Barg (已結業)

我最愛去耀華街逛時裝店,  朋友仔看 Open Rice , 見呢間西餐廳啲comment唔錯就試吓。銅鑼灣地鐵站A出口時代廣場附近電梯直達一樓店內歐洲風裝潢座椅設計幾有特色～店內size不大但間隔得合適算坐得舒服不論是座椅燈泡餐具，很多都帶有文藝色彩  餐廳裝修雅致, 不會太嘈吵。餐廳提供西式主菜、前菜、湯、意粉、pizza、酒、， 選擇豐富，總有一款適合。店員服務好好, 給我們安排了梳化座位  點完餐後，隨即為我倆送上餐前麵包，麵包有兩款，入口外脆內軟，配牛油吃，特別滋味。主角係蒜頭橄欖油, 蒜頭表面有小小燒過幾好味幾有誠意，用蠟燭熱住, 真係與別不同, 的確好食. 而牛油呈半融狀態，搽上麵包剛剛好。如果麵包可以refill的話，我一定會refill吃意大利菜, 我們必食 Pizza.  薄餅烘得非常香口，批底脆薄，上桌時已分成 6 塊👍🏻 意大利風味, 好薄又香脆, 非常滿意. 重點係餅皮係好夠薄，食落非常脆口忌廉菠菜雲吞忌廉一定係會heavy啲但忌廉同雲吞好balance食完都暇唔覺得太滯脹Good👍🏻忌廉汁醬汁香濃美味，雲吞呈圓型飛碟型狀，非常特別，餡料芝士味突出，菠菜鮮嫩，

這天朋友帶我來的是一家環境舒適的銅鑼灣樓上西餐廳. 餐廳的地方闊絡, 座位算是不少, 單邊的沙發座位坐得很舒服. 坐下後便奉上麵包及油浸蒜頭, 蒜頭用來沾麵包比牛油要好上許多. 若可以的話會想添上多一份麵包及蒜頭. 很喜歡水牛芝士的質感, 甜菜是第一次吃, 很有咬感, 與雪糕般鬆軟的水牛芝士意外地頗夾. 這個四式芝士用上薄脆的餅底, 四式芝士很香濃, 但2人吃一個亦不會太膩. 上桌的是原隻虎蝦有點驚訝, 蝦肉頗彈牙配上多士不錯. 烤德國咸豬手份量十足, 外皮脆身, 肉味濃郁, 配上芥辣正好. 吃得有點膩的時候吃點酸菜剛剛好. 埋單的價格每人$350左右, 合理的價格, 舒適的環境. 

今天相約朋友在銅鑼灣逛街，逛街前就先吃個午餐我們選擇了BARG，因為看到環境舒適及有情調頭盤我們點了香煎鵝肝配焦糖蘋果，鵝肝入口即溶，油香在口內盤旋配上焦糖蘋果酸酸甜甜的味道，有助解膩及令味道更豐富然後就是法式蟹肉虎蝦多士，是原隻虎蝦加上蟹肉，蟹肉的份量非常多蟹肉混合了千島醬，把蝦肉切成小塊，配上外脆內軟的多士一起吃，非常滋味，每一啖都能吃到蟹肉最後就是龍蝦汁蟹肉天使麵，每一條麵條都沾上了香濃的龍蝦汁，麵條柔軟味道濃郁，很喜歡這個天使麵呢，下次有機會要再來呢

女性朋友請食飯揀左伯樂一樓的Barg, 小浪費氣氛，裝潢有心思，椅子得特別，星期一晚上，人流也不少，放工chill 下，傾下計，唔錯。蠟燭一直熱住蒜香油，keep住溫度，配合軟熟微熱餐包食用，唔錯，笑言食緊燭光晚餐。法式蟹肉虎蝦多士 （必食）巨型版蝦多士， 虎蝦大大隻夠新鮮，多士炸到脆卜卜，金黃色，睇得又食得，不過得2件太少。辣肉腸汁 4重奏芝士薄餅2個女士，食到主菜已經有點飽， 薄薄pizza 濃厚cheese, 加spicy sauce, 多重享受 豐富口感。服務員親切有禮貌，整體感覺不錯，會再來。

BFF由澳洲回港短聚，我忙到甩轆，收工拿拿林上開飯搵地方。原本灣仔il Bel Paese係我會友首選，但舊年兩度失望於新意大利大廚對pasta嘅自我風格下，已經將佢打左入冷宮。咁就比我發現到新歡 - Barg。用開飯訂位快、靚、正！按幾下，10秒鐘搞掂。去到餐廳樓下見到條長人龍等𨋢嚇左一跳！再睇下地址係1樓，唔使搭𨋢嘅，嚇得我吖～店員引領入座，望下個環境，YES! 無揀錯，perfect place for dine and chat.坐低後，店員會問我要無汽定有汽嘅水(不另收費)；之後我地睇緊menu未叫菜，店員已經送上麵包(不另收費)，那怕你會淨食麵包飲水就走？可惜我帶病上陣，肚肚唔舒服，唔敢食得太油，其實好想試下具人氣嘅烤德國鹹豬手同烤乳豬配蘋果醬，唯有留待下次。另外亦好想試下個個都讚嘅羽衣甘藍牛油果沙律，但不過朋友喺澳洲日日都食牛油果，所以揀左芒果龍蝦沙律。全部菜式都比想像中嘅好食更好味，so impressive。店員又有禮貌，服務又周到，一定要再嚟。

參與朋友飯局來到ＢＡＲＧ。入門後看到餐廳的長方形格局，門口位置區間出左右兩翼。格局佈置充滿空間感，餐枱擺放沿牆，枱與枱之間有足夠距離，配合柔和燈光，感覺舒服。羽衣甘藍牛油果沙律 $98不是一般的用羅馬生菜，紫生菜，火箭菜，珊瑚菜等做沙律，而是用上羽衣甘藍這種香港不常見的沙律菜種類。羽衣甘藍這個名字十分優雅，而且聽聞營養高又防癌。羽衣甘藍甘甜爽口，牛油果入口軟綿軟滑，新鮮健康配搭。帕爾馬火腿薄餅 $138上枱已經被薄餅香味及賣相吸引了。餅底鬆脆，餅邊微微燻脆，芝士份量多幼滑帶有焦香，帕爾瑪火腿大塊而且很多，切開每件都有一大塊，肉質油潤柔韌且充滿鹹香肉香，加上舖面的香草菜，味道口感都十分豐富，富有層次感。法式蟹肉虎蝦多士 $138單看賣相己已經十分吸引，誇張點可說是霸氣外露。蝦開邊後舖滿了蟹肉，經火槍輕燒後，更加香口。蝦肉彈牙結實，蟹肉軟淋鮮甜，多士香脆鬆軟，出色的組合！燒春雞 $218吃西餐往往不喜歡吃雞肉，因為怕雞肉煮得太乾太鞋，但朋友想吃燒春雞，就順他意吧！想不到有驚喜，燒春雞做到皮脆油香，肉質ＪＵＩＣＹ嫩滑。雖則某些部位無可避免有少許乾，但皮下雞油帶出油潤作用，令肉不鞋口。

呢篇係第一篇寫既食評，搵返間餐廳叫咩名既時候好奇個名係咪有咩特別意思話晒我都係讀science 原來一搵 真係同science都有d關係Barg - 表壓 簡單黎講係同大氣壓力（1atm）既相對壓力如果要俾呢間餐廳一個brag，會係負值唔好誤會，意思係低過大氣壓力，我覺得環境輕鬆喺銅鑼燒地點咁方便黎講，呢間餐廳算係難得清靜 但氣氛唔odd 感覺輕鬆 員工都好nice講左我喺呢間餐廳最鍾意既食物先： 加拿大海膽 ($128/60g)一個字，甜加拿大海膽出名質地挺身d，但我覺得日本海膽一般都比加拿大海膽甜但驚喜係呢個海膽真係好甜，入口即溶而且每100g海膽就有41g 蛋白質，食多多都唔驚，罪惡感低！唯一就係附送個紫菜好cheap...有d up味餐包就都幾好味，有關款唔同味道share黎食，夠鬆軟個牛油係乎合我expectation，夠香個焗蒜樣就夠港女，打卡值高，但食落一般，冇咩味法式蟹肉虎蝦多士($118/2pcs)虎蝦大隻，熱辣辣，打卡值都高塊多士同d蟹肉好夾，但就搶左少少d蝦味，不過值得叫既美國頂級牛柳($198/8oz)正！叫左medium well，因為我唔鐘意食太生好似星期四