Blossom (已結業)

呢間鋪位於HKU 對面,所以就同同事放lunch 時候一齊食. 鋪面以白色配木紋裝潢,所以有一種relax 同chill 既感覺, 同埋位同位之間都唔會太迫,比較舒服.叫左法式燒春雕,前菜可以配南瓜湯同沙律,我就揀左南瓜湯,一入口真係有驚喜,頗濃南瓜味，同埋好creamy,連我平時都唔食開南瓜既人都忍唔住飲哂.之後法式燒春雞真係原雞上, 外皮略脆，但又唔會乾身，肉質保持嫩滑，但本人覺得調味比較淡,如果多少少調味會更好.薯條係粗著,炸得都好脆身.環境加埋食物質素都唔錯既情況下, 我會覺得假日約 fd 黎係最好!

喺呢頭返學，成日都會經過般咸道嘅呢個舖位。返咗咁多年，好似都轉過兩三次舖，不過好似次次都係cafe嚟嘅。呢日lunch諗唔到食咩，就試下呢間Blossom啦～店面唔大，但有空間感。窗邊有幾個位，陽光曬入嚟一邊食嘢都幾寫意舒服，亦都係打卡嘅spot👌lunch menu定期會轉，呢日我哋叫咗兩個lunch set～餐湯／餐沙律是日餐沙律係凱撒沙律，生菜好新鮮，沙律汁亦好好味，面頭仲sum咗芝士碎同脆麵包粒。是日餐湯係甘筍薑湯，未飲過所以覺得好特別。質地好濃滑，仲有淡淡嘅薑味，又幾好飲喎！黑松露雜菌意大利飯（$108）意大利飯飯粒外軟內硬，口感不錯。黑松露味好香，雜菌份量亦好足。法式燒春雞（$108）最impressive嘅就係配菜嘅蕃薯條，好食！春雞亦都整得唔錯，外皮有少少脆口，而肉質仍然嫩滑，仲保留到肉汁添最可惜嘅係呢個lunch係無包餐飲嘅，但可以加$30配咖啡。不過lunch嚟講呢個價錢都算貴，如果可以平返啲就perfect喇另外呢到嘅店員真係好好服務，態度又令人有賓至如歸嘅感覺。嚟食嘅客人好似都同佢好熟，可見customer loyalty做得唔錯呀！

呢間小店定期會轉餐牌 (皇牌燒春雞除外)，但係前菜就點都會包一個餐湯或沙律🥗今次呢個南瓜湯，入口稠身，而且頗濃南瓜味，間唔中會食到有啲南瓜蓉😇👁‍🗨 法式燒春雞（7/10）💲108半年之前黎過一次，嗰次朋友叫法式燒春雞，試完後覺得外皮微脆，但又唔會乾身，肉質保持嫩滑，調味唔錯，唯獨係鹹左啲🤭當時店員有問意見，我地亦都有反映一下🙈今次再嚟食佢真係有進步，依舊有肉汁，鹹度變得啱啱好😈其實本身係配薯條，仲記得上次既炸蕃薯條，脆身得黎唔油膩，帶有微甜既蕃薯味，值得一試😛不過呢排食得熱氣野多想清淡少少，好彩店員都樂意幫我轉做凱撒沙律，生菜、麵包粒、煙肉粒、芝士絲不過不失，如果多返少少沙律醬會更好🤓👁‍🗨 牛肝菌闊條麵（6.5/10）💲108呢個係朋友揀既素食之選，成兜都係以菇菌為主，不過對於非素食既我黎講，難免會覺得稍微單調🍄麵條煮得有彈性，但係如果可以無咁乾身就好了👉🏻👈🏻🔛 整體評分（7/10）

法式燒春雞$98好食指數:7/10假日食brunch 牛油果多士已經滿足唔到我既黑洞 我走左去食隻燒春雞😎呢個西環小店好chillaxing 好warm 當然已經飲左咖啡 所以無叫到咖啡春雞一上枱熱辣辣 雞肉唔錯 好嫩滑 就連雞胸肉都好嫩 一d都唔鞋 雞肉seasoning 岩岩好 無過咸反而薯角調味重手左 不過都炸得香脆 唔錯當日係另一間餐廳食左野先黎點餐時問了店員可以兩個人點一份嗎店員很有善地答可以如此溫暖的小店本人一定會再來