樂酒場 がくさかば

平時經過見到個鋪面驟眼睇落裝修幾特別，好有日本懷舊風情，上一樓嘅樓梯中仲貼滿懷舊海報好特別～上到去好似去咗日本嘅居酒屋咁到處都擺滿好多唔同嘅裝飾，有懷舊日式海報、霓虹燈箱，好有心思～地方闊落，有分二個區域，設有榻榻米座位同普通座位。鮟鱇魚肝配酸汁作為前菜，配上酸汁好開胃牡蠣之酒蒸好鮮甜又啖啖肉，湯底清酒味濃醬油牛油果伴吞拿魚刺身吞拿魚粒好鮮嫩，撈埋醬汁、牛油果同蛋黃，口感會更豐富沖繩苦瓜炒黑豚肉雖然平時麻麻哋食苦瓜，但又炒得不錯，苦瓜食落甘甜，配埋黑豚肉原來都不錯吉列千層牛肉卷個外皮炸得好鬆脆，吉列牛好入味，醬汁濃郁，撈埋嚟食就更好味關東煮拼盤好豐富～有蘿蔔、竹輪、雞肉、有好好食嘅麻薯福袋，醬汁唔會鹹，清清淡淡嘅鰹魚味好香～麝香葡萄梳打梅乾Highball兩款飲品都不錯，梳打特飲好清甜，梅酒有啲梅乾，幾特別，攪拌下先飲會更好

生牡蠣，食主菜前先食生蠔係最品嚐到蠔既鮮甜，蠔肉身肥美飽滿，整隻吸入口真係好滿足，蔥花和蘿蔔蓉有去除腥味作用，醬汁酸酸尾尾令蠔味道更提升。樂酒肴前夕，生吞拿魚碎粒配芝士，口感有d似在韓國食生八爪魚，我都鐘意食生既料理因為會比較爽口，我亦明白不是人人可接受到，醬油鵪鶉蛋經醃製過之後令蛋既表面好滑溜。雞皮餃子，外層雞皮脆口，內裏雞肉好滑有油脂香，應該用左肥瘦兩種肉混合。吉列千層牛肉卷，有一隻手掌咁闊，而且有一定厚度，口感層次豐富，外層炸得非常酥軟，牛肉軟腍易咬開，醬汁同樣係酸酸尾尾好醒胃，味道似梅子。關東煮拼盤，材料都幾豐富，目測有7款食材，而且蘿蔔既賣相都幾吸睛，食落爽口無渣，個人最深刻印象係腐皮布袋，內裏包住煙煙韌韌既日式年糕。沖繩苦瓜炒黑豚肉，豬肉滑身軟腍，苦瓜甘香，不太苦易入口。麝香葡萄梳打 / 白桃梳打，兩者果味都好濃郁，天氣咁熱，一邊嘆住食物，一邊飲返啖冰涼飲品，壓力都消除晒。