鮨玥 (已結業)

同朋友踩完單車就諗住食返餐好既，見呢間有河豚可以食就試下呢間啦，順便試下河豚係咩味。間鋪頭唔算大，最好就提早訂位。而河豚刺身則要提早預訂。而入到去當然是立刻叫了壽司同刺身啦，我叫左油甘魚，三文魚，鮪魚，海膽，劍魚腩，帶子等等。而最印象深刻的便是海膽和帶子壽司(其他都好好食喔)。今次食的海膽唔單止充滿海膽味，而且唔臭，呢句望落好似係廢話但要係香港食到呢種質素既海膽唔係每間鋪頭都有。而帶子壽司根本冇得輸，鮮味十足，必食首選。最後當然要講下河豚刺身啦，d刺身鋪滿成隻碟，餐廳仲提供左個醬汁比呢碟刺身。但好老實地說我真的不太懂欣賞河豚刺身，味道是特別是好味的但我應該唔會再點這個刺身，對我黎講未至於去到必點既地步。而根據飲食男女所講餐廳的河豚刺身是在日本處理好才送到香港，所以應該無需過份擔心中毒問題。但今餐唯一美中不足之處便是河豚白子沒有貨，原本打算也試試河豚白子，看來要等下次了。

一直都有好多朋友同小妹推介呢間係西灣河既日本料理餐廳點解呢？因為佢地成日都有好多期間限定仲有出面少見既雞泡魚刺身，姐係河豚呀！同埋雞肉刺身沙律驚喜呢？小妹都未係日本試過呀！！太開心佢地竟然由日本帶左呢啲餐品返黎呀小店雖然係西灣河，但佢既周圍環境都十分正，我建議各位男仔可以帶女朋友黎吹下海風食下好西！係好正既期間限定，上月返工爆數呀！！特登帶家姐黎食期間限定架白子食得多，河豚白子食過未？聽講對男女都補，女士有美顏效果架！佢係雞泡魚精巢一黎到就叫左兩杯Suntory生啤啦爽呀率先到枱既係雞肉刺身沙律🥗其實本來小妹係有啲怕雞肉刺身會腥，但呢個沙律配上左柚子醬油，一啲都唔腥加上佢本身帶有煙燻味好貼心而且肉質好滑係十分讚既菜！而且佢仲要唔貴呀咁特別又好味，都係$98份如果唔係飽飽真係想叫多份之後仲叫左北海道海膽壽司🍣小妹平日都好中意食海膽！但出面啲海膽有時好伏，叫到上枱會帶瘀黑啞身，又有怪味但呢件壽司真係好正呀佢完全冇話啞身，仲十分有色澤係好吸引既橙色食落口真係甜到漏呀再黎！期間限定既松島蠔呀除左中意食海膽，生蠔就係我另一喜好$88/2既極上松島蠔，睇到既時候已經十分驚喜因為佢脹卜卜勁飽滿，而且

其實第一次去西灣河，但妹妹話帶我去食好野😸係地鐵站一出大約行10分鐘左右就到。一坐底好口渴，第一時間叫返杯啤酒解解渴先😬貫徹日式，係sunstory 呀!（酒怪😁）呢個係special 餐牌，我地都試左2款。松島蠔淨係睇賣相都醒神，脹卜卜又有光澤，食落外爽內creamy,鮮甜🤤*河豚白子*唔係度度都有，一般都係鱈魚白子。第一次試白子既我覺得有d似大閘蟹公既白膏，跟埋佢個汁一齊食幾配合同提味。其實呢個*雞泡魚刺身*都唔係餐單裡面，因店家唔係定期供應，今日試到真好🤗雞泡魚肉比想像中易咬，而且清甜，魚既甜味係慢慢滲出咁。（因之前聽過人講話雞泡魚刺身好似食橡膠咁同無味🙊）*煙爣雞肉刺身沙律*見係推介即管試一試👀咸咸香香，肉質都滑，有少少似煙三文魚。咁多特別野下，燒牛舌就比較普通了。*燒白鱔*大大件，肥美的，加點鹽更香口。*北海道海膽壽司*大愛呢個🥰🥰🥰海膽肉實淨而且勁甜，完全唔腥👍🏻👍🏻*中拖羅丼*魚腩油香，大大塊，中間既吞拿魚蓉都好正，送飯一流🤘🏻伴菜都爽甜既～