茶餐廳2.0 (已結業)

好耐沒有同呀媽兩個人一齊出去餐廳食飯，於是幾天前就去左呀媽鍾意的茶餐廳2.0到食晚餐~呢間茶餐廳2.0同其他茶餐廳好唔同，佢唔只提供一般茶餐廳快餐同中式小菜，佢的菜單上仲會有西式意粉、焗飯、扒餐、法式焗田螺，甚至甜品，售賣的款式真係包羅萬有，包一定有樣野啱你食當然餐廳裝橫相當唔錯，十分乾淨~   <是日餐湯 (周打濃湯) 跟餐 +$10>呢個周打濃湯同平時一般茶餐廳提供的忌廉白湯唔同，有陣陣的魚味，味道較濃郁同有口感!<法式焗田螺 跟餐 +$25>我第一次係茶餐廳見到有法式焗田螺賣，仲要只係跟餐加$25，咁緊係即刻加黎試試啦!  田螺都幾鮮甜同彈牙，加埋薯蓉作為伴碟，口感抑或味道都真係唔錯!  重點只係加$25，真係好抵食! <龍蝦汁海鮮天使麵 $88>之後係今餐的第一道主菜「龍蝦汁海鮮天使麵」～望落去份量好似唔多咁，但其實用料十足，食完相當飽同滿足 !  個汁係濃濃的龍蝦汁，而海鮮則有蝦,，青口，蟹肉棒等，加埋天使麵真係無得輸~ 成道菜一點都唔膩，味道很不錯，媽媽都大讚，話之後要再黎食～ <香草燴羊膝配白飯 $168>羊

星期六同呀媽去咗黃大仙行街，行下行下去咗現崇山嗰邊，地面嗰層有幾間食肆有露天位，呢個季節坐出面都幾舒服唔會熱，如果早啲應該會見到獅子山添，但我嚟到已經夠鐘食晚餐🌘。餐廳內外都有唔少位，6點半到開始好爆場，食物中式小菜同西式扒餐意粉都有。呀媽話自己煮餸多，不如食下其他嘢，好！就咁話啦。2.0海陸空雜扒薯菜($138)，有豬扒🐷、牛扒🐮、雞扒🐔各一塊同埋串蝦。3塊扒都好大塊👍，其中我覺得豬扒最好食。薯菜就係炸薯角加雜菜。呢個係是日晚餐包飲品同餐湯。蒜香扒大蝦拌脆皮天使麵($98)，見到炸天使麵咁得意就叫下，原來真係成個麵餅咁炸，好大個一定飽肚。而🍤蝦就有2隻，配上大量蒜蓉好香。另外加咗$25搭配法式焗田螺，有6隻熱辣辣送上，下面就有好多薯蓉，好食，性價比高！餐牌裡的食物可加$10跟餐，餐湯有羅宋湯同甘筍忌廉蜆肉湯，我哋要咗後者，味都唔錯。凍飲+$3，特飲就原價減$10，有唔少選擇啊。總括嚟講，餐廳大眾化，啱街坊一家大細嚟開餐，小菜餐好似幾抵食，扒餐就有平有貴啦，但份量足，味道不錯😄。餐廳名雖然叫茶餐廳，但環境比茶餐廳舒服、乾淨好多👍。店員服務都幾好，扒餐我落哂個汁後，有主動問我哋要唔要多啲

這間餐廳叫茶餐廳2.0,  原來2.0 就是將傳統茶記的食物變奏，變得環境高級一點，餐牌變得多款一點同變得中西合壁一點。由簡單的幾十蚊的茶餐到貴價$988的斧頭扒都有。連服務都比一般茶記好，不會有趕客的情況。既然是2.0，我當然不會只點普通的茶餐/晚餐，我點了一客法國藍帶豬扒，加$10 可以轉套餐，有餐湯及餐飲，加$25 仲有法式焗田螺。先要讚一下$25 的焗田螺絕不是敷衍貨式，份量大，田螺下仲有薯蓉墊底，賣相不錯，味道比其他西餐廳都差不太遠。而主菜法國藍帶豬扒，藍帶二字感覺高級，但頗為邪惡，用豬扒夾著火腿及芝士，份量十足，切開會見到滿滿的流心芝士，炸得香脆肉嫩，可配飯/意粉/薯菜。另一個主菜點了中式的鮮鮑魚石窩雞煲配白飯，石窩可以令熱度可以keep 得耐一些，鮮鮑魚有3 小隻，雞煲醬汁惹味，好送飯。兩個人食得咁豐富都只是二百多，十分抵食。