Blossom (已結業)

喺呢頭返學，成日都會經過般咸道嘅呢個舖位。返咗咁多年，好似都轉過兩三次舖，不過好似次次都係cafe嚟嘅。呢日lunch諗唔到食咩，就試下呢間Blossom啦～店面唔大，但有空間感。窗邊有幾個位，陽光曬入嚟一邊食嘢都幾寫意舒服，亦都係打卡嘅spot👌lunch menu定期會轉，呢日我哋叫咗兩個lunch set～餐湯／餐沙律是日餐沙律係凱撒沙律，生菜好新鮮，沙律汁亦好好味，面頭仲sum咗芝士碎同脆麵包粒。是日餐湯係甘筍薑湯，未飲過所以覺得好特別。質地好濃滑，仲有淡淡嘅薑味，又幾好飲喎！黑松露雜菌意大利飯（$108）意大利飯飯粒外軟內硬，口感不錯。黑松露味好香，雜菌份量亦好足。法式燒春雞（$108）最impressive嘅就係配菜嘅蕃薯條，好食！春雞亦都整得唔錯，外皮有少少脆口，而肉質仍然嫩滑，仲保留到肉汁添最可惜嘅係呢個lunch係無包餐飲嘅，但可以加$30配咖啡。不過lunch嚟講呢個價錢都算貴，如果可以平返啲就perfect喇另外呢到嘅店員真係好好服務，態度又令人有賓至如歸嘅感覺。嚟食嘅客人好似都同佢好熟，可見customer loyalty做得唔錯呀！