湯嘅味道吊味，又有辣椒嘅香味，令到成碟炒菜爽口之餘味道都好豐富，同屋企煮嘅完全唔同！
我後尾買單大約$400到，我個人覺得非常之合理，性價比好高，唔會催單，坐得又舒服，環境又乾淨，嘢食又十分之唔錯，辣度又可以選擇，我應該下次可以再挑戰下小辣，如果唔食得辣嘅人就可能需要叫酸菜魚啦，佢都仲可以加錢揀桂花魚等等，我覺得選擇好多，有平又有貴，有好多特色小食都想食，下次經過荃灣都會再嚟啊！
張貼
