Amplifier Restaurant (花園街) (已結業)

旺角應該係全世界餐廳密度最高嘅地方之一。中餐、西餐、日本菜、韓國菜、快餐…應有盡有。但評價咁一面倒的就無幾多間。Let’s check it out!法式鴨肝醬鴨肝雖不像鵝肝那樣含有高量的脂肪，但這裡料理得宜，一樣能有柔滑細膩的口感。5小時慢煮澳洲和牛威靈頓威靈頓牛柳 - 傳統的英國菜，做法比一般牛扒繁複，烹調時間較長，可以預先準備的功夫不多。坊間一般西餐廳不太常見有此菜色供應。但這裏偏偏以此菜式作為招牌菜……牛柳生熟度對於我而言剛剛好，做到大概 Medium, 肉汁豐盈、鮮嫩粉紅。酥皮焗至金黃色，乾爽鬆脆。牛柳與酥皮之間沒有空隙，而且加入 Parma Ham 及雜菌蓉，增加鹹香、口感，亦有助減少肉汁弄濕酥皮機會。

是日與友好共聚，到了amplifier restaurant食晚飯。原來有live band。我們叫了4樣食品,有法式鴨肝醬,櫻桃木輕煙熏生阿根廷粉紅蝦,傳統意式蒜香蜆肉意粉同埋醬燒豬肋骨。法式鴨肝醬-梨形鴨肝醬整得幾好，配合起多士唔錯。櫻桃木輕煙熏生阿根廷粉紅蝦-剛到時候店員叫我們先等1分鐘再幫我們打開。蝦肉質鮮甜，而配料都好正。傳統意式蒜香蜆肉意粉-意粉有蒜香令到菜式更香口，蜆肉肉質鮮味可口。醬燒豬肋骨-豬肋骨份量都唔少，肉質都唔錯。個醬汁成功帶起肉味。而配菜薯條炸起來不油膩，夠粗身口感一流。

今晚約左朋友同旺角食西餐，之前聽聞有live band,所以叫朋友去食下聽下再傾下計。今日去到夠早好快有座位，睇完餐牌就點了以下食物。法式鴨肝醬，櫻桃木輕煙熏生阿根廷粉紅蝦咯嗲，傳統意式蒜香蜆肉意粉，醬燒豬肋骨。法式鴨肝醬將鴨肝整到梨形望到都覺得勁。有4件多士用鴨肝配合食係唔錯。櫻桃木輕煙熏生阿根廷粉紅蝦咯嗲兩隻生蝦都好大隻新鮮鮮味。傳統意式蒜香蜆肉意粉-蜆肉都幾滑身，意粉爽口彈牙。醬燒豬肋骨個豬肋骨味道唔錯，個醬甜甜地好夾。而個薯條熱辣辣又好脆非常好食。

相信香港最多嘅餐廳類型係西餐，不過十間西餐廳有九間既食物都係差唔多，冇咩新意。但今日意外闖入呢間旺角樓上西餐廳，每道菜都有新嘅元素，唔會原地踏步，充滿驚喜，所以一定要介紹俾大家。一入到去已經見到有個好大嘅live band空間。表演者有別一般餐廳嘅live band唱歌，而係表演色士風，而且會演奏耳熟能詳嘅歌曲，無論古代定現代歌曲都能駕馭，我個人非常喜歡呢個live band。餐廳嘅食物同餐飲menu都好厚同好大本，證明餐廳食物飲品選擇非常廣泛。我同女友各叫一個主菜，加$50可以轉套餐，包埋餐飲、湯同甜品。龍蝦湯一向係我嘅至愛，所以我決定再加$20選擇泡沫龍蝦湯，龍蝦味濃郁，另外輕盈、鮮甜、柔滑集於一身，絕對物有所值。餐湯亦會配上蒜蓉包，上面有厚厚嘅芝士，百般芝味在心頭。淨係一個dinner set當然唔夠食啦，所以我哋加咗個法式鴨肝醬。鴨肝醬整成水果形狀，技術含金量可謂超高，真係睇得又食得。鴨肝醬口感柔滑細膩，獨特嘅鹹香味令人愛不釋手。旁邊仲有四片帶酸味既麵包，味道同鴨肝醬超夾。燴和牛臉意大利飯係餐廳recommend，意大利軟硬程度剛剛好，而且份量超多。和牛非常軟稔，用叉輕輕一撥就