一生懸麵

營業中

休息中

過左午飯時間都要排隊，排左30分鐘左右，排嘅時候已經可以落定單，感覺上唔算排左好耐~ 唔試雪糕拉麵，試返啲正路野😆海老拉麵 $85 滿滿的櫻花蝦，非常吸引🤤🦐 麵質揀咗標準，加左叉燒同半熟蛋。本身唔加都有叉燒同半邊蛋，如果加左蛋會有多兩邊，2人share啱啱好有一隻蛋😆 叉燒都係本身有，大概3塊左右~ 食肉獸再加叉燒就會變成圖中樣子🤡湯底紅紅的，令人食指大動🤡 雖然濃郁但飲落唔鹹，滲透蝦香味，同軟硬適中嘅麵條好夾。因為加左麵底，店員喺我地食到差唔多嘅時候先上，以免麵條浸喺湯入面太耐，好細心🥰唔想食太濃味嘅可以試下魚介豚骨湯， 魚介豚骨沾麵 $79 用嘅係極粗麵，可選熱麵或冷麵，今次就揀左熱麵。麵條見到粒粒小麥，口感煙韌彈牙，嚼勁十足，將麵條放入熱湯，湯頭香濃豐腴，超掛湯😻 湯裏面仲有豚角，煮得較軟腍。叉燒用左腩肉部位，切成長條型，有別食開嘅圓型，加上微微炙燒過迫左啲油脂香出黎，又唔覺得膩。如果飽得滯仲可以最後加幾滴青檸汁落沾麵湯，再多一層 umami 😋叫左一份小食唐揚炸雞 $32 炸得好脆口，咬開仲熱到冒煙，正 💯

四日復活節長期🐣 睇天氣預報應該係今日最好天☀️把握機會出去同陽光玩遊戲, 玩左成日但又無晚市堂食, 最岩係返到屋企即刻有得食既外賣🥡 一生懸麵黎緊跨區團購仲有17/4去南區同18/4去紅土黃 復活節假唔想煮都有著落! （完全自費非廣告）其實之前已經好想試一生懸麵, 但試過去到旺角店見到長龍放棄左 好彩佢拉麵同沾麵都係分湯裝, 店家仲要好貼心提醒要點加熱, 沾麵浸落熱湯度即刻好有日本feel🇯🇵 三款湯都好正, 特別係海老沾麵仲另上一大杯櫻花蝦, 鮮味十足🦐蕎麥做既麵條零舍彈牙, 粗扁身掛湯力高🍜 叉燒半肥瘦, 鬆化即溶🐷 沾麵呢個價錢包哂兩大塊叉燒、溏心蛋同埋好多筍乾, 唔加額外配料都好豐富, 真係幾抵食而我實在低估左碗麵既份量, 其實淨食碗麵都夠飽, 不過加小食又好似開心d 炸雞入面肉嫩多汁🐥 餃子皮薄多餡🥟 非常滿足既一餐-特濃豚骨沾麵🐷($86)魚介豚骨沾麵🐟($86)海老沾麵🦐($92)唐揚炸雞🐥($36)煎餃子🥟($31)-一生懸麵旺角通菜街73號地下1200-2200荃灣千色匯1期3樓3012號舖1130-2200牛頭角得寶商場地下121號舖1200-2200

六月第三個星期六下午，旺角。理髮後到旺角買點東西，中午還沒吃就出門了，肚子實在太餓，想起在附近有家蠻有名氣的拉麵店，就去碰碰運氣。黑底白字的招牌，一生懸麵從日文一生懸命演變而來，的意思是一生只專注做一件事，貫徹日本人堅毅用心的精神。店面小小的，木製桌椅，開放式廚房貼上幾幅浮世繪風格圖畫，頭上懸掛日式燈籠，沒有過多裝潢，簡單的和風。特濃豚骨沾麵，雖然對沾麵無感，看到好像是主打就點來試試。兩塊厚切叉燒大致軟嫩，經火灸後焦油脂香味更突出，豚骨湯味道濃滑帶豚脂香，裡面還有豚肉粒，拉麵選了中等硬度和冷吃，口感實在，有咬口帶點麥香，沾湯程度普通。由於吃沾麵湯很快冷卻，吃到中段索性把它們全倒進湯裡。雞軟骨棒，燒成金黃色的爽脆雞軟骨和保留肉汁的雞肉，配合灑在表面的蔥花跟醬汁，一咬下去，瞬間有點爆汁的感覺，這雞軟骨是出乎意料的驚喜。整體不過不失，可能我真的不太懂欣賞沾麵，始終麵的掛湯程度跟湯的熱度非常重要，下次有機會再試一下他們的拉麵。

好簡單嘅一間日式拉麵店(當然佢嘅主打係食沾麵), 環境及裝修都好普通, 位處於旺角最繁忙嘅女人街內, 原本一心諗住嚟試一試, 卻意外帶來四個字: 身心滿足。原因(1)係呢度嘅座位空間, 間格恰到好處, 令人覺得坐得好舒適。唔會有太多多餘嘅裝飾 (我哋叫做"花臣"嘅嘢), 令我覺得好似去到日本一啲舊式嘅小店, 簡約直接, 實而不華。(2) 店內嘅服務員及廚房嘅師傅, 睇落都係一班後生仔, 帶著好難得嘅「誠懇態度」招呼我哋, 服務貼心。(3) 我哋有帶住幼童, 服務員好自覺地為我哋 安排"碗仔", 而隻碗仔係用滾水淥過, 係暖嘅。 呢份溫暖, 暖入心。由於我好「大鄉里」, 喺點餐之前, 向店員請教, 餐牌上每一項細節及內容、應該點樣選擇、等等。然後我哋點選咗以下食物:<白湯豚骨拉麵> 湯味濃郁,唔算太鹹, 但比較傑身。幼身麵, 爽, 浸咗喺湯一段時間都唔會 淋得太快, 亦唔會黐埋一舊舊。肉係肥嘅腩肉(唔係日式叉燒), 感覺好似肥膩, 但食落又ok喎, 都食得曬, 又唔會太膩濟。配菜有半隻 糖心鹵水蛋、雲耳絲、筍乾, 全部都好味。<特濃豚骨沾麵> 依一份係我本