霸嗎拉麵 (已結業)

每次係尖沙咀食霸嗎拉麵都要排長龍等位入座, 宜家係寶林都開左分店, 人流雖然未有尖沙咀店咁旺, 但假日lunch-hour都要拎籌等位。呢間霸嗎拉麵分店面積不大, 內裡裝修跟其他分店一樣, 富有日本拉麵店風格。自行click想吃的落單, 可自選拉麵既軟硬度, 同埋走額外配料, 盡量滿足每位食客既口味。order左一支【靜崗蜜瓜梳打】HK$28其他地方較少機會可買到, 有汽的蜜瓜梳打, 蜜瓜味很突出, 每次幫襯我定必order!【沙拉唐揚炸雞】HK$38無骨炸雞, 炸後表面不油膩, 香脆, 雞肉keep到juicy肉汁, 肉質略為嫩滑, 炸物配上沙律醬, perfect!【灸燒豚肉味玉拉麵】HK$88今次order了少油, 的確送上檯時, 湯底沒有明顯過多既油層,  湯底反而不會過份濃郁, 唔會邊食邊狂飲水果種, 稍嫌湯底溫度不算太熱。拉麵呈幼身, 帶點點彈牙。 另外有幾片索左湯底還帶些少爽既筍片, 當然不少得厚切灸燒豚肉!豚肉表面輕輕燒過, 無損豚肉既本身肉汁, 豚肉有1/4都是肥油層, 入口林而帶豬油香~ 而最令我欣賞反而係隻流心蛋, 質感滑而林身, 咬開後,  蛋黃慢慢湧出, 充滿

一直想試這家在香港九龍新界都有分店的霸嗎拉麵，但礙於每次都大排長龍而未有機會，今天發現新都城分店無須排隊，終於可以得償所願。拉麵主打豚骨湯底，亦可選辛辣湯底，還有期間限定的檸檬豚骨湯底，另外小食有餃子及炸雞選擇。檸檬豚肉拉麵夏日期間限定的檸檬豚肉拉麵，是經典的豚骨湯底，有濃郁的豚骨香氣，一呷香濃順喉，但卻濃而不膩，輕輕擠壓檸檬，湯底馬上變得輕怡，檸檬酸爽清新的味道為豚骨湯底帶來新的滋味。炙燒豚肉必須有肥有瘦，同時比例適中，入口甘腴味美，更帶有淡淡焦香。辛辣炙燒豚肉味玉拉麵同樣是以豚骨湯底作為底蘊，不同的是辛口香辣的風味，刺激著舌頭但不過火，仍可品嚐到醇厚香濃的豚骨湯底。拉麵口感筋道醇厚，頗有嚼勁，半熟味玉生熟程度拿捏恰到好處，蛋黃部分相當濃郁。沙拉唐揚炸雞雞塊外層炸漿不厚，卻意外地香脆，雞肉鮮嫩多汁，特別是用上味道清新輕怡的沙律醬，比其他地方只用bb牌沙律醬更有誠意。

難得爸爸回鄉探親，可以與媽媽二人撐枱腳，我們選擇了廣島連鎖拉麵店-霸嗎拉麵。環境：日式傳統拉麵店裝潢，一邊是開放式廚房連吧枱，令一邊廂是梳化座椅區。店舖的人氣拉麵佈滿在牆上。服務：（半自助式）客人先利用點餐紙選擇食物及對拉麵的喜好/要求，再交由服務生落單。 桌面上提供各式調味料和清水，客人可以自行添加。食物：炙燒豚肉拉麵（拉麵口感：軟麵、少油）豬骨湯底，味道濃郁，炙燒豚肉又大又厚，媽媽吃得津津有味。雞叉燒雞白湯拉麵（拉麵口感：適中、少油）雞肉非常厚身、柔軟嫩滑、沒有多餘脂肪，略嫌湯底比較油膩。沙唐揚炸雞新鮮熱騰騰的炸雞，鬆軟多汁。

去將軍澳中心行過幾次， 經過呢間拉麵店都係好多人等位嘅， 但今次見條龍難得唔算太多人， 就決定今晚食拉麵坐位都算多所以唔使等太耐就有位啦， 見餐牌主打有2款~日式叉燒同雞叉燒， 我比較鐘意濃味所以揀咗濃湯豬骨豚肉玉子拉麵， 老公就要醬燜雞叉燒味玉拉麵。 濃湯豬骨豚肉玉子拉麵， 湯底真係好濃， 豚肉肥而不膩， 原來係用低溫慢煮超過10小時， 唔怪得咁大件咁厚都可以咁腍啦相反醬燜雞叉燒味玉拉麵就比較清，雞叉燒又腍， 真係2個唔同嘅口感。 而且麵嘅質感都有得揀另外仲食咗佢地嘅招牌羽根燒餃子(5隻) , 餡料豐富而且多汁, 外脆. 沙拉唐揚炸雞 (5件) , 炸得啱啱好， 已經好飽啦， 睇嚟我地都算係食肉獸， 點解我地會叫咁多肉食㗎， 無法啦， 可能太肚餓喇因為本身唔食辣, 所以無緣食佢地嘅最強惹味香辣拉麵, 如果食得辣嘅不仿一試. 

今天去新都城二期睇主題展，睇完又到食飯時間， 居然比我見到最近人氣超高，排隊排到傻的<霸嗎拉麵>在這裏開分店由於時間尚早而且我只是一人，所以好快就可以安排入座店內位置不多，但有一個小小的開放式廚房，可以看著師傅煮拉麵睇完Menu介紹之後就可以係點心紙上選上心目中的食物，填好交給店員後就可以等吃而且還有英文點心紙，外籍朋友也不怕喔先送來靜岡蜜瓜梳打，與其說是梳打反而我覺得是蜜瓜味的碳酸氣水會比較貼切，清甜的蜜瓜味有著豐富的氣泡，喝得很過癮喔接着再等了一會兒，主角灸燒豚肉味玉拉麵就登場了第一件事當然要先喝一口湯啦！淡啡色的濃湯表面有着一層薄薄的油脂，但喝下居然一點都不覺得油膩。湯底非常濃郁豐厚，豬骨味很濃，有着滿滿的骨膠原的感覺而另一重要主角，味玉即係糖心蛋亦非同小可，流心的程度達到嚴重級別而灸燒叉燒應該是選用了腩肉，不是乾乾硬硬硬的那種叉燒，經過灸燒的叉燒表面有一點香脆，但肉質非常軟滑，肉味很濃，令我忍不住連那層薄薄的脂肪層也一拼吃掉當然麵質亦很重要，我點選了適中的軟硬度。所以吃起來是比較有口感的，比較爽口彈牙有質感。而且每口麵都可以緊緊的掛住濃湯，吃起來令人很滿足呢另外