Owl's Choux

營業中

休息中

🇭🇰Owl's Choux·呢間我好耐之前已經食過佢個gelato泡芙架啦 我記得佢個雪糕好好味 配埋泡芙口感好好😍😍近排見到佢個Crème Brûlée泡芙好似好hit咁 個日星期日經過見唔算話好多人就決定排隊試下 點知最後等左1個鐘🤭不過因為排隊既時候係可以一路睇住佢整啲泡芙 所以時間都過得好快🤣🤣·法式焦糖燉蛋泡芙$40我自己幾中意佢呢個配搭😍😍佢個泡芙本體勁酥脆 而且佢面頭個焦糖都燒得好靚 少少暖暖地咁 配埋佢新鮮擠入去凍既custard 口感超豐富🤤之後佢個燉蛋係超香雲呢拿味 個custard都唔會好膩 不過我就略嫌佢中間太多層次啦 所以唔係好食得出燉蛋個個動L既口感🤭不過整體味道都好豐富 幾有驚喜😎😎·#rbyeat#rby甜品飲品 #rbybakery#rby尖沙咀·📍尖沙咀麼地道32號地下

Crème Brûlée Puff 法式焦糖燉蛋泡芙 - $36這間尖沙咀甜品店的法式焦糖燉蛋泡芙果然名不虛傳！連我媽媽都話超級好味！😋😋😋😋😋相當有驚喜，裏面的吉士忌廉超級香雲呢拿味，食得出是用了新鮮雲呢拿籽，仲有炙燒焦糖脆面，超鍾意食Crème Brûlée 的我真係冇失望！食物：雖然裏面唔係燉蛋，但係個吉士忌廉冰冰凍而且好Creamy，加埋出邊的焦糖脆面，食一粒真係唔夠喉，而且因為粒Puff真係好細粒，口味較甜所以食一粒唔夠喉，反而應該係啱啱好，每行過尖沙咀都會心郁郁想入去買一粒食。環境 - 呢一間絕對係一間小店，一眼睇晒店內就只有玻璃窗前4個位置，當日平日下午時間去到只有一個人在店內估計是店主，由於是即叫即做，所以等候需時，估計10分鐘，但如果有人排隊就應該唔止。由於當日係孭住小朋友，就唯有喺門外食，雖然製作需時，不過我覺得值得等，絕對好味過連鎖日式泡芙多多聲。

食完飯，個fd話帶我食甜品自己本身對甜品無乜慾望但佢話：好細件架咋，保證好食！咁我就跟佢去試下啦🤭入到間鋪聞到濃濃嘅奶油味～法式焦糖燉蛋泡芙 Creme Brulee $36賣相都幾靚，立即餵左電話先外貌好似芝士烤菇😂但竟然係甜品！～咬落去好脆係成個泡芙嘅外層都好脆呢個係第一件令我有驚喜嘅甜品～見到d cream嗎？兩邊分得好鮮明我以為所有cream都係成pat軟林林嘅醬咁無諗過d cream同焦糖燉蛋醬可以咁挺身覺得自己好似食緊件藝術品😂我估應該係店主好用心去打醬(?)～總結：雖然對甜品無咩感覺，但如果下次有fd話想食甜品嘅話應該會即時諗番起佢😅

第一次嚟係因為朋友推介 ，加上呢間野嘅泡芙睇落比較有特色坐低食咗個雪糕泡芙之後，覺得係名副其實嘅米芝蓮小食之後每次行過K11 只要唔係太飽都會買個嚟食吓佢係K11附近嘅一個街角 今日行過又買咗啲嚟食泡芙係即整嘅 一邊係corner位望出街 啲人匆匆忙忙咁行嚟行去 一邊靜靜咁慢慢等個crème brûlée 泡芙唔單止上面有一層脆脆嘅焦糖，入面嘅custard 個撈埋仲有雲呢拿籽 再夾埋少少cream 食落唔膩 一次過享受泡芙口感同crème brûlée 嘅味道推介另外再買多咗個海鹽焦糖同茶味嘅泡芙比屋企人睇落都好唔錯

成日經過見到依間泡芙店見到係米芝蓮都想試下，睇下點解賣泡芙都可以咁勁拎到輪胎人推薦🏅晏晝三點幾去到舖頭唔算多人，舖頭有幾個位比客人坐低食，人唔太多可以坐低慢慢睇menu，先再落order🧐**********<法式焦糖燉蛋泡芙> $34依個泡芙個餡係creme brulee，裏面會有白色嘅忌廉同黃色嘅吉士，吉士有雲尼拿籽嫁，一啖食落去會爆cream，最表層就用火槍燒焦左啲焦糖，食落脆卜卜，有幸福嘅感覺🤤**********<紅絲紱泡芙> $58見依個多人推薦就試埋依個，泡芙嘅表面係紅絲紱蛋糕，但有啲失望，食落其實同普通泡芙無咩分別😂裏面就可以揀一款口味嘅gelato，我地就揀左開心果味，雪糕都唔錯，不過mix埋泡芙就唔算好夾🤔