House FiftyEight

營業中

休息中

觀塘附近好多上樓餐廳，公司附近最近又開咗一間新嘅西餐廳 House FiftyEight，即刻試吓先。上到去有啲驚喜一入去見到飛鏢機同桌球枱😂地方非常之闊落。侍應安排好座位之後，亦都推介左點午餐。我同同事就一人點咗一個餐。套餐包括餐湯餐包同埋一杯熱飲，凍飲就加$3。另外仲可以加$10升級選配飯、意粉或者沙律，男士女士都照顧得到。法式牛柳配黑椒汁 (💰$138) 法式牛柳性價比好高，非常之厚切！而且火候控制得好好，夠Juicy之餘又唔會血淋淋。黑椒汁亦都好香濃，唔係茶餐廳嗰啲。香煎加拿大豬扒配燒汁 (💰$88) 我呢個加拿大豬扒都好大塊，而且煮得好好，唔會有一半豬扒通病，煮得太耐硬得滯。個意粉都非常之正，落足蒜蓉，非常香口。粟米忌廉湯南瓜湯兩個湯都好濃郁，唔會開水咁樣。除咗員工服務好，地方闊落又整潔之外，呢度嘅裝修都好有心機，由顏色去到燈飾都非常之特別！最有趣嘅係張長梳化，你哋又覺得似啲乜呢😉？下次放工真係可以落嚟happy hour，之後再晚餐。=====================🔘 House FiftyEight 🔘🔘 觀塘駿業街58號4樓🔘 8118 3888

Lunch time觀塘搵唔到位, 同同事簡咗呢間上樓嘅餐廳食西餐, 一出lift又覺得幾有feel, 見到飛鏢機同波枱, 已經同同事講緊放工happy hour再嚟~ 間餐廳都係新開, 所以lunch time 人流唔算太多, 地方夠大, 坐得舒服。我哋叫咗個法式牛柳配黑椒汁／烤無骨雞脾配燒汁／咖喱燴牛肋骨／橄油蒜香蜆肉扁面，每一個份量都好足!  佢一個餐包餐湯+包, 仲有杯熱飲, 觀塘區西餐相當扺食! 見佢仲有cock tail / 其它酒提供,  嚟緊都約同事試埋佢個dinner。或都慶祝節日和周年紀念都可以諗諗~~ 

新開張西餐廳，前身呢度都做開西餐，估唔到質素好左，價錢又差不多。觀塘食飯四圍都係人，可能新開我地又早食飯唔算多人，店員話我地係第1枱食客，難得清靜。Lunch Set 包餐湯, 主菜同埋飲品，是日餐湯係羅宋湯，多湯料幾好飲。店員推介下我試左牛柳，肉好軟腍$138就有2大件，唔會煎得太熟岩岩好。另外同事們都分別試左唔同lunch set．佢地話味道都OK，牛肋骨仲好好去埋骨，整體價錢唔算貴，環境都OK舒服唔會太迫，下次會再同事們來lunch.見佢都有啤酒，同埋有飛鏢，Beer Pong玩，Happy Hour 黎玩下應該都唔錯。