麻布茶房 (已結業)

甜品控又出動，今次專程嚟食呢度出名嘅沖繩燒紫薯霜淇淋！估唔到午市有咁多選擇，好耐冇食牛，一於試吓呢度嘅鐵板牛肋骨及牛舌。熱辣辣上枱喇，香噴噴嘅牛味傳入鼻中，套餐價錢唔平，但牛肉分量十足。薄切牛舌爽口彈牙，煮得剛剛熟，點一些甜甜的日式燒汁非常好食，不過邊位有啲韌，有啲咬唔開，厚薄均勻啲可能軟硬度會平均啲...牛肋骨口感也不錯，牛味保存得甚佳，雖然唔係最靚嘅牛肉，但也食得出無論係調味定烹調時間都落足心機。每個定食都陪一碗梅子飯或珍珠米飯，加$45可以轉迷你三文魚丼或魚生丼，雖然話係迷你，但份量真係唔少！返上面鋪滿魚生，大多是三文魚粒😍都有少量大皮粒和吞拿魚粒。睇真啲飯量一點也不少，我諗呢個牛肋骨同牛舌定食轉配魚生丼的話，可以兩個人share！套餐加$8就可以將甜品升級做沖繩燒紫薯冰淇淋，今次揀咗宇治金時味道，可以見到抹茶🍵醬佈滿成舊雪糕，雖然茶味唔係好出，但算係幾清新，最欣賞雪糕下面嘅紫薯用，打得好滑，而且沒有額外加糖，係健康嘅味道！可惜雪糕嘅奶味不足，溶化得好快，如果杰身啲就好了。

雪糕午餐@淘大友人住附近，話麻布茶房 lunch set 好多選擇。估唔到真係咁多嘢揀，三大個 menu 滿哂 🤣 朋友嗰個餐仲有雪糕送𠻹！朋友嘅壽喜牛肉定食，有漬物同麵豉湯，仲有個雪糕甜品～ 壽喜牛肉嘅份量好多，加咗洋蔥好香口。好難得食哂啲飯仲有咁多牛肉剩，好抵食 我想食生嘢，所以貪得意就散叫三文魚牛油果丼，試下三文魚同牛油果嘅配搭，因為啲人成日話牛油果嘅味道有少少似三文魚～ 我就覺得唔多似，不過食落都 OK，而且散叫一樣有漬物同麵豉湯。送嘅沖繩燒紫番薯霜淇淋有好多圈，好高！雪滿充滿奶香同幼滑，黑糖同黃豆粉落得啱啱好，呢度嘅甜品果然好食 我杯朱古力另外點嘅，味道好濃郁，雪糕一樣係咁好食！朋友個餐仲有餐飲㗎，真係好豐富