永順食店 (已結業)

男友帶我食好西，位置元朗的［永順食店］，呢道最好味係沙嗲牛肉麵、炸豬扒、芝士流心蛋豬扒治...星期六中午排隊5-10分鐘就有位，都算快。沙嗲牛肉蟹王麵沙嗲醬汁又香又濃，夠惹味。牛肉份量都幾足，肉質都嫩腍。蟹王麵比公仔麵爽口彈d，幾正喎，仲掛滿沙嗲醬汁，正。炒牛肉蟹王麵炒牛肉無咁膩，牛味重d，都幾香口，咬落一樣咁腍滑，配爽彈蟹王麵，好味。芝士流心蛋豬扒治（烘底）芝士溶哂好正，但食完有d膩，不過流心煎蛋好正，蛋汁又香又滑。炸豬排香口，肉質鬆化，配烘底治，口感一流。

大隻仔今次覓食嘅店舖就係💥 永順食店 💥 通關之後，元朗永順任何時間都大排長龍，永順嘅沙嗲牛肉麵應該都係香港top10 好食之內。除咗沙嗲牛肉麵、茶走保持住水準之外，其他食物都好似有少少退步。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 沙嗲牛肉蟹王麵 $32轉蟹王麵+$2蟹王麵比較幼細，容易掛住沙嗲汁，但唔夠出前一丁彈牙。沙嗲醬已經混合湯裏面，每條蟹王麵都會沾滿住沙嗲湯。沙嗲醬香濃，花生醬味好突出，味道似印尼串燒既沙嗲醬。牛肉夠滑，唔乾唔柴，整體來講沙嗲牛肉蟹王麵幾好食。😋😋🔥 芝士流心蛋煎豬扒治烘底 $31烘底+$2流心蛋爆漿，味道不錯的，但係「豬扒」同「烘底」扣晒分。其實芝士+流心蛋配豬扒、雞扒、乜嘢都會好食，但永順既豬扒肉質太實，有少少乾柴，而且太薄，口感唔太好，但味道不差的。而三文治烘底好求其，唔夠脆，食落口感似麵包多過似多士。🥲🥲🔥 茶走 $17茶走好飲，茶味香濃，唔會苦澀，奶夠香滑但少少過甜。🔥 凍檸茶 $18味道一般，茶比例

講到沙嗲牛麵再講到元朗，必定聽過呢間！連沙嗲牛肉麵關注組都大力推薦嘅永順食店。無論平日定閒日都要大排長龍👏🏻✨沙嗲牛肉蟹王麵 ($32)上枱後就聞到好香嘅沙嗲味，醬汁同牛肉鋪滿晒成碗麵🤤 沙嗲味好濃，食到啖啖嘅花生味。而牛肉份量都唔少，每舊都嫰滑，唔會又乾又柴。蟹王麵其他地方好少見，每條麵都彈牙滑身又好掛汁，每一啖都充滿沙嗲醬味！✨芝士流心蛋豬扒治 ($28；烘底+$2)一揭開麵包皮，見到滿滿嘅芝士😆豬扒炸至金黃色，咬落外脆內軟。炸完仍然能保留肉汁，而且食落都好滑，唔會乾柴。芝士、豬扒，再加埋流心蛋，真係三重享受，充滿邪惡感！———————————————————————🌼評分：5個🌕為滿分🫧味道：🌕🌕🌕🌕🫧環境：🌕🌕🌗🫧性價：🌕🌕🌕🌗🫧回頭：🌕🌕🌕🌗⏰限時：NA

近排係咁睇到啲沙嗲牛肉麵既posts，搞到我都突然間想食。其實細個成日食，不過已經唔記得幾耐沒食過...睇posts見到好多人推介呢間，但搬左入元朗咁耐都從來沒經過，所以唔知原來假日有排隊長龍。揀左閒日同老豆去試，因為我絕對食唔到一碗😂試左沙嗲牛肉蟹王麵，沙嗲味好濃，唔係重花生味嗰種，我鍾意🥰蟹王麵比較有咬口，又掛湯，nice~~老豆試埋熱奶茶，佢話OK，茶味夠香濃。仲試埋芝士流心炸豬扒治烘底，呢嗰out of my expect，炸豬扒有薄炸粉仲加左咖喱粉，香脆多汁，成份夾埋超balance，好好味，贏左絕大部份鋪頭既豬扒治同豬扒包😋😋

話說之前去試咗沙嗲牛麵名店「煲仔榮記」嘅招牌沙嗲牛麵大為失望，價錢貴，食物質素一般，以打卡為主！ 今次就嚟到元朗，試同樣喺沙嗲牛麵界好出名嘅「永順食店」！食店裝修完全無打卡元素，只係一間好普通嘅港式茶餐廳，但勝在價錢貼地，味道好，CP值極高，絕對係一間出色嘅平民美食店！ 🧡沙嗲牛肉蟹王麵（$32）必食推介！沙嗲味超濃郁，帶有少少甜味，微微辣，令人越食越想食，完全唔會覺得膩！蟹王麵相比起普通公仔麵，口感更順滑！ 🧡炸豬扒蟹王麵（$27）豬扒炸得好出色，外皮薄而脆，內裡鮮嫩多汁，值得一試，建議散嗌！因為無沙嗲汁加持嘅蟹王麵略為失色！ 整體來講，CP值高，沙嗲牛肉蟹王麵同炸豬扒都做得好出色，鐘意食沙嗲牛肉麵嘅朋友仔可以一試！

【人氣永順沙嗲牛🍜蟹王麵】沙嗲牛肉麵大家都食過，但香港top of the list嗲牛你食過未？永順食店係「香港沙嗲牛肉麵關注組」社交平台group好有名，今次試左外賣，食物質素下面另講，依家講左樓面姐姐唔得：漏單+hea我+分湯3大問題，講出黎希望大家留意下漏單：叫完外賣，仲收埋錢，等左15分鐘，下個外賣都拎埋，都未到我hea我：我追問外賣到未，姐姐對左枱上外賣袋唔係我之後，就叫我行出d去等。我再等多陣，同另一姐姐追問，佢問我叫左咩，未check單情況下就話整緊啦。再等到下一個外賣拎走埋，都未到我，我就行入去講下個外賣都無，點解我未有，佢地先知漏左單…要追第3次先有😤💨所以比大家既advice係，當你覺得佢地漏單，唔好信整緊啦，咬實佢地唔放一定要check廚房既單！忘記分湯：我本身叫左分湯(加2蚊)，但我重新叫野食時，我忘記提左要分湯，然後中途醒起後(因為我已經比左分湯錢，所以我會要番自己既權利)，同姐姐講番，佢就話整緊啦。外賣兜出現時卻是連湯上，我要求分湯時佢竟然只係拎多個外賣兜，倒d湯出黎！？咁d沙嗲牛肉既醬無曬啦，而且就咁倒，佢倒唔清d湯，d麵吸曬d湯，麵都發曬啦，牛都無沙嗲

近排我哋又去咗元朗呢間好出名嘅茶餐廳 之前食過幾好食 唔知而家質素有冇下降呢😚 👅芝士流心蛋豬扒治 $28呢個真係超級好食‼️佢嘅豬扒炸得好鬆脆 同埋咬落幾淋唔靭 芝士份量都幾多 再配埋流心蛋 好juicy🤤好好食👅沙嗲牛肉蟹王麵 $32 （+$7煎蛋）佢嘅沙嗲牛肉湯底幾濃郁 花生味幾突出🥜食落少少辣 幾惹味 牛肉都幾嫩 蟹王麵食落只係比出前一丁淋少少 冇乜大分別 不過整體真係幾好食😋👅鮮牛油西多士 $19西多士入面夾住花生醬 煎到金黃色😛唔錯總括嚟講 呢間茶餐廳真係超級好食🥰大家嚟到元朗一定要一試😚😋 好味：9.02/10🤑 價錢：8.19/10🤗 服務：7.76/10😝 環境：7.43/10😚 衞生：7.20/10🤩 整體：8.95/10

見到好多人都係沙嗲牛肉麵關注組讚過呢間位於元朗嘅人氣小店(據聞成日要排隊🏠👭👭👭👭👭👭)，作為關注組嘅新成員，梗係要跟各位前輩去搵下食～🙉🤤《沙嗲牛肉蟹王麵🐮🐮》$31小編認為呢度嘅沙嗲牛肉麵能成為top10常客不無道理🧐，因為以呢一個價錢來講，性價比都算不錯👍🏻。同一般茶餐廳最唔同嘅地方係，沙嗲醬非常多🥰，稠度比一般沙嗲牛肉麵濃，因此可以飲到個湯底係沙嗲湯，有花生香🥜，而唔係白味精粉沖水再加一兩羹沙茶醬，牛肉亦有肉味，不至於」乸」到食緊舊發水麵包咁🍞。至於蟹王麵就冇乜特別，不過麵質麵彈牙，不錯的👍🏻《芝士流心蛋鮮牛治🧀🍳🧀》$27 +$1烘底之前聽過有啲評論話芝士唔夠熱溶，但今次就可以平反返！一上枱，啲芝士🧀、牛油🧈、同埋半熟流心蛋嘅蛋黃🍳，三種黃色🟡混合一齊爆漿，望到都已經流曬口水🤤，而且塊流心蛋煎到咁薄，都可以做到流心嘅效果，的確好考功夫🧑🏾‍🍳！另外佢啲牛肉都別具心思，小編硬係覺得啲牛肉食落去似係碳燒牛肉嘅味道，表面唔油膩而且乾身，但咬落去又夠Juice，小編非常欣賞🙈總結，小編鍾意芝士流心蛋鮮牛治多啲。人流方面，平日嘅朝早都爆滿，不過今次好彩好快有位，可惜冇試到另一鎮店之寶嘅

咁啱嗰日經過元朗就去睇下佢咩料！一食之下簡直係想仰天長嘯一分鐘！omg 點解依個世界會有咁好食既沙嗲面？依碗沙嗲牛肉蟹王麵（$31)湯底有極明顯既花生香，沙嗲味重得來唔會濃過龍，令人keep 住想一啖接一啖咁飲！講完湯就係時候講佢d麵☺️蟹王麵本身已經夠特別，唔單只可以係元朗買到，而且多年前係各大老母老豆討論區已被力捧到神枱位置，話佢仲好食過即食麵之王出前一丁。碗麵有無蟹味我唔清楚，但大廚長期煮麵既經驗絕對係令碗麵昇華十倍，碗麵既麵質軟硬度適中，掛湯得來就算影相影左一段時間都無淋，將用砂煲整既沙嗲麵完美咁比下去🤣額外俾$12加配炸豬扒有五大塊，先唔講佢肉質有幾鮮嫩同塊炸衣有幾薄，佢性價比係高到一個點！大愛！店內另一名物鮮牛油西多士（$17)就勝在上碟嗰陣夠熱辣辣，切開既多士粒沾上幾乎全融既牛油可謂另類既人間美味，香口既花生醬夾層又令我回味起啱啱碗沙嗲麵。正呀！

有追開沙牛關注組，一定認識呢間穩坐沙牛群三甲既元朗人龍港式茶記永順。開業已經35個年頭，係老牌港式茶餐廳。.假日唔夠十點去到已經見到門口人頭湧湧，不過人流動速度高好快可以入坐。典型港式茶記格區坐得好逼下，人均空間極細，快吃快閃類別。.沙嗲牛肉蟹王麵 💲31⭐️3.6/5我坐嘅位置見到廚房知道佢哋食品係即叫即煮，所以等候嘅時間都唔算短。有比較其實有少少傷害，同之前介紹過個間沙牛神店比較，呢間沙嗲汁杰身好多，沙嗲味都香但相對比較咸。牛肉係正常茶餐廳水準，冇驚喜冇失望。人哋話必試蟹王麵，味道其實同一丁差唔多但係比較淋身，我自己其實鍾意食爽身啲既麵。如果再有下一次我會叫返米粉。.炸豬扒 +💲12⭐️4/5炸豬扒反而幾有啲驚喜，皮脆內軟咬落去有肉汁唔會炸得太乾。加12蚊有大大件我覺得算係超值之作。.芝士流心蛋鮮牛治（烘底） 💲27⭐️4/5一上檯已經覺得好吸引🤩，見到啲蛋、芝士同牛肉流緊出嚟，邪惡爆錶😈。標準配置，除非唔熱其實都好難失準。但係喺傳統港式茶餐廳，係食呢啲嘢先至夠高興。.總括：星期六日茶餐廳淨係做粉麵三文治唔做飯餐一樣門庭如市，證明有一定嘅水準。可能名氣太大所以有少許落差，如果調低啲期望，

引言 ◽️原本是想光顧好好運這間譽為全港最好的沙嗲牛肉麵，只可惜五月才重開，唯有找一天，拜訪元朗國這間名店。▫️🟠沙嗲牛肉蟹王麵 (HKD $31)🟠🔹在元朗和朗屏之間的小店，位置偏僻，在朗睛邨對入的一條小街上，未到門口，即使是下午三時，都能感受到其忙碌。店員由叫，問，安排都非常快捷，店內座位擠迫，除非4人，否則”搭抬”跟上阻隔版是必須。網上說服務態度差，食物等候時間長，但當日觀察，大約10分鐘已到。沙嗲牛肉配搭很多，例如有米線，福麵，米粉，通粉等，也可以選擇轉成出前一丁，或加 $4 配蟹王麵。總結上 : 牛肉質素 : 3.5/5沙嗲汁質素 : 4/5沙嗲入味度 : 2.5/5整體度 : 3.5/5 這個沙嗲汁質素高，不算辣，但不會膩。只是可惜牛肉像分開上，完全感受不了沙嗲牛肉味道，不過只論牛，又薄又嫩，質素高，就彌補了點不足。至於鴛鴦，不過不失，只能單點沒跟餐。🔹🟢店內還有炸豬扒很有名，不妨一試。🟢

｜芝士流心蛋鮮牛治｜🧀🍳🐮🥪｜｜$26（+$1烘底）｜記得要趁熱食趁熱食趁熱食！好重要所以要講三次！！！鮮牛肉真係好好食，餣得好入味再煎到好香加埋流心蛋同芝士真係超級正！烘完底個包唔會好濕笠笠，食落勁脆又香口！如果個芝士再融多少少嘅狀態就更完美了(˶‾᷄ ⁻̫ ‾᷅˵)｜沙嗲牛肉蟹王麵｜🐮🍜｜$31｜最出名嘅沙嗲牛肉麵！！！好濃郁好香花生味，但又唔會過鹹！再加埋較幼身同滑溜溜嘅蟹王麵真係好邪惡但超級滿足～～～｜奶茶紅豆冰｜🧋｜$17｜永順奶茶好似都幾出名果然真係好好飲，奶同茶比例好對我胃口！加埋紅豆，飲落再開心(肥仔)啲個人prefer叫少甜，個茶味會再出啲同埋紅豆本身都有些少甜度～-另外呢間嘅炸豬扒同炸雞翼都好好好好食！但大家記得影相唔好影咁耐趁熱食真係好味好多好多！沙田友一星期內踩入元朗食咗兩次♪( ´▽｀)第二次去食冇點影相咁趁熱食真係好味好多～好鍾意呢間平民價得嚟又好好食！假日預多數都要排下隊等一段時間喔～