金鳳茶餐廳

營業中

休息中

今次嚟到灣仔街坊介紹嘅金鳳茶餐廳，當然必選喺沙嗲牛肉公仔麵加菠蘿油，再配上個火腿奄列就是一個午餐D約$55。牛肉果然喺新鮮牛肉，食落都比較嫩口，菠蘿油方面，包身鬆軟，夾心住整片牛油真喺超邪惡嘅配搭。作為女生，喱個牛餐喺絕對要打包走，食完個麵同奄列後已經9成飽，個菠蘿油食咗兩啖唯有打包帶走。舊式港味茶餐廳喺香港已經買少見少，搭枱加上伙記大嗌茶記暗號都喺其中一種除咗美道之餘嘅特色享受。不過街坊就話，今次未喺最新鮮嘅菠蘿油，有時遇唔遇到出爐時間就好睇運氣了。

香港島茶餐廳嚟講, 金鳳茶餐廳都算係頭三!今次係我第一次過嚟食Lunch, 仲要係特登過海嚟食!但真心覺得Tea Time 客人少啲, 食物質素會好好多!沙嗲牛肉麵表現正常, 但麵身有啲硬, 啱晒鍾意食口感嘅朋友.加左$5 要咗個鮮油 (菠蘿油), 個面麵飽實結實嘅, 好重手㗎, 食一個都已經半飽喇, 但略嫌唔夠熱.嗰奄列整得好好食, 啲蛋又滑, 火腿又入味, 相當唔錯.個餐嘅重點係凍奶茶,茶味相當夠, 口感夠滑, 不枉我刻意過海嚟食.小提示: 1. 提醒侍應個包要熱啲2. 座位比較狹窄, 2人卡位都好逼, 帶多野嘅食客會好唔方便

啲人話嚟灣仔一定要試吓金鳳就好似去旺角一定要食義順牛奶公司一樣今日就專程嚟咗試下叫咗一個午餐同一杯飲品有沙嗲牛肉麵 火腿奄列 菠蘿油 跟餐奶茶同埋單獨嗌左一杯荷蘭谷古沙嗲牛肉麵個沙嗲味好香 唔會過咸公仔麵食到最尾都唔會林晒火腿奄列就好失色煎得好乾 唯獨係火腿絲好夠 要浸湯先至食得落菠蘿油係涷嘅 唔係新鮮出爐 如果加熱先上會更加好味 奶茶好滑 你就算嗌涷奶茶佢都係冇冰 呢個幾好 最怕有陣時太多冰令到成杯野好淡 荷蘭谷古就唔甜嘅 但勝在朱古力味夠濃 整體來講都麻麻哋最後$78買單 其實唔係好抵希望食物質素可以更加改善啦

今次介紹既係一間係春園街屹立不倒既金鳳，有65年歷史。由我中學年代食到呢家，味道10幾年都冇乜點變。最出名係奶茶、雞批同菠蘿油。-🍲 特價午餐💰531️⃣ 沙嗲牛肉麵（👅: 7.5/10）沙嗲牛肉同一般食到既唔同，味道偏甜，醬顏色偏深，味道偏重偏鹹，加落無味既麵就岩岩好，如果百花生會更好。麵同平時大家食開嘅大江麵唔同，佢係用頂好伊麵，識落就係伊面嘅質感。-2️⃣ 火腿奄列（👅: 7.5/10）雞蛋唔算滑，不過蛋香味重。火腿分量多，切成大量火腿絲。煎得唔錯不過偏油膩。-3️⃣️⃣ 菠蘿油（👅: 7.5/10）菠蘿包個包身比較札實，唔係蓬鬆個種，較乾身，中間都係實而唔係空心，呢個好睇個人口味，有啲人鍾意實有啲鍾意鬆。菠蘿包頂層皮脆，甜度適中。牛油夠凍，會係雪櫃羅出黎擺入包。不過要撞正岩岩出爐先食到冰火既對比口感，如果唔係牛油未必會瞬間融化。-4️⃣ 熱奶茶（👅: 9.5/10）通常奶茶我都會叫熱奶茶，因為覺得茶味會比較出。不過金鳳嘅凍奶茶都係好出名，而且出名係唔用冰，所以唔會有奶水分離而個情況。奶茶係用金玫瑰紅茶加lipton錫蘭紅茶，而淡奶係用荷蘭黑白奶。奶茶非常之滑，色澤均勻，茶味足夠而且奶都夠唔會澀，奶

金鳯茶餐廳 Kam Fung Restaurant📍灣仔 Wan Chai.⭐️ 金鳯茶餐廳最岀名係佢哋新鮮岀爐嘅菠蘿油、蛋撻、雞批、凍奶茶❤️⭐️ 佢哋嘅菠蘿油皮酥內軟 牛油融化咗之後更加滋味 菠蘿包金黃色酥皮夠厚又脆 最值得讚嘅係麵包唔似岀面嘅連鎖麵包店賣空心麵包 所以絕對係真材實料👍🏻⭐️ 金鳯嘅香滑奶茶係有自己獨特嘅味道 用上玫瑰牌+立頓兩個品牌嘅紅茶葉沖成 奶茶入口順滑😋.⭐️ 豐富早餐B $40🍜 沙嗲鮮牛肉公仔麵🍳 奉送煎蛋一隻 🍞 菠蘿包 (加鮮油加$3)

今天同同事去咗呢間冰室食午飯，本身佢地就話呢到係專係食常餐，好啦諗都唔諗就叫咗常餐。常餐50蚊，有一份火腿奄列，一個餐包，我就揀咗菠蘿包，加牛油要另外加錢，仲有一碗沙嗲牛肉麵，同一杯餐飲。火腿奄列，識我都知我係火腿奄列死忠。味道一流，唔洗講。但係菠蘿油就令我有少少失望。首先佢上枱時已經凍，你知，菠蘿油塊牛油係用菠蘿包既熱力整溶，等牛油香入哂個包到。但佢個包就凍既，唔洗講，到食完果下啲牛油都未溶。沙嗲牛麵就幾正幾惹味。餐飲我叫咗熱奶茶。冰室一係飲奶茶一係試佢杯凍檸茶。最後埋單50蚊，食飽飽繼續努力工作食下一餐！

車婆婆同車公公呢個星期天要去飲，所以造就咗呢個拍拖日，當天瞓到夠皮便出灣仔嘆個下午茶做早餐之後便去找鴨王。聽聞金鳳的奶茶好有質素，尤其係無冰的凍奶茶更正，可惜吃罷才知道呢嘻嘻！營養快餐{沙嗲牛肉麵餐}$37，那沙嗲汁香到不行，我起勢咁偷車爸爸的麵吃，麵質亦淥得剛好唔會淋pat pat，充滿童年的味道。很久沒吃火腿意粉就要份{火腿意粉餐}$37，火腿份量慷慨，可惜意粉偏淋，湯亦沒沙嗲牛咁惹味，但清清哋也不錯！跟餐有牛油餐包，另可加$3轉菠蘿油，一於邪惡一番啦~菠蘿包質地鬆軟，面層菠蘿皮酥脆香甜不易散，夾上香而不羶的軟滑牛油，人間極品啊！比起金華的出品更討我歡心呢。凍檸茶+$2都清香好喝，整體表現上佳，吃罷時才見到新鮮出爐的菠蘿包和蛋撻勁想吃囉，即時約定車爸爸下次再來*^O^*

為了杯奶茶，平時見到人龍一定走的我，今天lunch決定來排長龍。1點正，門前已有十多人等候。但這𥚃夠快靚正，不消10分鐘就有位。小妹坐在餐廳一角，飽覽中午繁忙的情況。食客很體貼，食飽都很快讓出位置。小妹也抓緊時間，一坐低就落單。😁小妹點了午餐 ($41)：沙嗲牛麵＋餐包 (可選菠蘿包)＋蛋 (炒蛋 / 奄列)。菠蘿包非常重手、厚實，比現時連鎖麵包店的真材實料得多。但菠蘿要面有點薄和不夠脆，有點失色。奄列很大份，佔了隻碟一半，內𥚃火腿亦很足料。但火候過猛，有點老。這𥚃的沙嗲牛麵標榜鮮牛肉，咬落有質感；沙嗲香濃又入味。比平時茶記那些「NA」到軟腍腍又没味的牛肉好吃百倍。麵亦很有質素，軟硬適中又帶點彈牙，絕不欺場。來金鳳當然要飲這𥚃的馳名奶茶。茶香奶滑，茶味與奶味平衡得宜。雖然凍飲要加$2，但絕對值得。這𥚃的是凍奶茶無冰的，不會因為溶冰而變淡。吃飯途中，不停有蛋撻、雞批等新鮮出爐。蛋撻脹卜卜，本想買個做甜品。但吃完個餐，肚子撐得連一啖水都喝不下😂 惟有留番下次啦~

放工去書展，要係灣仔食個快飯，第一時間諗到金鳳。去到坐低即叫個例牌午餐（去到下午７點）：沙嗲牛麵，波蘿包仲有凍奶茶。凍奶茶唔多講，去得既都知佢出名係邊。沙嗲牛麵係高通漲既環境下，牛肉係少左，但整體都仲夠填肚。我反而最鍾意食呢度既菠蘿包，外表細細個，一拎上手先知堅料，唔小心隨時重到跌左，酥皮又夠脆。友人食唔落，拿拿聲叫伙計俾個膠袋來打包。袋住係身去會展逼餐勁既，番到屋企拎出來都冇變形，第二日叮番熱依然咁正。埋單27蚊連凍飲，食到飽先有力去書展同人逼，實在係快飯之選。