金碧酒樓

營業中

休息中

一路都想食次金碧晚市同蛇宴, 湊巧朋友就係金碧包咗一圍蛇宴, 當晚全個酒樓12圍都係食蛇, 相當有氣氛油雞 - 唔知係咪燒味部早收工, 第一樣上枱竟然係油雞, 豉油偏甜不過我OK白灼蝦 - 新鮮中蝦, 非常標準七彩炒蛇絲 - 配料包括西芹、紅蘿蔔、韮黃、燈籠椒、洋蔥、陳皮、冬菇, 上枱滿滿一碟, 蛇絲唔會因為配料多而偷工減料炸蛇丸 - 蛇肉伴入大量蝦膠, 顯得蛇肉味薄弱, 感覺似炸蝦丸多D, 不過勝在夠爽彃蛇羹 - 每人可以食到兩大碗, 食完即刻暖笠笠古法荷葉蒸水魚 - 加荷葉去泥味幾好, 水魚肉口感似田雞肉, 第一次食但感覺幾特別會再食豉汁蒸盤龍鱔 - 白鱔夠肥, 調味剛好, 懷舊菜係果然係舊式酒家做得最好枝竹羊腩煲 - 羊腩煲內配料只得枝竹同薑, 配菜反而有驚喜, 除咗唐生菜仲有大葉茼蒿生炒臘味糯米飯 - 臘味砌到非常細粒, 味道接近普通糯米飯, 欠缺臘味味大會有三蛇膽酒可以畀在座人士任斟, 小編試過就好了, 另外酒友們帶上好多靚酒, 精彩嘅懷舊蛇宴

自從屋村商場一律被私有化之後，昔日果D標榜「人情味」的街坊小店幾乎全部都被大集團連鎖式食肆取代。位於彩虹村既「金碧酒樓」可以話係香港碩果僅存的屋村式酒樓 – 泛光既燈泡、六七十年代常見的磁磚、以至時至今日居然重有人用既「手寫單」貼晒喺門口既收銀機上面等等，一切就好似時光倒流四十年咁！酒樓地方唔大，裏面放左大約十張坐得落十幾人既大圓檯。由於地方淺窄，有心黎既朋友記住一早訂位呀，否則唔駛致意可以walk-in呀！另外，如想食D特別野一早要喺book枱時講明，重要早幾日過黎俾deposit或者去銀行入數，真係夠晒有性格！脆皮燒肉︰雖然肉質都算爽口，但可能因為已經係晚市，（應該係）一早整定既燒肉放左大半日之後個皮無想像中咁鬆脆可口，如果一心想試燒味既朋友最好喺午市主打燒味飯既時候再黎過！油雞︰呢度既一隻雞真係有一隻雞咁大，絕對唔會好似坊間既食肆咁「消失」左其中一兩舊欺騙觀眾，份量方面絕對童叟無欺。只可惜既係味道只係一般，只可以叫做不過不失，都係果句，想試燒味最好晏晝既時候黎！杏汁豬肺湯︰絕對係必叫之選。呢煲湯火喉十足唔在講，材料方面更加係足到加零一，濃濃既杏仁味完完全全滲晒入豬肺裏面，我地一行

依一餐係女友大人既媽媽生日飯局, 經過對上一次冇訂位同埋冇訂餸下幫襯佢地, 今次老早就訂左檯同埋預定左餸, 大家有口福了!  食完真係飽到飛起 . . 唔多講, 大家睇相 ! 

與女友一家一行五人去金碧嘗試下懷舊酒家風味因為冇訂餸，所以可以點到既菜其實唔多， 錦滷雲吞係好彩叫到，我地叫左就剛好賣哂！冇燒肉，姐姐推介油雞，佢話好正，本黎冇期待，叫半隻一試，有驚喜，正喎！其他既餸如小炒王，中式牛柳，咕嚕雞球同麵醬油麥菜都唔錯！侍應服務比傳聞中好得多，起碼食到一拎左個訂菜餐單同送上卡片一張，叫我地下次去一定訂餸(feel到係善意既)，真係好多野都想食！下次一定要試下慶幸冇領匯既管理，唔係既話一定好快冇左！但如果彩虹邨重建的話，就唔知再有冇機會食到依份味道。溫馨提示:間舖個冷氣係堅凍，記得拎外套！