中華滙館 (已結業)

中菜一直係我至愛。星期日十一點起身要出中環 當然食個brunch 先，但今次同老媽子當然係去中餐館。朋友一直話中華匯館好高質，今日終於可以一試。果然冇失望！一坐低，已經覺得啲餐具好精緻，好靚。我地叫左個拼盤有涼伴海蔘，麻辣味同海蔘出奇地配合，十分美味！另外仲有凍鮑魚，雖然係凍，但一啲雪味都冇，仲好有鮮味添！拼盤最後一樣就係中華匯館嘅招牌菜-鹿兒島茶美豚叉燒係用左黑毛豬架！完全冇諗過叉燒可以燒得咁林，同時亦保持了肉汁，一試難忘！包類我地就叫左叉燒焗餐包，松露鮮菌冬菇包，同小籠包。叉燒餐包看似平平無奇，但熱辣辣嘅餐包，除左平十分鬆軟外，味道甜咸適中，很好食！松露包都很好食，松露味濃郁！小籠包，當然唔洗講啦 - 皮薄餡靚又多汁！炸類點心方面，就有薑葱牛肉角同香草鵝肝脆雲吞。兩樣都炸得好香口，一啲都唔油膩！最後就有牛肉蒸腸粉同沙嗲牛肉炒腸粉。兩款腸粉都很滑，後者更加係創意之作！冇諗過沙嗲牛肉可以配腸粉，原來非常惹味！叫左唔少餸 真係食到好飽！但每樣都好好味，冇失望啊！一定會再嚟！

我勁難得約到個朋友去食飯，由於耐無見，所以我哋要食好啲。我哋決定就要去呢間餐廳啦。門面和餐牌門面裝修高貴典雅，餐牌同門牌都係用咗古典味濃嘅綠色。餐具餐具富有中國色彩，碟有淺綠底襯托金色花同雀，而匙羹同微子都係金色。一套全金色，好高貴而不俗氣。裝飾及佈置左邊放咗個酒窖，我會覺得間餐廳對靚嘅紅酒質量有要求同尊重。紅酒嘅要適當嘅溫度才保護到酒嘅質素。梳化櫈就比較與眾不同，都係用咗古典嘅綠色，呢隻綠色同餐廳嘅啡色好配合。食物A.)麻辣口水雞呢個菜色相信大家都知係凍食。食落去辣味係幾辣：入到喉嚨果下 ，有一種麻嘅感覺。口水雞上面鋪咗蔥花。雞味十足並沒有辣味蓋過雞原有味道，肉質嫩滑。麻辣嘅感覺著重麻多過辣：我相信師父明白呢個道理，而想麻嘅感覺重就要靠師父落得足唔足花椒。呢個師父落足花椒，令到麻嘅感覺好足。紅酒釀雪梨紅酒釀雪梨完全係師父嘅神級傑作。張原個雪梨先去核，然後把雪梨浸入雪梨數小時：最後把雪梨切片。雪梨片聞就紅酒嘅香味。食落去仲保留到雪梨嘅爽口同雪梨本身嘅甜味。紅燒乳鴿食落去乳鴿外皮好脆，食落去乳鴿肉入口即溶好鬆化。鴿嘅溫度係好熱嘅，外層好脆口而且有乳鴿本身嘅香味。酸菜湯酸菜湯食落去夠哂足料

這夜人在中環，想找個清雅舒適的中菜館吃吃中菜、好好聊天，不期然就想起士丹頓街上的「中華𣿬館」The Chin's。夏日炎炎，大家選來了好幾道時令菇菌菜式及消暑菜式。先來前菜，我尤其喜歡「惹味雞㙡菌」($180)。表面看來就只有片片時令雞㙡菌好似很簡單般，但雞㙡菌經過鴨油汁以及花椒八角炒香，爽口惹味，味道濃香而不膩。「蔥油花蛤」($120)，蔥油香濃郁突出，但沒有完全掩蓋花蛤的鮮，做得出色。還有這客賣相美美像躲花的「紅酒雪梨」($80)。雪梨的紅色來自紅酒與紅麴，片片梨肉清甜清潤。絕對是好看又好吃的清新前菜！「蟲草花燉豬𦟌」($120)，湯頭清甜不油膩。飲完碗靚湯，真滿足呢～本來還以爲這天只有我們4位，會吃不到夏日最愛的冬瓜盅。真開心發現「中華𣿬館」有變奏版冬瓜盅 - 就是這以冬瓜帽型態上枱的「琉璃白玉」($680)，份量對我們來說容易應付得多 餡料豐富，包括鮮蝦、蟹肉、火鴨粒、雞肉、瑤柱、金華火腿等。冬瓜肉吸盡濃郁上湯及餡料精華，入口綿綿吸滿湯汁，滋味又消暑。「四川豆酥鱈魚」($320)，外層炸漿薄脆不油膩，而魚肉滑溜甜美，加上酥脆豆酥，香口美味。澱粉質方面，先有「沙嗲牛肉炒腸粉」($