劉森記麵家 (褔榮街)

營業中

休息中

岩岩去開深水埗電腦節，行完之後諗全係附近食個lunch，我男友問我想食咩，講真呢度咁多野食都唔知點選擇，於是我當然好醒咁搵下openrice睇下有咩好介紹啦，見到附近有間麵店『劉森記』好多好評，就一於去試下啦一去到門口已經有幾個人係度等位，間鋪睇落唔算好大，好在等左幾分鐘就有位，我地2個人一共叫左一碗水餃麵，一碗冬菇雲吞麵，油菜同汽水，野食未到之前，發現到呢間鋪有一個特色，就係每張枱都有一樽樽酸羅白比人做餐前小食，唔好以為唔洗錢就唔好食，羅白有口感又夠爽，甜酸度適中，我地2個食左3碗，真大食湯底: 略為淡左D，唔係好夠味水餃: 夠料，大大隻，入面仲有乾瑤柱架!! 雲吞: 略為細粒左D，味道OK唔算有驚喜冬菇: 厚肉有口感，好入味 麵 : 夠彈口又爽，最重要係一D皂水味都冇，超好食 整體上呢間食店既食物水準唔錯，價錢又實惠，值得推介!

經家人推介, 到劉森記吃個簡單的晚餐。淨薑葱鵝腸黑百葉: 好爽口的百葉, 尤喜愛那個醬汁。蝦子鮮蝦雲吞撈麵: 吃過澳門的蝦子, 這兒給比下去, 但手打的竹升麵彈牙, 而且帶有淡淡蛋香, yummy! 雲吞用料新鮮, 細細隻, 好有咬感。水餃麵: 好味的水餃, 無肥豬肉, 蝦夠鮮味。

深水埗尋布記在搜尋布料之前, 當然要醫醫肚先, 當大家都拿不定主意之際, 就發現對面馬路的劉森記, 友人與我互打眼色, 一場來到, 沒有不吃的理由吧, 哈哈～店舖小小, 放了大約五六張檯左右, 廚房就在食客旁邊, 裡面情況清楚可見。同時, 亦見老闆(應該是吧)坐在一旁包雲吞水餃, 大大盤餡料, 手勢非常純熟, 快靚正。招牌水餃麵：水餃一碗四粒, 粒粒都好有份量, 真的可以用皮薄餡靚來形容, 水餃皮薄薄的, 單從外表便隱約可見木耳絲和蝦身呢! 一咬開, 有木耳絲、荀絲、蝦則有兩三粒, 都大隻, 好爽口, 加上豬肉和蝦籽, 好充足的餡料, 吃完一粒又一粒, GOOD! 至於主角麵, 是用竹升打出來的, 不用雞蛋改用鴨蛋, 因為筋性較高, 所以做出來的麵夠彈牙帶煙韌, 不會一咬即斷, 果真跟平常吃到的有一點差別, 喜歡這裡的做法。湯底也不錯, 味道不會死咸。份量方面, 剛好一人吃, 吃罷滿足。如果嫌吃麵太飽肚, 可要淨雲吞或淨水餃也可, 一碗六粒。通脹之下, 價錢由十五元升幅至十八元, 都幾貴的。不過這碗麵吃得出是充滿誠意的, 還有那份堅持, 是好值得欣賞和支持, 所以笑臉是一定要呢!