Tea Lab (已結業)

😁 小編依日約咗朋友嚟個「久違了的掃街之旅」，喺旺角搵到一間唔錯嘅茶飲店！🍹 法國日落 (L) 😋😋😋😋😋依杯超靚又有漸變橙紅色嘅飲品，有檸檬🍋、香橙🍊同士多啤梨🍓分層嘅味道，入口帶酸、清爽、醒胃，唔會死甜！😚 飲之前，店員仲會提示上下搖勻！🧋盆栽奶茶 (M) 😋😋😋😋奶蓋面頭灑上一層朱古力餅乾碎🍫，營造盤裁🪴嘅效果。奶蓋帶有鹹味、口感柔軟、又有厚度。茶底飲到有茶嘅甘香味道，整體好夾！下午茶 💵 約港幣$30/人🎉 其他招牌推介 🎉【梳打水系列】爆檸綠茶梳打【沙冰系列】薄荷朱古力沙冰【鮮奶系列】黑糖珍珠烏龍鮮奶💁🏻‍♀️ 掃街必備一杯茶飲喺手！依間嘅飲品影相打卡靚之餘，水準都唔錯！下次大家去開旺角掃街，記得去試下啦！😎🙆🏻‍♀️ 最後，喜歡嘅話，歡迎follow @foodirectory.hk ！

喺旺角街頭行到好熱🥵 真係想飲番杯冰涼嘅凍飲🥤 今日就嚟試吓呢間tea lab🧪 飲品店嘅位置位於AEON對面 行完街過嚟飲就啱哂法國日落嗌呢杯嘢飲完全係因為佢隔離個sample好靚🥰 而家雖然0+3 但係始終都未放寬到自由去旅行🧳 飲呢杯嘢飲就當自己去咗轉巴黎㗎喇✈️ 飲品嘅顏色好有層次 主要有三種味組成 檸檬🍋 香橙🍊 草莓🍓 店員有細心咁指示我哋影完相就可以撈勻成杯嘢飲㗎喇 呢杯就冇得揀甜度 但係完全唔會好甜 主要係有水果嘅酸味為主 好fresh好舒服😌芝芝莓莓芝士奶蓋真係我嘅最愛😍 完全無法抵擋芝士奶蓋嘅魔力🧀 底下嘅飲品可以揀綠茶沙冰或者係奶昔 我就揀咗奶昔啦 士多啤梨奶昔相對法國日落會甜少少🤏 但係我就覺得更加啱我嘅口味啦 配埋個奶蓋每一啖都係幸福嘅滋味😋係我哋等緊飲品嘅期間突然有超級多人嚟呢間買嘢飲呀🫢 原來係咁出名嘅 下次再嚟試吓佢新出嘅梳打系列先😛

係新開嘅茶飲實驗室！試業期間，買任何飲品都有9折優惠，幾抵飲；同埋店員好靚仔（重點），建議幫襯。𖦹 法國日落 $33 係tea lab嘅第一杯signature drink! 雖然未曾有緣目睹法國嘅日落，但呢杯漸變色嘅飲品的確如日落般吸引，賞心悅目。由士多啤梨、檸檬、橙汁調配而成，酸酸甜甜，非常清新，啜到底仲食到果肉呢。打完卡記住搖勻先好飲呀。𖦹 黑糖珍珠烏龍鮮奶 $33 黑糖同鮮奶平衡得宜，珍珠彈牙，帶淡淡烏龍茶香。

最近同朋友係油麻地見到有間新既飲品舖《Tea Lab》，作為Foodie既我地當然要去試試新野🤣◦ 🇫🇷 法國日落作為舖頭既Signature飲品，店員極力推薦試試呢杯飲品🍹叫完之後同店主傾傾計，原來店主自細係法國長大，個邊真係有一款飲品叫”法國日落”，主要成分係西柚汁，店主番黎香港之後就將呢款飲品改良味由檸檬汁、橙色加士多啤梨醬製作而成，做成漸變色既效果，希望係香港都感受到法國嘅日落🌄聽完佢既背後故事已經充滿期待👀 ，好想試下！一拎到手果然好驚喜，有最底既紅色既士多啤梨醬、橙色既橙汁到最頂既淡黃色檸檬汁，真係好有日落既感覺，超適合打卡📸飲落涼浸浸同埋有水果既酸酸甜甜既味道，而且啖啖士多啤梨果肉，口感豐富🤣鍾意水果味飲品既朋友可以試試😝◦ 🧋黑糖珍珠白奶茶(半糖)呢款係舖頭既新品😙一開始都唔明咩係白奶茶，問問店主先知道原來台灣係叫白奶茶，香港通常係叫奶綠，同樣都係用左綠茶😯見到佢地係用鮮奶黎沖綠茶，飲落就冇平時外面個種奶精咁重口味，茶底都唔錯🤣聽講過多排就會換Signature Drink，有興趣既朋友記得把握時間去試試啦！新開張期間任何飲品都仲有9折架😆

家樂坊對面不嬲都好多小食同茶飲店啱晒掃街😼今日同朋友係旺角行街口渴想買嘢飲，見到呢間試業期間全部都有8折優惠😱‼️抱住平平地嘅心態就同朋友一人一杯試吓😛法國日落 ($30) 係呢到嘅signature drink，店員話因為呢杯嘢飲要做一個漸層嘅效果所以冰度同甜度都係固定嘅，一拎到上手就見到個日落嘅漸層🌄飲落去有啲似lemonade，但平時啲lemonade 有時會酸到好難飲😵‍💫呢杯最底加咗啲士多啤梨，所以飲落去酸酸甜甜幾開胃，同埋都容易入口👍🏻而且啖啖果肉，係幾有特色得嚟又幾好飲😋另一杯就嗌咗芝芝莓莓 ($30) 🧀大家都知我鍾意飲奶蓋呢杯真心幾香而且奶蓋份量都幾多☺️底下飲落去似士多啤梨味奶昔，奶味會比較重，微糖都啱會太甜，飲落去都有啲士多啤梨籽食到🍓個人都幾鍾意飲😝總括嚟講呢到嘅台式飲品幾有心思，趁而家試業期間優惠一試無妨🤪