金船長餐廳 (已結業)

黑松露菌醬意式馬斯卡普芝士夾心比薩Mascarpone 一般多數都係用於制作 Tiramisu, 可能我自己見識少，從來無見過有餐廳用於制作 Pizza, 估唔到效果出奇咁好，中間 Mascarpone 香軟，表面 Parmesan 香脆，配合黑松露、提子果醋，絕配! 得獎菜色，實至名歸。法式焗田螺香草牛油味超濃郁。邪惡! 但極好食。焗紐西蘭金獅魚柳配西西利番茄汁做法類似 Provencal, 表面香草麵包糠焗至香脆，魚肉足夠厚身，內裏保持嫩滑。金獅魚柳比起一般西餐用魚柳，如鱸魚、龍脷柳、三文魚等，成本較高，以此價錢食到機會相對較低。絕對值得一試。美國 Prime Grade 肉眼扒 (12安士)Medium 做到剛剛好。肉味充足，相對西冷牛扒比較軟諗。Gravy有誠意，沒有用過多 “麵撈”。如果用 Chargrill 代替 Panfry, 肯定更加出色。薑味梳乎厘真係好夠薑!整體非常出色。小店價錢，高級質素。

今日係奧運接男朋友收工，就喺附近搵吓有啲咩好食。見到呢間好似都唔錯咁就入咗去啦！<法式焗田螺，$68>男朋友本身都鐘意食田螺，咁岩見到有又好耐無食所以叫左黎試下。都係重芝士味，田螺都唔細隻。<黑松露菌醬意式馬斯卡普芝士夾心比薩，$108>呢個不愧為得獎菜式，真係好好食好特別亦都好創新！無論創意定味道都做得好好！呢個批有3個食法。第一個係乜都唔加就咁食，呢個食法會比較heavy，比較膩，因為會食到好重既芝士同松露味。我最鐘意呢個食法！第二個係加左少少提子醋，呢個食法就會清少少，男朋友最鐘意呢個食法！第三個係少少菜再加少少提子醋，呢個食法會食到草青味，我地都覺得另外嗰兩食法好食啲。好值得一讚嘅係個批面好似墨西哥包個面，好香脆好好食！<自選黑松露汁意粉，$124>好似係第一次見到有自選意粉，可以自己揀醬汁同埋唔同嘅配料。我哋就揀咗黑松露汁同埋海鮮，有帆立貝、蜆肉同埋白菌。意粉嘅份量好多俾我哋想像中多好多，食落都幾好食不過因為我哋叫咗Parmesan cheese同Mozzarella cheese，個意粉就會好重嘅芝士味。<宇治抹茶紅豆

提起大角咀金船長 一定冇理由唔知道佢得獎食品，黑松露馬卡斯芝士夾心薄餅， 今次真為呢個pizza而來, 而且入到去已見到， 大大隻字寫住得獎作品，所以唔會漏點了。 今次得我同老公兩人， 所以點咗個細size 16吋， pizza內涵夾著超級多的黑松露, 外皮沾滿了濃郁嘅芝士， 內軟外脆， 侍應介紹這三種食法，第一種就係最原始，就咁食。第二種呢就係沾了佢哋每日新鮮釀製嘅葡萄醋食，第三種就係加上沙律菜一齊食。 無論點食都係咁好味。另外點了焗田螺，炸軟殼蟹，美國肉眼牛扒，甜品點了梳乎厘。法式焗田螺， 往時食開都係薯蓉焗， 但今次流質很多，有大量蒜香牛油可搽麵包， 田螺肉保留了水分很鮮嫩。炸軟殼蟹放喺長碟上，賣相精美，入口軟腍，外皮炸得脆脆的， 冇油益味。美國肉眼牛扒配薯菜，黑椒汁。 薯菜烤得剛好，還保留著水份。 黑椒汁另上， 食客可以自行決定落幾多，貼心服務。 牛扒五成熟剛剛好， 保留了肉汁， 如果可以加多塊牛油係底，熱碟上一定更美味。梳乎厘高高聳起， 外形鬆泡泡， 充滿空氣感 ，吃下感覺輕盈， 是近期比較喜歡嘅一種甜品，好味道。

大角咀這一帶一向都有各種美食選擇，最近發現了金船長的最新得獎菜—黑松露馬斯卡普芝士夾心 pizza，喜愛黑松露的我當然要來一嚐～餐廳的裝飾以航海為主題，燈光較陰暗，營造了浪漫的氣氛。甫坐下便有店員來跟我們介紹餐廳的食物，非常貼心。黑松露菌及牛肝菌雲吞配野菌忌廉汁值得推介！忌廉汁散發出黑松露的味道，混野菌和雲吞皆很入味，再加入沙律菜增加新鮮感。法式焗田螺的份量較少，但田螺混了焗焦的芝士，非常肥美。期待已久的 夾心pizza~有 6吋或9吋選擇，這個是 6吋的。店員介紹這道菜有三種吃法，可以原汁原味吃，亦可點店內自家製的提子果醋或有機沙律菜。個人就挺欣賞點提子醋，酸酸甜甜的較開胃。整體黑松露的味道重，均勻地搽在麵包上。面頭灑了超級多的芝士粉，吃下去煙煙靭靭的，有點滯但就飽得很有滿足的感覺。三文魚和比目魚的肉質鮮，煎得恰到好處。三文魚煎得肉邊脆脆的，而比目魚亦很白滑，能保留它的鮮味。這裡有不少特飲，較特別的有加州牛油果沙冰。平時都很少見以牛油果為主的飲品，就算有也是很甜或人工味。這個非常新鮮，質感軟滑，像混了乳酪。整體上，來金船長不止是吃它的食物，其服務、氣氛也是令人滿意的。

星期三又同媽媽周圍搵食 無意間走左入去金船長 以為普通餐廳點知完全有驚喜 食物有質素！對燈塔情有獨鐘店員推介我地一定要試佢地嘅得獎名菜黑松露配上自己制pizza皮配埋芝士粉香濃黑松露配上芝士粉 出奇地match 可以加埋佢地自家制嘅提子汁 口感更豐富媽媽㨂左素翅蟹肉南瓜湯 蟹味比南瓜味濃勁多素翅 口感一流 配埋蒜蓉包 我鐘意凱撒沙律 啲沙律菜好乾淨 好爽甜好耐無食過焗田螺了 蒜香牛油無得輸粒粒田螺都被包圍住 配上麵包一流7成熟肉眼扒 火喉岩岩好 粉紅色嘅肉入口牛味濃 加上少許海鹽已經鮮味十足薯蓉非常creamy嫩滑 值得推介最後叫左一陣嘅梳乎厘 好似減低罪惡感蛋白發得岩岩好 大愛

今日同朋友慶祝生日🎂收工後就嚟咗金船長食晚餐🤗平時聽同事講呢度嘅黑松露Pizza好正，今次終於試咗！佢個外形似烘三文治，好脆口，同埋佢灑左面包糠係面，加埋本身黑松露同芝士份量好足料，睇得出佢地好用心整，成個菜式係設計過。waiter好細心咁同我介紹pizza三種食法，有原味、提子醋同沙律菜食法，我個人比較鐘意原味同沙律菜，因為咁樣食黑松露既香味好出，諗起都想再食😂提子醋就酸酸甜甜，中和返芝士既油膩感，係一個好細心設計既配搭。另外仲叫左蜜糖燒汁焗豬手，呢個真係要讚！平時我係唔會食豬手，我驚肥同埋d肉唔靚。但係呢到個豬手首先好大件先啦，跟住肥細分佈又均勻，個皮就算厚同有肥膏，食落都唔會膩同成口油，豬手既肉亦都好嫰滑。最重要係佢個蜜糖汁，甜甜地又有燒烤個種香味，同配菜（紫薯、蕃茄、栗米、菠菜）夾埋一齊食個口感同香味都係一流！絕對推介豬手，值得一戰😋😋飲品得揀凍朱古力，大大杯又濃朱古力味❤️小食就叫咗法式焗田螺，蒜蓉味好香加上我覺得田螺啱啱好，麵包浸落去啲蒜油到真係好開胃，做頭盤食既份量係岩岩好。甜品就朱古力心太軟🤗心太軟個朱古力做得好好，唔會太甜，同埋質感唔會「結達達」，加上焗既時間又係配合得

應友人推薦，我地一行三人專程到訪大角咀，為嘗黑松露菌pizza的滋味。六時造訪，客人還不算多。餐廳裝潢以西餐廳為藍圖，走優雅格調。因為我地三個女仔唔算大食，所以就叫左兩個SET DINNER同黑松露菌醬意式馬斯卡普芝士夾心比薩 (個名真心長 ，不過都真心好食 青豆忌廉湯忌廉味略嫌太重，蓋過了青豆味道，需用心感受青豆氣息，才能找到他的蹤影。黑松露菌醬意式馬斯卡普芝士夾心比薩Pizza在運送途中，便能隱約嗅出黑松露菌的香氣，上枱後氣味更濃烈，還可嗅出芝士的香氣。PIZZA的味道毫不遜色於其香味，外層係脆脆既巴馬臣芝士夾心係黑松露醬咬一口，黑松露菌的濃郁和芝士的咸香盡收口中。不愧為獲獎菜式 如果覺得味道太濃，還可伴以酸酸甜甜的提子醋和夾配菜，又是另一番風味法式焗田螺這裡的焗田螺會配以法包進食，把田螺和牛油淋上軟綿綿的法包，法包吸收精華後，中和了牛油的膩感，卻保留了當中的香可惜是田螺質地不夠結實香煎泰國老虎蝦併帆立貝伴龍蝦汁天使麵主菜的SIZE是出人意表的大有兩隻大蝦，和兩隻大大粒的帆立貝蝦好彈牙，用叉挑佢出黎既過程，就可以感受得到帆立貝都好鮮味，可吃出兩隻均是新鮮貨配菜—燒茄子、翠玉瓜和